ရန်ကုန်တိုင်းဒေသကြီးတွင် နိုင်ငံခြား ရင်းနှီးမြှုပ်နှံမှုလုပ်ငန်းငါးခု လုပ်ကိုင်ခွင့် ထပ်မံအတည်ပြု
ရန်ကုန်တိုင်းဒေသကြီးတွင် နိုင်ငံခြားရင်းနှီးမြှုပ်နှံမှုလုပ်ငန်းငါးခု လုပ်ကိုင်ခွင့်ကို ထပ်မံအတည်ပြု ပေးခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန (ရန်ကုန်) မှ တာဝန်ရှိသူ တစ်ဦးက ပြောသည်။
ယင်းလုပ်ငန်းငါးခု လုပ်ကိုင်ခွင့်ကို မြန်မာနိုင်ငံရင်းနှီးမြှုပ်နှံမှုကော်မရှင်အစည်းအဝေး အမှတ်စဉ် (၇/၂ဝ၁၈) တွင် ရန်ကုန်တိုင်း ဒေသကြီးရင်းနှီးမြှုပ်နှံမှုကော်မတီမှ အတည် ပြုပေးခဲ့ခြင်းဖြစ် ကြောင်း၊ ရန်ကုန်တိုင်း ဒေသကြီးရှိ လှိုင်သာယာ၊ ဒဂုံ (အရှေ့ပိုင်း)၊ မှော်ဘီနှင့်ကျောက်တန်း မြို့နယ်တို့၌ ရင်းနှီးမြှုပ်နှံမည်ဖြစ်ပြီး လှိုင်သာယာမြို့နယ်၌ တရုတ်နိုင်ငံမှ လုပ်ငန်းနှစ်ခု၊ ဒဂုံ (အရှေ့ ပိုင်း)မြို့နယ်၌ တရုတ်နိုင်ငံမှ လုပ်ငန်းတစ်ခု၊ မှော်ဘီမြို့နယ်၌ ဟောင်ကောင်မှလုပ်ငန်း တစ်ခု၊ ကျောက်တန်းမြို့နယ်၌ ဗီယက်နမ် နိုင်ငံမှ လုပ်ငန်းတစ်ခု အသီးသီးရင်းနှီး မြှုပ်နှံခဲ့ ကြောင်း သိရသည်။
အဆိုပါလုပ်ငန်း ငါးခုသည် စက်မှုလုပ်ငန်းများဖြစ်ပြီး ရင်းနှီးမြှုပ်နှံမှုပမာဏ အမေ ရိကန်ဒေါ်လာ ၈ ဒသမ ၈၈၇ သန်း စီးဝင်ခဲ့ကြောင်း သိရသည်။ ''လုပ်ငန်းငါးခုကနေပြီး ပြည်တွင်းအလုပ် အကိုင် ၃၃၃၈ ခုနဲ့ ပြည်ပအလုပ်အကိုင် ၅ဝ ပေးနိုင်မှာဖြစ်ပါတယ်'' ဟု ရင်းနှီး မြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ တာဝန်ရှိသူတစ်ဦးကပြောသည်။
အဆိုပါလုပ်ငန်းများအား ရင်းနှီးမြှုပ်နှံမှုနှင့် တည်ဆဲဥပဒေများလိုက်နာခြင်းကို အခြေခံ၍ စိစစ် လက်ခံခြင်းဖြစ်ပြီး လုပ်ငန်း၏ စီးပွားရေးတွက်ခြေကိုက်မှု၊ အလုပ်အကိုင်သစ်များ ဖန်တီးပေး နိုင်မှု၊ အမျိုးသားဝင်ငွေခွန်နှင့် အခွန်တိုးတက်ရရှိနိုင်မှု၊ တီထွင်ဆန်းသစ်မှု၊ နည်းပညာလွှဲပြောင်း ရရှိမှု၊ ပတ်ဝန်းကျင်ထိခိုက်မှုနှင့် လူမှုရေးထိခိုက်မှု၊ ထိန်းသိမ်းကာကွယ်ရေးဆိုင်ရာ တာဝန်ယူမှု စသည့်အချက်များကို စိစစ် လက်ခံခဲ့ကြောင်း သိရသည်။
ရန်ကုန်တိုင်း ဒေသကြီး၌ ၂ဝ၁၈ ခုနှစ် ဧပြီလမှ မေ ၂၉ ရက်အထိ ပြည်ပရင်းနှီး မြှုပ်နှံမှု လုပ်ငန်း ကိုးခုကို ခွင့်ပြုပေးခဲ့ပြီး ရင်းနှီး မြှုပ်နှံမှုပမာဏ တိုးမြှင့်ခြင်း အပါအဝင် အမေရိကန်ဒေါ်လာ ၁ဝ၈.၈၈၉ သန်း စီးဝင်ခဲ့ကြောင်း ပြန်ကြားရေးဝန်ကြီးဌာန၏ သတင်းထုတ်ပြန်ချက်အရ သိရ သည်။ (Xinhua)