တရုတ်နိုင်ငံ ယူနန်ပြည်နယ်က တစ်လကြာ ဈေးပွဲတော်ကျင်းပမည်

တရုတ်နိုင်ငံ အနောက်တောင်ပိုင်း ယူနန်ပြည်နယ် Dali မြို့ဟောင်းသို့ လာရောက်လည်ပတ်ကြသည့် ခရီးသွားများအား ၂၀၂၁ ခုနှစ် မတ်လ ၃ ရက်တွင် တွေ့ရစဉ်(ဆင်ဟွာ)

တရုတ်နိုင်ငံ၏ ခရီးသွားအများအပြားအား ဆွဲဆောင်သည့်နေရာတစ်ခုဖြစ်သည့် ယူနန်ပြည်နယ်က သုံးစွဲမှုမြှင့်တင်ရေးကြိုးပမ်းအားထုတ်မှုအနေဖြင့် ဇွန် ၁၈ ရက်မှစတင်ကာ တစ်လကြာ ဈေးပွဲတော်ကျင်းပသွားမည် ဖြစ်ကြောင်း ပြည်နယ်စီးပွားရေး နှင့် ကူးသန်းရောင်းဝယ်ရေးဌာနက ဇွန် ၁၅ ရက်တွင် ပြောကြားခဲ့သည်။

ယူနန်ပြည်နယ်ရှိ ဒေသဆိုင်ရာ အစိုးရအဖွဲ့များ နှင့် ဘဏ္ဍာရေးအဖွဲ့အစည်းများက ပွဲတော်ကာလအတွင်း လက်မှတ် ၈ သန်းကျော် ရောင်းထုတ်သွားမည် ဖြစ်ပြီး စီးပွားရေး နှင့် ကူးသန်းရောင်းဝယ်ရေးဌာနက ယွမ်သန်း ၁၀၀ ကျော်(အမေရိကန်ဒေါ်လာ ၁၄ ဒသမ ၈၁ သန်း) တန်ဖိုးရှိ လက်မှတ်များ ထုတ်ရောင်းသွားမည် ဖြစ်ကြောင်း စီးပွားရေး နှင့် ကူးသန်းရောင်းဝယ်ရေးဌာန ခေါင်းဆောင် Li Chenyang က ပြောကြားခဲ့သည်။

ဈေးပွဲတော်အတွင်း လုပ်ငန်းပေါင်း ၁၀၀,၀၀၀ ကျော်က ပူးပေါင်းပါဝင်ရန် မျှော်လင့်ထားပြီး အွန်လိုင်း နှင့် အော့ဖ်လိုင်း နှစ်မျိုးလုံးတွင် အရောင်းမြှင့်တင်ရေးပွဲမျိုးစုံ ကျင်းပရန် အားပေးသွားမည်ဖြစ်ကြောင်း သိရသည်။
ယူနန်ပြည်နယ်သည် Lijiang မြို့ဟောင်း ၊ Hani စပါးလှေကားထစ်စိုက်ခင်းများကဲ့သို့သော UNESCO ကမ္ဘာ့အမွေအနှစ်နေရာ ငါးနေရာ အပါအဝင် ကြွယ်ဝသောခရီးသွားလုပ်ငန်းအရင်းအမြစ်များ ရှိသည်။ ယူနန်ပြည်နယ်သည် ပြည်တွင်း နှင့် နိုင်ငံခြားခရီးသွားဧည်သည် နှစ်ခုလုံးအား စွဲဆောင်စေသည့် တိုင်းရင်းသားလူမျိုးပေါင်း ၂၀ ကျော် နေထိုင်သည့် ပြည်နယ်လည်း ဖြစ်ကြောင်း သိရသည်။ (Xinhua)