တ႐ုတ္ႏိုင္ငံအေျခစိုက္ ႏိုင္ငံတကာသတင္းေထာက္မ်ား ယူနန္တြင္ လည္ပတ္ျခင္း ။ ။ ေရွးေဟာင္းရပ္ကြက္၏ တက္ႂကြလန္းဆန္းေသာ အေငြ႕အသက္ခံစားျခင္း

2021-05-24 18:46:05 |သတင္းအရင္းအျမစ္ 云南日报

မေလ(၁၉)ရက်နေ့ နံနက်ပိုင်းတွင် ယွီရှီးမြို့ ဟုန်ထာမြို့နယ် ယွီရှင်းလမ်း ပေရန့်ရပ်ကွက် ယွမ်တင်း နေအိမ်အကွက်တွင် ရာသီဥတုသာယာပြီး လေပြေလေညင်းတိုက်နေသည်။ သက်ကြီးရွယ်အိုများက ထိုင်ခုံပေါ် ထိုင်ရင်းနေပူဆာလုံနေကြသည်။ တရုတ်နိုင်ငံအခြေစိုက် နိုင်ငံတကာသတင်းထောက်များ ရပ်ကွက်အတွင်း ဝင်လာသည်ကို “နေဝင်ဆည်းဆာ”သက်ကြီးရွယ်အိုများက ပြုံးပြရင်း သူတို့၏ နွေးထွေးပျူငှာမှုကို ဖော်ပြနေသည်။

ယွမ်တင်းအကွက်ဝင် တံခါးဝတွင် မော်တော်ယာဉ်နှင့် မော်တော်ယာဉ်မဟုတ်သောယာဉ်သွားလမ်းဟူ၍ အထူးတည်ဆောက်ထားသည်ကို တရုတ်နိုင်ငံအခြေစိုက် နိုင်ငံတကာသတင်းထောက်များက သတိပြုမိ ကြသည်။ အကွက်အတွင်းတွင် လုံခြုံရေးအခန်း၊ ပါဆယ်ယူသောနေရာ၊ အပန်းဖြေထိုင်ခုံရှည်စသည့် အဆောက်အဦးများ ပြည့်စုံစွာရှိနေသည်။ “ဒီနေရာကို (၁၉၉၀) ပြည့်နှစ်အစောပိုင်းက တည်ဆောက် ခဲ့တယ် ဆိုတာ မယုံနိုင်စရာပဲ” ဟု အားလုံးက အံ့အားသင့်ခဲ့ကြသည်။

“ရှေးဟောင်းအကွက်ကို မည်သို့ပြန်လည်ပြုပြင်ခဲ့ကြသနည်း။ ပြည်သူလူထုစိုးရိမ်နေကြသော နေထိုင် စားသောက်ရေးပြဿနာများကို မည်သို့ဖြေရှင်းကြသနည်း” ဟူသည်မှာ သတင်းထောက်များ စိတ်ဝင်စား ကြသော မေးခွန်းများဖြစ်သည်။ အားလုံးက ရပ်ကွက်နေထိုင်သူများထံ အသီးသီး “မေးမြန်းလေ့လာ” ကြသည်။

ပေရန့်ရပ်ကွက် ပါတီဌာနခွဲအတွင်းရေးမှူး ကျိုးရှီးက ဤသို့ပြောသည်။ ယခင်ချိန်က ယွမ်တင်းအကွက် သည် အခြားသောရှေးရပ်ကွက်များကဲ့သို့ အဆောက်အဦးများ ခေတ်နောက်ကျခဲ့သည်။ အများသုံး အဆောက်အဦးများ မပြည့်စုံခြင်း၊ အိမ်ခြံမြေစီမံခန့်ခွဲမှုအားနည်းခြင်း စသည့်ပြဿနာများ ရှိခဲ့သည်။ သူတို့အကွက်အောက်တွင် အိမ်ရာတိုက်ခန်း(၁၃)ခုရှိပြီး ယွမ်တင်းအကွက်မှာ ရှေးအကျဆုံး ခေတ် နောက်အကျဆုံး အကွက်ဖြစ်သည်။ ရပ်ကွက်နေထိုင်သူများ သာယာချမ်းမြေ့ဖွယ်နေထိုင်မှု ခံစားနိုင်ရန် ကျိုးရှီးသည် ရှန်ဟိုင်းစသည့်မြို့ကြီးများသို့ သွားရောက်လေ့လာခဲ့သေးသည်။ “ ‘အပြင်သွားခြင်း’မှတစ် ဆင့် အတွေးအခေါ်သစ်များရရှိကာ ထိုအချိန်မှ ရပ်ကွက်အခြေအနေများနှင့် ပေါင်းစပ်ကာ ဆန်းသစ်သော တီထွင်မှုလုပ်ငန်းစဉ်များ စတင်လုပ်ဆောင်ခဲ့သည်” ဟု ကျိုးရှီးက မျှဝေပြောဆိုခဲ့သည်။

ယွမ်တင်းအကွက်အတွင်းသို့ ဝင်ရောက်ပြီး မလှမ်းမကမ်းက လမ်းကြားလေးတခုကို ကျိုးရှီးက ညွှန်ပြရင်း “လွန်ခဲ့သောနှစ်ပေါင်းများစွာက အဲ့နေရာဟာ အမှိုက်ပုံကြီးတစ်ခုပါ။ ပြုပြင်ပြောင်းလဲပြီးနောက်ပိုင်း ဒီနေရာက ပုံစံအသစ်တစ်မျိုး ပြောင်းသွားတာ။ အခုတော့ ရပ်ကွက်သားတွေ ကျန်းမာရေးလေ့ကျင့် ခန်းလုပ်တဲ့ နေရာဖြစ်သွားပြီ” ဟုပြောသည်။ အဆိုပါ အပြောင်းအလဲဖြစ်စဉ်ကို လာအို ပါထလျောက် သတင်းအေဂျင်စီ၏ သတင်းထောက် ဖုံမုံနီဖေဆာမောနာက အထူးစိတ်ဝင်စားခဲ့သည်။ “ဘာဖြစ်လို့ ခေတ်နောက်အကျဆုံးဖြစ်တဲ့ ယွမ်တင်းအကွက်ကို အရင်ဆုံး ပြုပြင်ပြောင်းလဲခဲ့တာလဲ။ ရပ်ကွက် စံပြအဆောက်အဦးအဖြစ် ဘယ်လို ‘ပြောင်းလဲ’သွားလဲဆိုတာကို ကျွန်မအလွန်စိတ်ဝင်စားတယ်” ဟု ဖုံမုံနီဖေဆာမောနာက ပြောသည်။ သူမသည် ယခင်ချိန်တွင် တရုတ်နိုင်ငံ ဆင်းရဲနွမ်းပါးလျော့ချခြင်း နှင့်ဆိုင်သော စာတမ်းပြုစု ရေးသားခဲ့ဖူးသဖြင့် တရုတ်နိုင်ငံ၏ ဆင်းရဲနွမ်းပါးလျော့ချခြင်းစီမံကိန်း၊ လူတိုင်းသာယာဝပြောသော လူနေမှုအဆင့်အတန်း တည်ဆောက်ခြင်း စသည့်ခေါင်းစဉ်များကို အထူးစိတ်ဝင်စားသူဖြစ်သည်။

“ရှေးအကျဆုံးသော ယွမ်တင်းအကွက်သာ ပြုပြင်ပြောင်းလဲခြင်း အောင်မြင်ရင် အခြားသော ခေတ် နောက်ကျတဲ့ အကွက်တွေ ပြုပြင်ဖို့ ယုံကြည်ချက် ပိုပြင်းထန်နိုင်တယ်။ နောက်ပြီး ယွမ်တင်းအကွက်ရဲ့ စံပြပြုပြင်ပြေင်းလဲပုံများအတိုင်း အခြားသောအကွက်ကို ပြုပြင်ပြေင်းလဲရင် တူညီသော အကျိုး သက်ရောက်မှု ရရှိနိုင်တယ်” ဟု ကျိုးရှီးက ရယ်ကာပြောသည်။ ယွမ်တင်းအကွက် လည်ပတ်လေ့လာရင်း ဖုံမုံနီဖေဆာမောနာသည် အိမ်ရာအကွက်စီမံခန့်ခွဲရေးဝန်ဆောင်မှု၊ အဆင်ပြေသော လူနေမှုအဆောက် အဦးစသည်တို့ကို လက်တွေ့တွေ့မြင်ခံစားနိုင်ခဲ့သည်။ ရပ်ကွက်သားများ၏ ယဉ်ကျေးမှု၊ အားကစားနှင့် ဖျော်ဖြေရေးလှုပ်ရှားမှုများ ပေါများကြွယ်ဝသည်။ ၎င်းသည် ပြည်သူလူထု၏ ပျော်ရွှင်မှုကိုတိုးပွားစေသော “တရုတ်အတွေ့အကြုံ”များပင်ဖြစ်သည်ဟု သူမယုံကြည်သည်။

အင်တာဗျူးတွင်ပါဝင်ခဲ့သည့် တရုတ်နိုင်ငံအခြေစိုက် နိုင်ငံတကာသတင်းထောက်များအနက် ဗီယက်နမ်“ပြည်သူ့နေ့စဉ်”သတင်းစာ တရုတ်နိုင်ငံအခြေစိုက်သတင်းထောက် တူဝေဆာက အလွန်စိတ်လှုပ်ရှား ခဲ့သည်။ “ရှေးဟောင်းရပ်ကွက်များကို အုပ်ချုပ်ရန် ခက်ခဲသောအပိုင်းကို မည်သို့ဖြေရှင်းသနည်း ဟူသော အင်တာဗျူးသည် ကျွန်တော်စိတ်အဝင်စားဆုံးသောအပိုင်းဖြစ်ပြီး ကျွန်တော်အမျှော်လင့်ဆုံးသော ခရီးစဉ် လည်း ဖြစ်သည်။” ရပ်ကွက်အားကစားကွင်းအနီးနားရှိ ပါတီဝန်ဆောင်မှုစင်တာတွင် တူဝေဆာသည် ယွမ်တင်းအကွက်တွင် နှစ်ပေါင်း(၂၀)ကျော်နေထိုင်ခဲ့သော ဆရာတင်းနှင့် စကားပြောနေသည်။ “ခင်ဗျား ကြည့်လိုက်ပါဦး။ ကျွန်တော်တို့ သက်ကြီးရွယ်အိုအသင်းရဲ့ သီချင်းဆိုအဖွဲ့က အားလုံးကို ဖျော်ဖြေနေ တယ်။ နေ့လည်စာ စားပြီးရင် အားလုံးပြန်လာစုကြတယ်။” ဆရာတင်းက ဝမ်းသာစွာပြောသည်။ အားလုံး ရဲ့ စိတ်ပိုင်းဆိုင်ရာ ကျန်းမာရေးလည်း အရင်ကထက် ပိုပြည့်စုံလာတယ်။ ဘဝလည်း အရင်ကထက် ပိုသာယာလာတယ်။ သက်ကြီးရွယ်အိုတွေရဲ့ ပျော်ရွှင်ဖွယ်နေထိုင်မှုကိုကြည့်ရင်း တူဝေဆာ အလွန်အားကျ ခဲ့သည်။ “ကျွန်တော်လည်း ယွမ်တင်း အကွက်မှာ ကျွန်တော့်ရဲ့အိုမင်းချိန်ကို ဖြတ်သန်းချင်လိုက်တာ”ဟု သူကဟာသနှောကာပြောခဲ့သည်။

“ရပ်ကွက်အဆောက်အဦးများ တိုးတက်လာပြီး ဝန်ဆောင်မှုများ ပိုမိုကောင်းမွန်လာတယ်။ နောက်ပြီး နေထိုင်သူများရဲ့ တောင်းဆိုချက်ကို အာမခံဝန်ဆောင်မှုပေးတယ်။” လည်ပတ်ကြည့်ရှုပြီးနောက် ပါကစ္စတန် ပူးတွဲသတင်းအေဂျင်စီသတင်းထောက် အာစကာအောမူစမောဒယ်က ယွမ်တင်းအကွက်၏ သာယာဖွယ် လူနေမှုပုံစံကို ချီးမွမ်းခဲ့သည်။ အာစကာအောမူစမောဒယ်သည် တရုတ်နိုင်ငံ၏ နေရာ များစွာသို့ သွားရောက်ဖူးသည်။ ပြီးခဲ့သောအကြိမ် ယူနန်ပြည်နယ်သို့သွားရောက်စဉ် ခရီးစဉ်အချိန်ပြည့် နေခြင်းကြောင့် သေချာမလေ့လာနိုင်ခဲ့ပေ။ ယခုချိန်၏ အင်တာဗျူးမှတစ်ဆင့် ယူနန်သူများနေထိုင်သော ရပ်ကွက်အတွင်းသို့ ဝင်ရောက်လေ့လာနိုင်ခဲ့ပြီး ရှေးဟောင်းရပ်ကွက်၏ လန်းဆန်းတက်ကြွသော အငွေ့အသက်များကို ခံစားရင်း ယူနန်ပြည်နယ်ကို ပိုမိုသိကျွမ်းနိုင်ခဲ့သည်။