အီလက်ထရွန်နစ်စီးပွားရေးဖြင့် ကြိုးစားအောင်မြင်နေသည့် ၁၉၉၀ ဖွားအမျိုးသမီး
ဝူထျန်ချွမ်သည် ၁၉၉၀ ပြည့်နှစ်တွင် ဟူနန်ပြည်နယ် ရှန်ရှီထူကျာ၊ မြောင်တိုင်းရင်းသား ကိုယ်ပိုင်အုပ်ချုပ်ခွင့်ရ ပြည်နယ်ခွဲ လုံးစန်ခရိုင် လောထကျေးရွာ ချန်ကျွမ်ရွာတွင် မွေးဖွားခဲ့သည်။ အဆိုပါကျေးရွာသည် ရာသီဥတု အေးမြသော တောတောင်ဒေသတွင် တည်ရှိသည့်အတွက်ကြောင့် လမ်းပန်းဆက်သွယ်ရေး အဆင်မပြေသည့်အပြင် ဆင်းရဲနွမ်းပါးသောကျေးရွာ ဖြစ်ပါသည်။
ဝူထျန်ချွမ်မှာ (၉)နှစ်အရွယ်က ကံဆိုးစွာဖြင့် ရူမက်တစ်အဆစ်ရောင်နာရောဂါ စွဲကပ်ခဲ့သည်။ အလယ်တန်း အပြီးတွင် ကျောင်းဆက်မတတ်တော့ပဲ အိမ်မှာနေရရင်း လေ့လာမှုတွင် အရှုံးမပေးခဲ့ပေ။ အိမ်တွင် အလုပ်လက်မဲ့ ဖြစ်နေသည့် ၀ူထျန်ချွမ်သည် ရွာသူရွာသားတို့စိုက်ပျိုးထားသော မှိုရိုင်း၊ ငရုတ်သီး၊ အာလူးများ ပုပ်သိုးသည်ကို တွေ့ရရာ စိတ်မကောင်းဖြစ်မိသည်။ သူက ရွာသားရွာသားတို့၏ ထူးခြားသောဒေသထွက်ကုန်များကို ဓာတ်ပုံရိုက်ကူးပြီး Wechat တွင် မျှဝေပေးကာ မိတ်ဆွေများအား ရောင်းချပေးနိုင်ရန် ဆွဲဆောင်ခဲ့သည်။
၂၀၁၄ ခုနှစ်တွင် ၀ူထျန်ချွမ်သည် အွန်လိုင်းစတိုးဆိုင် ဖွင့်လှစ်ကာ ချန်ကျွမ်ရွာနေရွာသားရွာသူများအတွက် ထူးခြားသောဒေသထွက်ကုန်များကို ဖြန့်ဖြူးရောင်းချပေးခဲ့သည်။ လူကြုံများဖြင့် ကုန်ပစ္စည်းများကို ခရိုင်မြို့ဆီသို့ သယ်ပို့ပေးကာ အ၀ယ်တော်များဆီကို အမြန်ချောပို့ဖြင့် ပို့ဆောင်သည်။ ၂၀၁၈ ခုနှစ်တွင်မူ ချန်ရှာမြို့ ထျန်ရှင်မြို့နယ်မှ ဆင်းရဲနွမ်းပါးမှုပပျောက်ရေး အကူအညီအဖွဲ့မှ ထောက်ပံ့ကူညီရာ ၀ူထျန်ချွမ်သည် လောထကျေးရွာရှိ လမ်းကြောင်းတွင် အီလက်ထရွန်နစ်စီးပွားရေး ၀န်ဆောင်မှုစင်တာတစ်ခုကို ပိုင်ဆိုင်ခဲ့သည်။ လောထကျေးရွာနေ ပြည်သူများအတွက် အမြန်ချောပို့ဆောင်ရေးလုပ်ငန်းကို ၀န်ဆောင်မှုပေးကာ မိမိ၏ အီလက်ထရွန်နစ်စီးပွားရေးလုပ်ငန်းကို တိုးချဲ့ လုပ်ကိုင်ခဲ့သည်။ တစ်ရွာလုံးရှိပြည်သူလူထုအတွက် ထူးခြားသောဒေသထွက်ကုန်များကို ဖြန့်ဖြူးရောင်းချပေးသည်။ ထိုနှစ်တွင် ၀ူထျန်ချွမ်၏ အီလက်ထရွန်နစ်စီးပွားရေး ၀န်ဆောင်မှုစင်တာ၏ ရောင်းချရငွေ စုစုပေါင်းပမာဏမှာ တရုတ်ယွမ် (၃)သိန်းကျော် ရှိသည်။ သူ၏မိသားစုဝင်ငွေမှာလည်း ဆင်းရဲနွမ်းပါးမှုပပျောက်ရေးစံချိန်ကို ကျော်လွှားနိုင်ခဲ့သည်။
ဆင်ဟွာသတင်းထောက်--Xue Yuge