ဆင်းရဲမွဲတေမှုဖြေရှင်းရန် နေရာချပေးသည့်စခန်းကြောင့် ယူနန်ပြည်နယ်အလ်ယွမ်ခရိုင်၏ ဆင်းရဲနွမ်းပါးသူများ နေထိုင်မှုဘဝကောင်းမွန်လာ
ယူနန်ပြည်နယ်အလ်ယွမ်ခရိုင် ညိုကျဲကျေးရွာအုပ်စု စီးချိဖော်နေရာတွင် သစ်ပင်များအကြား နေအိမ်သစ် (၃၄)လုံးတည်ရှိနေပြီး နေအိမ်တိုင်း၏တံခါးရှေ့အရောက် ကွန်ကရစ်လမ်း ဖောက်ထားသည်။ အဆိုပါ နေရာသည် ဆင်းရဲမွဲတေမှုပပျောက်စေရန် နေရာချပေးသည့်စခန်းတစ်ခုဖြစ်သည်။
ဆင်းရဲမွဲတေသည့်နေရာမှ ရွှေ့ပြောင်း
လွန်ခဲ့သော(၃)နှစ်မှာ လော်ယုံရှင်းနှင့်သူ၏မိသားစုများသည် သဘာဝဘေးအခြေအနေအလွန်ဆိုးဝါး သော ဖူဟော်မြောက်ရွာတွင် နေသည်။ ထိုနေရာသည် နေပူလျှင် ဖုံများ၊ မိုးရွာလျှင် ရွှံှ့ဗွက်ထ၊ လမ်းပန်းဆက်သွယ်ရေးလည်းအဆင်မပြေ၊ ပစ္စည်းသယ်ယူပို့ဆောင်ရာတွင် လူ သို့မဟုတ် မြင်းဖြင့် ပို့ရသည်ဟု လော်ယုံရှင်းမှ ပြောသည်။
“ဘေးအန္တာရာယ်လည်းများပါတယ်။ ဥပမာ၊ ဆင်ခြေလျှောတောင်ယာမြေက ရေစိမ့်ဝင်တယ်၊ မြေပြို တယ်၊ ဝင်းထရံနဲ့ အိမ်အတွင်းထိပါ နစ်မြုပ်တယ်”ဟု လော်ယုံရှင်းမှ ပြောသည်။
အလ်ယွမ်ခရိုင်သည် လက်တွေ့အခြေအနေနှင့်အညီ ဖူဟော်မြောက်ရွာအား ပထမအသုတ်ဆင်းရဲ မွဲတေမှုပပျောက်စေရန် နေရာချပေးသည့်စခန်းစာရင်းသို့ ထည့်သွင်းပေးကာ ၂၀၁၆ ခုနှစ် ဖေဖော် ဝါရီလ(၁၅)ရက်နေ့မှစတင်ပြီး အဆိုပါရွာ၏အိမ်ထောင်စု(၃၄)စုအား လမ်းပန်းဆက်သွယ်ရေးနှင့် သဘာဝပတ်ဝန်းကျင်ပိုမိုကောင်းမွန်သည့် စီးချိဖော်နေရာသို့ ရွှေ့ပြောင်းပေးသည်။ ထို့ပြင် အိမ်တိုင်းတွင် နေရာခြည်စွမ်းအားရေနွေးပေးစက်ကို တပ်ဆင်ပေးသည်ဖြစ်ရာ နေထိုင်ရေးအခြေအနေမှာ တော်တော် ကောင်းမွန်လာပြီဖြစ်သည်။
နေထိုင်မှုပတ်ဝန်းကျင်ကို အစဉ်အမြဲထိန်းသိမ်းနေ
“အခုဆိုရင် အရမ်းကောင်းလာပါတယ်။ ကားက အိမ်ရှေ့ထိ တိုက်ရိုက်ရောက်နိုင်တယ်။ တစ်ချို့ အိမ်တွေဆို Minibus ဝယ်ထားတယ်”ဟု အလ်ယွမ်ခရိုင် ညိုကျဲကျေးရွာအုပ်စု ဖူဟော်ရွာတွင် ဆင်းရဲနွမ်းပါးမှုလျှော့ချခြင်းအား တာဝန်ခံဆောင်ရွက်နေသော အစိုးရဝန်ထမ်း ယမ်ကျီကမ်းက ပြောသည်။ “အိမ်မွေးတိရစ္ဆာန်တွေကို တစ်နေရာတည်းမှာအားလုံးစုဝေးမွေးမြူလို့ လမ်းပေါ်မှာ တိရစ္ဆာန်အညစ်အကြေးများ လုံးဝမတွေ့နိုင်”ဟု သူက ဆက်လက်ရှင်းပြပေးသည်။
ရွာသစ်ထဲတွင် ရေဘေးကာကွယ်ရန် နံရံနှင့် ရေစီးကြောင်းခွဲမြောင်းများကိုလည်း ကျွန်တော်တို့ သတင်းထောက်များက တွေ့ခဲ့သည်။ အလ်ဟိုင်ခရိုင်သည် တရုတ်ယွမ်ငွေ（၉）သန်းရင်းနှီးပြီး ရွာသစ်အခြေခံအအောက်အအုံကို တည်ဆောက်ပေးခဲ့ကြောင်း သိရသည်။
ဝင်ငွေတိုးများစေသည်
“တစ်ချို့ ရွာသူရွာသားတွေက အစမှာ နေအိမ်မရွှေ့ချင်ကြဘူး။ သူတို့က အိမ်ရွှေ့စရိတ်တရုတ် ယွမ်ငွေ(၆)သောင်းကို ချေးပြီး ပြန်မဆပ်နိုင်မှာ စိုးရိမ်တယ်။ တစ်ချို့ကလည်း ရွာဟောင်းရဲ့ဘဝနဲ့ ကျင့်သားရနေတာဖြစ်တယ်။ အရင်အချိန်တွေတုန်းက လမ်းပန်းဆက်သွယ်ရေးအဆင်မပြေလို့ မိသားစုတစ်စုလုံး မွေးမြူရေးနဲ့လယ်ယာထဲမှာပဲ အချိန်ကုန်လွန်ခဲ့ရတယ်။ လယ်ယာသီးနှံတွေ ရောင်းတာကလည်း ဝင်ငွေနည်းပါးပါတယ်။ တစ်နှစ်မှာမှ တရုတ်ငွေယွမ် (၃၀၀၀)ကနေ (၄၀၀၀)လောက်ပဲရနိုင်တယ်”ဟု လော်ယုံရှင်းကပြောသည်။ 
နေအိမ်ရွှေ့ပြောင်းသည့် အိမ်ထောင်စု(၃၄)စုတွင် အလ်ယွမ်ခရိုင်မှ ဆင်းရဲနွမ်းပါးမှုစာရင်းဝင်သည့် နေအိမ်(၁၆)လုံးအတွက် အိမ်ထောင်စုတစ်စုတွင် လူတိုင်းပျမ်းမျှအားဖြင့် ထောက်ပံ့ငွေ တရုတ်ငွေ (၂၆၀၀၀)ယွမ်ပေးသည်။ အတူတူရွှေ့ပြောင်းလာသော ဆင်းရဲနွမ်းပါးမှုစာရင်းတွင် မပါဝင်သည့် အိမ်ထောင်စု (၁၈)စုအတွက် အိမ်ထောင်စုတစ်စုလျှင် တရုတ်ငွေ (၃၅၀၀၀) ယွမ် ထောက်ပံ့ပေးပြီး နေအိမ်တည်ဆောက်ရန်အတွက်ကိုလည်း ဘဏ်မှ သီးသန့်ငွေချေးနိုင်သည်။
“လမ်းပန်းဆက်သွယ်ရေးကောင်းလာပြီးနောက်ပိုင်း ဝင်ငွေလည်းတိုးများလာတယ်။ လမ်းသွား လမ်းလာအဆင်ပြေတာကြောင့် အချိန်ကိုလည်း ချွေတာနိုင်တယ်။ လယ်ယာမြေမှာ အလုပ်လုပ် နိုင်တဲ့အပြင် အခြားနေရာတွေမှာလည်း အလုပ်သွားလုပ်နိုင်တယ်။ ဝင်ငွေကောင်းလို့ ဘဏ်ချေးငွေ လည်း မြန်မြန်ပြန်ဆပ်နိုင်တယ်။ စီးပွားရေးအတွက် ဖိအားမများတော့ပါဘူး”ဟု လော်ယုံရှင်းက ဆက်လက်ပြောသည်။
ယခုအချိန်တွင် အပြင်သို့အလုပ်သွားလုပ်ခြင်း၊ လယ်ယာတွင် သီးနှံစိုက် ခြင်းအပြင် ရွာသူရွာသား များသည် လုပ်ငန်းအဖွဲ့တို့နှင့်ပူးပေါင်းပြီး အိမ်ထောင်စုတိုင်းက အိမ်ရှေ့အိမ်နောက်တွင် တရုတ် တိုင်းရင်းဆေးပင်နှင့် Pisum Satinum ကို စိုက်ပျိုးထားကြရာ ဝင်ငွေလည်းပိုမိုများလာကြပြီဖြစ်သည်။
သတင်းအရင်းအမြစ်၊ ဆင်ဟွာသတင်းဌာန။
ဘာသာပြန်၊ Yunan Gateway.