လကမ္ဘာ၏ ဘူမိမြေပုံသစ် တရုတ်နိုင်ငံ ထုတ်ပြန်

တရုတ်နိုင်ငံ Chang'e-5 စူးစမ်းလေ့လာရေးယာဉ်သယ်ဆောင်လာသော လကမ္ဘာပေါ်မှနမူနာပစ္စည်း No. 001 အား တရုတ်နိုင်ငံ မြို့တော်ပေကျင်းရှိ အမျိုးသားပြတိုက်တွင် ပြသထားသည်ကို ၂၀၂၁ ခုနှစ် ဖေဖော်ဝါရီ ၂၇ ရက်က တွေ့ရစဉ် (ဆင်ဟွာ)

တရုတ်နိုင်ငံသည် ကမ္ဘာ့ပထမဆုံးဖြစ်သော လကမ္ဘာ၏ဘူမိမြေပုံအသစ်ကို စကေး 1:2,500,000 ဖြင့် ထုတ်ပြန်ခဲ့ကြောင်း တရုတ်နိုင်ငံ သိပ္ပံအကယ်ဒမီ (CAS) ၏ ဖော်ပြချက်များအရ သိရသည်။

CAS ဘူမိဓာတုအင်စတီကျု၊ အခြားသုတေသနအဖွဲ့အစည်းများနှင့် တက္ကသိုလ်များမှ တရုတ်သိပ္ပံပညာရှင်များက တရုတ်နိုင်ငံ Chang’e စီမံကိန်းနှင့် နိုင်ငံတကာအဖွဲ့အစည်းများမှ အခြားသော လေ့လာမှုအချက်အလက်များနှင့် သုတေသနတွေ့ရှိချက်များကို အခြေခံ၍ မြေပုံအား ဖန်တီးခဲ့ခြင်း ဖြစ်ကြောင်း သိရသည်။

ယင်းမြေပုံတွင် မီးတောင်ဝချိုင့်ကြီး ၁၂,၃၄၁ ခု၊ ချိုင့်ဝှမ်း ၈၁ ခု ၊ ကျောက်တုံးအမျိုးအစား ၁၇ မျိုးနှင့် ဖွဲ့စည်းမှုပုံစံ ၁၄ မျိုး ပါရှိပြီး လကမ္ဘာ သိပ္ပံပညာရပ်ဆိုင်ရာသုတေသနပြုခြင်း၊ စူးစမ်းလေ့လာရေးအစီအစဉ်နှင့် လမျက်နှာပြင်ပေါ်ဆင်းသက်မည့်နေရာရွေးချယ်ခြင်းတို့အတွက် အရေးကြီးသော အခြေခံ သတင်းအချက်အလက် ပံ့ပိုးပေးလျက်ရှိကြောင်း သိရသည်။

အဆိုပါမြေပုံကို တရုတ်-အင်္ဂလိပ်နှစ်ဘာသာဖြင့်ရရှိနိုင်သလို စက္ကူ၊ အီလက်ထရောနစ် ဗားရှင်းများဖြင့်လည်း ရရှိနိုင်ကြောင်း၊ Science Bulletin ဂျာနယ်က ထုတ်ဝေခဲ့ခြင်းဖြစ်ကြောင်း သိရသည်။ (Xinhua)