တရုတ်ရုပ်ရှင်ရုံများ ပြန်ဖွင့်သော ပထမနေ့တွင် လက်မှတ်ရောင်းရငွေ တရုတ်ယွမ် တစ်သန်းကျော်ခဲ့

2020-07-20 16:12:04 |သတင်းအရင်းအမြစ် CGTN-新华网

ကိုဗစ်-၁၉ ကြောင့် ပိတ်ထားခဲ့ရသည့် တရုတ်ရုပ်ရှင်ရုံများသည် ဇူလိုင်လ ၂၀ ရက်နေ့တွင် ပြန်လည် ဖွင့်လှစ်ပြသရာ ပထမနေ့တွင် လက်မှတ်ရောင်းရငွေသည် တရုတ်ယွမ် တစ်သန်းကျော်ခဲ့ပါသည်။

နှစ်ဝက်ကြာ ခွဲခွာခဲ့ရသည့် ပျော်ရွှင်မှုအစီအစဉ်သည် ပြန်လည်ရောက်ရှိလာခြင်းနှင့်အညီ ဝမ်းမြောက် ပျော်ရွှင်မှုများစွာလည်း သယ်ဆောင်လာပါသည်။

ဇူလိုင်လ ၁၆ ရက်နေ့တွင် တရုတ်နိုင်ငံတော်ရုပ်ရှင်ညွှန်ကြားမှုဌာနသည် ကိုဗစ်-၁၉ ရောဂါပိုး ကူးစက်မှု အန္တရာယ် အနည်းဆုံးဒေသတွင် ရုပ်ရှင်ရုံများ ပြန်လည်ဖွင့်လှစ်နိုင်ကြောင်း ကြေညာချက် ထုတ်ပြန်ခဲ့ ပြီးနောက် တရုတ်ရုပ်ရှင်ချစ်ပရိသတ်များသည် ရုပ်ရှင်များ ရုံတင်ပြသခွင့်ပြုခြင်းကို ကိုယ်စားပြုသော တရုတ်နဂါးရုပ်ပုံကို wechat တွင် တင်ဆက်ခဲ့ကြသည်။

ဇူလိုင်လ ၂၀ ရက်နေ့တွင် ရုပ်ရှင်ချစ်ပရိသတ်များသည် နှာခေါင်းစည်းတပ်ဆင်၍ ရုပ်ရှင်ရုံကိုသွားပြီး အဆိုပါနဂါးပုံကို အမှတ်တရဓာတ်ပုံရိုက်ကြသည်။

MaoYan Movie မှ ထုတ်ပြန်သော ကိန်းဂဏန်းများအရ ဇူလိုင်လ ၁၉ ရက်နေ့အထိ ရုပ်ရှင်ရုံပြန်ဖွင့် လှစ်သော ပထမနေ့ (ဇူလိုင်လ ၂၀ ရက်နေ့) အတွက် တရုတ်တစ်ပြည်လုံးမှ မြို့ပြ ၈၃ ခုရှိ ရုပ်ရှင်ရုံ ၃၉၁ ခု၏ ကြိုတင်လက်မှတ် ရောင်းရငွေသည် တရုတ်ယွမ် ၉.၄၈ သိန်းရှိပြီး ပရိသတ်ဦးရေ ၃၄၀၀၀ ရှိသည်။ ရုပ်ရှင်လက်မှတ်တစ်စောင်၏ ဝန်ဆောင်ခ တရုတ်ငွေ ၃ ယွမ်ကို ထည့်ပေါင်းပါက ဇူလိုင်လ ၂၀ ရက်နေ့ တွင် တရုတ်တစ်ပြည်လုံး၏ ကြိုတင်လက်မှတ်ရောင်းရငွေသည် တရုတ်ငွေ တစ်သန်းကျော်သွားသည်။

ရုပ်ရှင်ရုံပြန်လည်ဖွင့်လှစ်ရာတွင် အတင်းကျပ်ဆုံး ကူးစက်ရောဂါကာကွယ်ခြင်းဆိုင်ရာ အစီအမံများကို ကျင့်သုံးလျက်ရှိသည်။ ဥပမာအားဖြင့် ရုပ်ရှင်လက်မှတ်အားလုံးသည် နိုင်ငံသားမှတ်ပုံတင်ဖြင့် ဝယ်ယူ ရခြင်း၊ ရုပ်ရှင်ပြသချိန်တွင် နှာခေါင်းစည်းတပ်ဆင်ထားရန် လိုအပ်ခြင်း၊ ရုပ်ရှင်ပြသချိန် တစ်ပွဲလျှင် ၂ နာရီထက် မကျော်စေခြင်း၊ ရုပ်ရှင်ရုံ၏ ဝင်ဆံ့နိုင်သောပရိသတ်ဦးရေ၏ ၃၀% ကိုသာ လက်ခံခြင်း၊ ရုပ်ရှင် ရုံတွင် အချိုရည်နှင့် မုန့်များ ရောင်းချခွင့်မပြုခြင်း၊ အဖော်ပရိသတ်နှင့် အခြားပရိသတ်များအကြား အနည်းဆုံး တစ်မီတာအကွာတွင် ရှိနေစေခြင်း။

ရုပ်ရှင်ရုံပြန်လည်ဖွင့်လှစ်လိုက်သည့်အတွက် ရုပ်ရုင်ချစ်ပရိသတ်များအပြင် အပျော်ရွှင်ဆုံးသူများမှာ ရုပ်ရှင်လုပ်ငန်းလုပ်ဆောင်သူများဖြစ်သည်။ နှစ်ဝက်ကျော်ကြာ ရုံပိတ်ထားရခြင်းသည် ရုပ်ရှင်လုပ်ငန်း တစ်ခုလုံးကို ရပ်တန့်စေခဲ့သည်ဟု ပြောနိုင်ပြီး ရုပ်ရှင်ရုံများပြန်လည်ဖွင့်လှစ်ခြင်းသည် ရုပ်ရှင်လုပ်ငန်း အတွက် အရေးကြီးသော အကျိုးဆောင်မှုတစ်ရပ်ဖြစ်သည်။ Nikkei Asia review မှ ဝေဖန်သုံးသပ် ချက်ဆောင်းပါးအရ တရုတ်နိုင်ငံ၏ ယမန်နှစ်က ရုပ်ရှင်လက်မှတ်ရောင်းရငွေသည် ၉.၂ ဘီလီယံ ရောက်ရှိခဲ့ပြီး အမေရိကန်ပြီးနောက် ကမ္ဘာပေါ်တွင် ဒုတိယအကြီးဆုံးရုပ်ရှင်ဈေးကွက်ဖြစ်ပါသည်။ သို့ရာတွင် ယခုနှစ်၌ တရုတ်ပြည်တွင်းထွက်ရုပ်ရှင်ကားရော၊ ဟောလီဝုဒ်ရုပ်ရှင်ကားများပါ ရုံတင်ပြသခြင်း အဆက်မပြတ် ဖျက်သိမ်းခဲ့ရသောကြောင့် စီးပွားရေးဆုံးရှုံးမှု ကြီးမားခဲ့သည်။

ယခုအချိန်တွင် ရုပ်ရှင်လုပ်ငန်းသည် ပြန်လည်နာလန်ထူတော့မည်ဖြစ်ပြီး The Wall Street Journal ၏ သတင်းအရ ရုပ်ရှင်များ ပြန်လည်ရုံတင်ပြသပြီးနောက် တရုတ်ရုပ်ရှင်ဆိုင်ရာအစုရှယ်ယာသည် ဈေးကွက် အပြီးအရောင်းအဝယ်တွင် တန်ဖိုးများစွာ သိသိသာသာ မြှင့်တက်ခဲ့သည်။ ယခုအချိန်ထိ “a First Farewell” “Mr.Miao” “ထွန်းလင်းလှပသည့် မီးလင်း” စသည့် ရုပ်ရှင်ကား ၈ ကားကျော်ကို ပြသရန် အချိန်သတ်မှတ်ထားပြီဖြစ်ပြီး “ The Pursuit of Happyness” နှင့် “American dreams in China” စသည့် ရုပ်ရှင်ကားအဟောင်း ၂၀ ကိုလည်း ရုံတင်ပြသတော့မည်ဖြစ်သည်။
(သတင်းအရင်းအမြစ်၊ CGTN ၊ ဆင်ဟွာသတင်းဌာန။ ဘာသာပြန်၊ Yunnan Gateway)

滇ICP备 09002441号
中华人民共和国国务院新闻办公室 支持指导
云南省人民政府新闻办公室 主办
云南日报报业集团 承办
本网站由云桥网版权所有,未经授权禁止复制或建立镜像
Copyright ©yunnangateway.com All Rights Reserved since 2006