Shenzhou-14 အာကာသယာဉ်မှူးများ အာကာသစခန်းပင်မမော်ဂျူးသို့ ဝင်ရောက်

Shenzhou-14 အာကာသယာဉ်ပေါ်ရှိ တရုတ်အာကာသယာဉ်မှူးသုံးဦးသည် ဇွန် ၅ ရက်တွင် တရုတ်နိုင်ငံ၏ အာကာသစခန်း ပင်မမော်ဂျူး Tianhe အတွင်းသို့ ဝင်ရောက်သွားခဲ့ပြီ ဖြစ်ကြောင်း တရုတ်နိုင်ငံလူလိုက်ပါအာကာသအေဂျင်စီ(CMSA) ထံမှ သိရသည်။Shenzhou-14 အာကာသယာဉ်သည် Tianhe မော်ဂျူး ၊ Tianzhou-3 ကုန်တင်ယာဉ် နှင့် Tianzhou-4 ကုန်တင်ယာဉ်တို့နှင့် ပေါင်းစပ်ကာ လျင်မြန်စွာ အလိုအလျောက် ချိတ်ဆက်ခြင်း နှင့် ဆိုက်ကပ်ခြင်းအား အောင်မြင်စွာ ဆောင်ရွက်ခဲ့ပြီးနောက် Shenzhou-14 ယာဉ်မှူးများသည် အာကာသယာဉ်၏ အပြန်အာကာသယာဉ်အခန်းမှ ပတ်လမ်းအာကာသယာဉ်အခန်းသို့ ဝင်ရောက်သွားခဲ့ကြောင်း သိရသည်။

ကြိုတင်ပြင်ဆင်မှုများ ဆက်တိုက်ပြုလုပ်ပြီးနောက် အာကာသယာဉ်မှူး ချန်တုန်းသည် ပေကျင်းစံတော်ချိန် ည ၈ နာရီ ၅၀ တွင် Tianhe ပင်မမော်ဂျူး၏ တံခါးပေါက်အား ဖွင့်လှစ်ခဲ့ပြီး ချန်တုန်း ၊ လျိုရန် နှင့် ချိုက်ရွှိကျယ်တို့သည် Tianhe အတွင်းသို့ အလှည့်ကျဝင်ရောက်သွားခဲ့ကြောင်း သိရသည်။

အဆိုပါအာကာသယာဉ်မှူးသုံးဦးသည် အစီအစဉ်အတိုင်း သက်ဆိုင်ရာလုပ်ငန်းများကို ဆက်လက်ဆောင်ရွက်သွားမည် ဖြစ်ကြောင်း CMSA က ပြောကြားခဲ့သည်။ (Xinhua)