၂၀၂၀ အိုလံပစ် ခြေစစ် အမျိုးသမီးဘောလုံးပြိုင်ပွဲ အာရှဇုန် ခြေစစ်ပွဲအတွက် အုပ်စုများမဲခွဲပွဲ အခမ်းအနားသြဂုတ်လ ၂ ရက်နေ့တွင်ကျင်းပမည်
၂၀၂၀ အိုလံပစ်ခြေစစ်အမျိုးသမီးဘောလုံးပြိုင်ပွဲ အာရှဇုန် ခြေစစ်ပွဲအတွက် အုပ်စုများမဲခွဲပွဲ အခမ်းအနားကို လာမည့်သြဂုတ်လ ၂ ရက်နေ့ နံနက် (၁၁း၀၀)နာရီတွင် အာရှဘောလုံး အဖွဲ့ချုပ် (AFC) ရုံးချုပ်တွင် ကျင်းပ သွားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်၏ သတင်းထုတ်ပြန်ချက်ထဲတွင်ပါရှိသည်။
AFC အနေဖြင့် ပြိုင်ပွဲဝင် အသင်းများ၏ အဆင့် ရပ်တည်မှုများအရ ပထမအဆင့်တွင် မြန်မာအသင်း အပါ အ၀င်အသင်း ၁၉ သင်းအား လာမည့် ၂၀၁၈ နိုဝင်ဘာ ၄ မှ ၁၃ ရက်နေ့အထိ ဦးစွာယှဉ်ပြိုင်ကစားစေမည် ဖြစ်သည်။
ဒုတိယအဆင့်ခြေစစ်ပွဲကို ပထမအဆင့်မှ ထိပ်ဆုံး ၁၀ သင်းကို အာရှအဆင့် ၆ နှင့် ၇ (ဗီယက်နမ်နှင့် ဥဇဘက် ကစ္စတန်) နှစ်သင်းဖြင့်ပေါင်း၍ စုစုပေါင်း ၁၂ သင်းဖြင့် ၂၀၁၉ ဧပြီ ၁ မှ ၉ အထိ ကျင်းပသွားမည်ဖြစ်သည်။ ယင်းနောက် တတိယအဆင့် ခြေစစ်ပွဲကို ဆီဒင်အဆင့် ၁ မှ ၅ အထိ ( သစတြေးလျ၊ မြောက်ကိုရီးယား၊ တောင်ကိုရီးယား၊ တရုတ်၊ ထိုင်း)တို့နှင့်အတူ ဒုတိယအဆင့်မှ အနိုင်ရလာသည့် အသင်း ၃ သင်းဖြင့် ပေါင်း ကာ စုစုပေါင်း အသင်း(၈)သင်းဖြင့် ဆက်လက်ကျင်းပသွားမည်ဖြစ်သည်။ တတိယအဆင့် ခြေစစ်ပွဲများကို ၂၀၂၀ ခုနှစ် ဇန်န၀ါရီ/ဖေဖော်ဝါရီတို့တွင် ကျင်းပသွားမည်ဖြစ်သည်။
ယင်းနောက် တတိယအဆင့်မှ အနိုင်ရလာသည့် အသင်း ၄ သင်းသည် Play Off ပွဲစဉ်များအဖြစ် ၂၀၂၀ ခုနှစ်မတ်လ အတွင်း အိမ်ကွင်း အဝေးကွင်း နှစ်ကျော့ ကစားရမည်ဖြစ်ကာ အနိုင်ရရှိသည့် အသင်း ၂ သင်းသာ ၂၀၂၀ အိုလံပစ် အမျိုးသမီး ဘောလုံးပွဲစဉ်များသို့ တက်ရောက်ကစားခွင့်ရမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်၏ သတင်းထုတ်ပြန်ချက်ထဲတွင်ပါရှိသည်။ (Xinhua)