ဇန်နဝါရီ မှ ဧပြီအတွင်း တရုတ်နိုင်ငံ၏ ဆက်သွယ်ရေးကဏ္ဍ တည်ငြိမ်စွာဖွံ့ဖြိုးတိုးတက်ခဲ့

တရုတ်နိုင်ငံ အလယ်ပိုင်း ဟူပေပြည်နယ် ဝူဟန့်မြို့ရှိ တရုတ် 5G + စက်မှုလုပ်ငန်းအင်တာနက်ညီလာခံ အခမ်းအနားမြင်ကွင်းတစ်ခုကို ၂၀၂၁ ခုနှစ် နိုဝင်ဘာ ၂၀ ရက်တွင် တွေ့ရစဉ်(ဆင်ဟွာ)

တရုတ်နိုင်ငံ၏ ဆက်သွယ်ရေးလုပ်ငန်းကဏ္ဍသည် cloud computing နည်းပညာကဲ့သို့သော ထွန်းသစ်စ စီးပွားရေးအခွင့်အလမ်းပွင့်လင်းလာခြင်းနှင့်အတူ ယခုနှစ် ပထမ လေးလတွင် တည်ငြိမ်စွာဖွံ့ဖြိုးတိုးတက်ခဲ့ကြောင်း တရားဝင်အချက်အလက်များအရ သိရသည်။ယင်း လေးလတာကာလအတွင်း ဆက်သွယ်ရေးကဏ္ဍအနေဖြင့် စုစုပေါင်းဝင်ငွေ တရုတ်ယွမ် ၅၂၉ ဒသမ ၂ ဘီလီယံ (အမေရိကန်ဒေါ်လာ ၇၈ ဒသမ ၅ ဘီလီယံ) အထိ ရရှိခဲ့ပြီး နှစ်အလိုက်တိုးတက်မှုနှုန်း ၈ ဒသမ ၈ ရာခိုင်နှုန်းအထိရှိခဲ့ကြောင်း တရုတ်နိုင်ငံ စက်မှု နှင့် သတင်းဆက်သွယ်ရေးနည်းပညာဝန်ကြီးဌာန၏ ထုတ်ပြန်ချက် အရသိရသည်။

တရုတ်နိုင်ငံရှိ 5G အင်တာနက်ကွန်ရက်ထိန်းချုပ်ခန်းတစ်ခုအားတွေ့ရစဉ်(ဆင်ဟွာ)

(big data) အချက်အလက်သိုလှောင်သိမ်းဆည်းခြင်း ၊ cloud computing နည်းပညာ နှင့် အင်တာနက်အချက်အလက်စင်တာများအပါအဝင် ထွန်းသစ်စ စီးပွားရေးလုပ်ငန်းများသည် ယင်းကာလအပိုင်းအခြားအတွင်း သိသာထင်ရှားစွာ တိုးချဲ့လာခဲ့ကြောင်း သိရသည်။

တရုတ်နိုင်ငံ၏ အကြီးဆုံး ဆက်သွယ်ရေးလုပ်ငန်းစုကြီးသုံးခုဖြစ်သည့် (China Telecom) တရုတ်တယ်လီကွန်း ၊ (China Mobile) တရုတ်မိုဘိုင်း နှင့် (China Unicom) တရုတ်ယူနီကွန်း လုပ်ငန်းများ၏ ထွန်းသစ်စ စီးပွားရေးဝင်ငွေသည် နှစ်အလိုက် ၃၅ ရာခိုင်နှုန်းအထိရှိခဲ့ပြီး တရုတ်ယွမ် ၁၀၃ ဒသမ ၉ ဘီလီယံအထိ ရောက်ရှိခဲ့ကြောင်း သိရသည်။

cloud computing နည်းပညာ နှင့် big data နည်းပညာ အတွက် ဝင်ငွေသည် နှစ်အလိုက်တိုးတက်မှု ၁၃၂ ဒသမ ၆ ရာခိုင်နှုန်း နှင့် ၅၇ ဒသမ ၃ ရာခိုင်နှုန်းအထိ အသီးသီးရှိခဲ့ကြောင်း သိရသည်။

ထို့ပြင် တရုတ်နိုင်ငံ၏ 5G ကွန်ရက်အခြေစိုက်စခန်းတည်ဆောက်မှုသည် တည်တည်ငြိမ်ငြိမ်ဖြင့် ဆက်လက် တိုးတက်လျက်ရှိကြောင်းကိုလည်း ဝန်ကြီးဌာန၏ အချက်အလက်တွင်ဖော်ပြထားသည်။ ဧပြီလကုန်ပိုင်းအထိ တရုတ်နိုင်ငံတွင် 5G ကွန်ရက်အခြေစိုက်စခန်းပေါင်း ၁ ဒသမ ၆၁၅ သန်းအထိ တည်ဆောက်ထားပြီးဖြစ်ရာ ယင်းတို့အနက် ယခုနှစ် ပထမလေးလအတွင်း တည်ဆောက်ခဲ့သည့် စခန်းပေါင်း ၁၉၀,၀၀၀ ပါဝင်ကြောင်း သိရသည်။ (Xinhua)