အာဖဂန်ငလျင်ဒဏ်သင့်ဒေသများသို့ အာဖဂန်ရှိ တရုတ်ကုမ္ပဏီလုပ်ငန်းမှ အထောက်အပံ့ပစ္စည်းများ ပေးအပ်လှူဒါန်း

အာဖဂန်နစ္စတန်နိုင်ငံ ပါသီကာ(Paktika)ပြည်နယ်၌ ဒေသခံကလေးငယ်များအား ဇွန် ၂၃ ရက်က တွေ့ရစဉ်(ဆင်ဟွာ)

အာဖဂန်နစ္စတန်နိုင်ငံ ငလျင်ဒဏ်သင့်ဒေသများသို့ တရုတ်ကုမ္ပဏီလုပ်ငန်းမှ ကူညီကယ်ဆယ်ရေးအထောက်အပံ့ပစ္စည်းများ ပေးအပ်လှူဒါန်းသည့် အခမ်းအနားကို ဇွန် ၂၆ ရက်က အာဖဂန်နစ္စတန်နိုင်ငံ အရှေ့ပိုင်း ခို့စ်ထ်(Khost)ပြည်နယ် မြို့တော် ခို့စ်ထ်တွင် ကျင်းပခဲ့သည်။ပထမအသုတ်လွှဲပြောင်းပေးအပ်သော ထောက်ပံ့ရေးပစ္စည်းများတွင် ဆန်၊ ဂျုံ၊ စားသုံးဆီနှင့်လက်ဖက်စသည်တို့ပါဝင်ကြောင်း သိရသည်။ ယခုအကြိမ်လှူဒါန်းသော အထောက်အပံ့ပစ္စည်းများက ဘေးဒဏ်သင့်ဒေသ ပြည်သူလူထုအတွက် အရေးပေါ် အကူအညီဖြစ်စေလိမ့်မည်ဟု မျှော်လင့်ကြောင်း MCC-JCL Aynak Minerals Company Ltd. (MJAM)ကိုယ်စားလှယ်က ဆိုသည်။

အာဖဂန်နစ္စတန်နိုင်ငံ ပါသီကာ(Paktika)ပြည်နယ်၌ ပျက်စီးနေသည့်အဆောက်အဦများကို ဇွန် ၂၃ ရက်က တွေ့ရစဉ်(ဆင်ဟွာ)

အာဖဂန်နစ္စတန်နိုင်ငံ ပါသီကာ(Paktika)ပြည်နယ်၌ ပျက်စီးသွားသည့် နေအိမ်အား ဇွန် ၂၃ ရက်က တွေ့ရစဉ်(ဆင်ဟွာ)

တရုတ်ကုမ္ပဏီလုပ်ငန်းမှ ယခုအကြိမ်လှူဒါန်းသည့် အထောက်အပံ့ပစ္စည်းများကို ဘေးဒဏ်သင့်ဒေသများကို အမြန်ဆုံးပို့ဆောင်သွားမည် ဖြစ်ပြီး ဘေးဒဏ်သင့်မိသားစု ၈၀၀ ကို ဝေငှသွားမည် ဖြစ်ကြောင်း အာဖဂန်ကြားဖြတ်အစိုးရ အမျိုးသားကပ်ဘေးစီမံခန့်ခွဲရေးနှင့်လူသားချင်းစာနာထောက်ထားမှုရေးရာ ဝန်ကြီး အထူးကိုယ်စားလှယ် Mohammad Salim Haqqaniက အခမ်းအနားတွင် ပြောကြားခဲ့သည်။

ခို့စ်ထ်(Khost)ပြည်နယ် ကပ်ဘေးစီမံခန့်ခွဲရေးနှင့်လူသားချင်းစာနာထောက်ထားမှုရေးရာဌာန တာဝန်ခံက တရုတ်ကုမ္ပဏီလုပ်ငန်း၏ကူညီမှုအတွက် ကျေးဇူးတင်ရှိကြောင်း၊ အရေးပေါ်အချိန်တွင် ဘေးဒဏ်သင့်ပြည်သူများ အတွက် လိုအပ်လှသော ပစ္စည်းများကို ထောက်ပံ့ပေးခြင်း ဖြစ်ကြောင်း ပြောကြားခဲ့သည်။