အိမ်တံခါးက တရုတ်တိုင်းရင်းဆေးဆေးခန်းသည် အကွာအဝေးမရှိသော ဝန်ဆောင်မှုပေးအပ်

နွေမိုးတစ်ဖွဲဖွဲရွာနေပါသည်။ သုံးဘီးဆိုင်ကယ်တစ်စီးသည် ယူနန်ပြည်နယ် တယ်ဟုန်တိုင်၊ ဂျိမ်းဖောတိုင်းရင်းသားကိုယ်ပိုင်အုပ်ချုပ်ခွင့်ရပြည်နယ်ခွဲရှိ မန်စီမြို့နယ် တရုတ်တိုင်းရင်းဆေး ဆေးခန်းရှေ့၌ ရပ်တန့်သွားသည်။ လောလန့်ဖန်သည် ချိုင်းထောက်တွင်ရှိနေသော သမီးဖြစ်သူအား ကူညီကာ အဆိုပါ တရုတ်တိုင်းရင်းဆေးဆေးခန်းသို့ အပ်စိုက်ကုထုံးဖြင့် ကျန်းမာရေးပြန်လည် ကောင်းမွန်လာအောင် ကုသမှုခံယူစေပါသည်။ ထို့နောက် ထုပ်ပိုးထားသည့် တရုတ်တိုင်းရင်းဆေးကို ရယူခဲ့ပါသည်။

လောလန့်ဖန်၏ သမီးသည် မတော်တဆမှုတစ်ခုကြောင့် အနာရောဂါကြောင့် အသက်ရှင်ရုံမျှသာ ရှိပြီး ဘာမှမလုပ်နိုင်သူ ဖြစ်လာပါသည်။ ယခုနှစ် မတ်လမှစ၍ မန်စီမြို့နယ် တရုတ်တိုင်းရင်းဆေး ဆေးခန်းတွင် ပြန်လည်ထူထောင်ရေးကုသမှုကို ခံယူခဲ့ပါသည်။ လောလန့်ဖန်၏ သမီးအား ကုသပေးသော ဆရာဝန် ယွီတာ့ကောသည် ယူနန်တရုတ်တိုင်းရင်းဆေးပညာတက္ကသိုလ်မှ ဘွဲ့ရရှိပြီး လိုင်စင်ရ ဆရာဝန်တစ်ဦးဖြစ်ပါသည်။ သူသည် တရုတ်နိုင်ငံလုံးဆိုင်ရာ အပ်စိုက်ကုသခြင်းဆိုင်ရာ ကျွမ်းကျင်မှု ပြိုင်ပွဲများတွင် အကြိမ်ပေါင်းများစွာ ချီးမြှင့်ဆု ရရှိခဲ့ပါသည်။ ဆရာဝန် ယွီတာ့ကောက အသေးစိတ် ကုသမှုနှင့် စောင့်ရှောက်မှုကြောင့် လောလန့်ဖန်၏ သမီးသည် မလှုပ်ရှားနိုင်၊ စကားမပြောနိုင်သည့် အခြေအနေမှ ယခုအချိန်တွင် ချိုင်းထောက်ဖြင့် ဖြည်းညှင်းစွာ လမ်းလျှောက်နိုင်ပြီဖြစ်ပြီး စကားလည်း ပြောနိုင်လာပြီဖြစ်သည်။

“ကျွန်မတို့ တရုတ်တိုင်းရင်းဆေး ဆေးကုဌာနမှာ ဆရာဝန် သုံးယောက်ရှိပါတယ်။ နေ့စဉ် လူနာဒါဇင်နဲ့ချီ လာပြပါတယ်။ မနှစ်က ဆေးကုခဲ့တဲ့ လူနာစုစုပေါင်းဦးရေ ၇၀၀၀ ကျော် ရှိပါတယ်။ ဒီနှစ်မှာတော့ မနှစ်ကထက် ပိုများပါတယ်”ဟု မန်စီမြို့နယ် ကျန်းမာရေးဆေးခန်း၏ တာဝန်ရှိသူ တွန်မေရှူ က ပြောဆိုပါသည်။ အိမ်တံခါးက တရုတ်တိုင်းရင်းဆေး ဆေးခန်းများသည် ကျေးလက်ဒေသများရှိ ဆေးကုသရေးပတ်ဝန်းကျင်ကို ပိုမိုတိုးတက်ကောင်းမွန်လာစေပြီး မန်စီနေ ပြည်သူပြည်သားများအတွက် မျိုးစုံသော ကျန်းမာရေးလိုအပ်ချက်များကို ပို၍ ကောင်းမွန်စွာ ဖြည့်ဆည်းပေးနိုင်ကြောင်း၊ အကွာအဝေးမရှိသော ဝန်ဆောင်မှုဖြင့် အားလုံးတို့၏ အသိအမှတ်ပြုမှုများ ရရှိနေကြောင်း သူမက ဆက်လက် ရှင်းပြပါသည်။

(ဆောင်းပါးအရင်းအမြစ် - မန်စီမြို့မီဒီယာစင်တာ ၊ ဘာသာပြန် - Yunnan gateway)