ကျဉ်းဖုန်နှင့် ချင်ပေါနှစ်ယောက်ရေးသားသည့်စာအုပ်《သွေးစဉ်သရဖူ》သည် စစ်ဆောင် ပန်းနားစာအုပ်ကောင်း(၁၀)အုပ်စာရင်းသို့ ဂုဏ်ယူစွာဝင်ရောက်
ယခုရက်ပိုင်းတွင် စစ်ဆောင်ပန်းနားပြည်နယ်ခွဲ ယဉ်ကျေးမှု၊ အားကစား၊ အသံလွှင့်နှင့် တီဗွီဦးစီးဌာနနှင့် စာပေ၊ အနုပညာနယ်ပယ်တို့ ပူးတွဲပြီး “ပထမအကြိမ် စစ်ဆောင်ပန်းနားစာအုပ်ကောင်း ရွေးချယ်ပွဲ” အစီအစဉ်ကို ကျင်းပခဲ့ကာ စာအုပ်ကောင်း(၁၀)အုပ်နှင့်တန်ဖိုးရှိစာအုပ်များကို ရွေးချယ်ပါသည်။ ၎င်းအနက်၊ ကျဉ်းဖုန်နှင့်ချင်ပေါရေးထားသည့်စာအုပ်《သွေးစဉ်သရဖူ》သည် အဆိုပါ စာအုပ် ကောင်း(၁၀)အုပ်စာရင်းတွင် ဂုဏ်ယူစွာ ဝင်ရောက်ခဲ့သည်။
《သွေးစဉ်သရဖူ》စာအုပ်သည် ၂၀၁၂ ခုနှစ်တွင် တရားဝင်ပုံနှိပ်ထုတ်ဝေပြီး စစ်ဆောင်ပန်းနား၏ ၁၈၆၄ ခုနှစ်မှ ၁၉၂၆ ခုနှစ်အတွင်း အရေးအခင်းများလှသောအချိန်ကာလ သမိုင်းကြောင်းအခြေအနေအစစ် အမှန်ကို ဖော်ပြခဲ့သည်။ ဤစာအုပ်သည် အနုပညာဆန်သောနည်းဖြင့် သမိုင်းအခြေအနေမှန်ကို ဖော်ပြ ၍လည်းကောင်း၊ လူများဆွဲဆောင်နိုင်သော ပုံပြင်ကို ဖန်တီး၍လည်းကောင်း၊ သက်ရှိလူသားသရုပ်မှန် ကို ရေးသား၍လည်းကောင်း၊ ထူးခြားသောဘာသာစကားသုံး၍လည်းကောင်း ရေးသားထားသဖြင့် ဝေဖန်ဆန်းစစ်ရွေးချယ်သူအဖွဲ့မှ ချီးကျူးခဲ့သည်။
အဆိုပါစာအုပ်သည် စစ်ဆောင်းပန်းနားရှေးသမိုင်းတွင် (၃၉)ဆက်မြောက် တိုင်လူမျိုး၏ဘုရင်ဖြစ်သော ကျောက်မွန်ဟန်လေးထီးနန်းမဆက်ဆံခင်နှင့် ဆက်ခံပြီးနောက် အချိန်ကာလတွင် ဖြစ်ပေါ်ခဲ့သော နိုင်ငံရေးနှင့်စစ်ရေးကို အဓိကအကြောင်းအရာဖြင့် ဖော်ပြပြီး အဆိုပါအချိန်ကာလတွင် ပဒေသရာဇ် အကြီးအကဲများအကြား၊ စစ်ဆောင်ပန်းနာဒေသအစိုးရနှင့်ဗဟိုအစိုးရအကြား၊ စစ်ဆောင်ပန်းနား ၏လူမျိုးအသီးသီးနှင့် ကျူးကျော်သူများအကြား၏ အလွန်ရှုပ်ထွေးသော၊ ပြင်းထန်သော ပဋိပက္ခ၊ ရန်ဘက်ဖြစ်ခြင်းနှင့်တိုက်ခိုက်မှုများကို သက်ဝင်အောင်ရေးသားဖော်ပြထားသည်။ စာရေးဆရာများ သည် အလွန်ခမ်းနားသော၊ ထူးခြားချက်ရှိသောသမိုင်းပတ်ဝန်းကျင်၏ သရုပ်မှန် ဖော်ထုတ်ရေးသား ခဲ့သည်။ ၎င်းသည်လည်း ဝေဖန်ဆန်းစစ်ရွေးချယ်သူအဖွဲ့ဝင်များ အလွန်သဘောကျ သောအချက် ဖြစ်သည်။
အဆိုပါစာအုပ်ကို ပြီးစီးအောင်ဖတ်ရှုပြီးပါက ထိုအချိန်ကာလတွင် စစ်ဆောင်ပန်းနား၏ သမိုင်းကြောင်း နှင့် လူနေမှုဘ၀အကြောင်းအရာများကို ပိုမိုနက်ရိုင်းစွာဖြင့် ကွက်ကွက်ကွင်းကွင်း သိမြင်နားလည်နိုင် သည်။ ထို့ပြင်၊ ကိုယ်တိုင်ရောက်ဖူးလက်တွေ့လေ့လာခဲ့သလိုလည်း ခံစားနိုင်သည်။ သာသနာယုံကြည် ကိုးကွယ်ခြင်းမှ နေထိုင်မှုပုံစံအထိလည်းကောင်း၊ အိမ်ထောင်ပြုမှုဓလေ့မှ ဈာပနအရေးအခမ်း အနားအထိလည်းကောင်း၊ နန်းတော်အဆောက်အအုံမှ ပုံမှန်ဝါးတိုက်တည်ဆောက်ခြင်းအထိ လည်းကောင်း၊ မူးမတ်မျိုးနွယ်၏အဝတ်အစားမှ သာမန်ပြည်သူတို့၏အဝတ်အစားအထိလည်းကောင်း အကြောင်းအရာအလွန် ပေါများကြွယ်ဝသောကြောင့် ပရိသတ်များသည် တိုင်လူမျိုးတို့၏ထွန်းကား သောယဉ်ကျေးမှုကို တွေ့မြင်ခံစားနိုင်သည်။
ရွေးချယ်ခံခဲ့သောစစ်ဆောင်ပန်းနား စာအုပ်ကောင်း(၁၀)အုပ်နှင့် တန်ဖိုးရှိစာအုပ်များသည် ၂၀၁၈ ခုနှစ် စစ်ဆောင်ပန်းနားပြည်နယ်ခွဲတစ်ခုလုံးရှိ အများပိုင်စာကြည့်တိုက်၊ လယ်သမားများစာအုပ်ဆိုင်များ ၏ စာအုပ်ဝယ်စာရင်းတွင် ထည့်သွင်းခဲ့ပြီးဖြစ်ရာ စာဖတ်ပရိသတ်များ သွားရောက်ငှားရမ်းဖတ်ရှု နိုင်သည်ဟု သတင်းအရ သိရပါသည်။
သတင်းအရင်းအမြစ်၊ ရောင်စုံတိမ်တံတား။
ယူနန် Gateway မှ ပြန်လည်တည်းဖြတ်ထားပါသည်။