တရုတ်နိုင်ငံ နှင့် ကမ္ဘောဒီးယားနိုင်ငံတို့က နယ်ပယ်အသီးသီးတွင် ဆက်ဆံရေး နှင့် ပူးပေါင်းဆောင်ရွက်မှုများ ပိုမိုတိုးမြှင့်မည်
တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက ကမ္ဘောဒီးယားနိုင်ငံခြားရေးဝန်ကြီး ပရက်ဆော့ခွန် နှင့် ဇူလိုင် ၃ ရက်တွင် မြန်မာနိုင်ငံ ပုဂံမြို့၌ ကျင်းပပြုလုပ်သည့် လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ (၇)ကြိမ်မြောက် နိုင်ငံခြားရေးဝန်ကြီးများအစည်းအဝေးသို့ တက်ရောက်စဉ်ကာလအတွင်း တွေ့ဆုံစဉ်(ဆင်ဟွာ)
တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိ နှင့် ကမ္ဘောဒီးယား ဒုတိယဝန်ကြီးချုပ် နှင့် နိုင်ငံခြားရေးဝန်ကြီး ပရက်ဆော့ခွန်းတို့သည် ဇူလိုင် ၃ ရက်တွင် ပုဂံမြို့၌ တွေ့ဆုံခဲ့ပြီး နှစ်ဖက်လုံးက ရပ်ဝန်း နှင့် ပိုးလမ်းမ တည်ဆောက်ခြင်း နှင့် အခြားနယ်ပယ်များတွင် ဆက်ဆံရေး နှင့် ပူးပေါင်းဆောင်ရွက်မှုများ ပိုမိုတိုးမြင့်သွားရန် ကတိပြုခဲ့ကြောင်း သိရသည်။တရုတ် ၊ ကမ္ဘောဒီးယား နှစ်နိုင်ငံ နိုင်ငံခြားရေးဝန်ကြီးများသည် ပုဂံမြို့၌ ဇူလိုင် ၄ ရက်တွင် ကျင်းပမည့် လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ (၇)ကြိမ်မြောက် နိုင်ငံခြားရေးဝန်ကြီးများအစည်းအဝေးသို့ တက်ရောက်စဉ် ကာလအတွင်း တွေ့ဆုံခဲ့ခြင်း ဖြစ်သည်။
တရုတ်နိုင်ငံ၏ အခြားဒေသတွင်းနိုင်ငံများနှင့် ဆက်ဆံရေး၏ ရှေ့တန်း၌ ရှိသည့် တရုတ်နိုင်ငံ နှင့် ကမ္ဘောဒီးယားနိုင်ငံတို့အကြား ဘက်ပေါင်းစုံပူးပေါင်းဆောင်ရွက်မှုကို ချီးကျူးနေစဉ် ဝမ်ရိက အခြေအနေအသစ်အောက်တွင် ၎င်းတို့၏ ခေါင်းဆောင်မှုများအကြား ရရှိခဲ့သည့် မဟာဗျူဟာမြောက် သဘောတူညီချက်များအား ထပ်မံအကောင်အထည်ဖော်ရန် ၊ ဆက်သွယ်ရေးအားကောင်းလာစေရန် နှင့် ပူးပေါင်းဆောင်ရွက်မှု နက်ရှိုင်းလာစေရန် ၊ တရုတ်-ကမ္ဘောဒီးယား ကံကြမ္မာအကျိုးတူအသိုက်အဝန်း ခိုင်မာအားကောင်းရေး လုပ်ဆောင်ရန် နှင့် ပိုမိုထင်ရှားသော ရလဒ်များဖြင့် ၂၀၂၃ ခုနှစ်တွင် ၆၅ နှစ်ပြည့်မြောက်သည့် နှစ်နိုင်ငံ သံတမန် ဆက်ဆံရေးအား ဂုဏ်ပြုရန် ကမ္ဘာဒီးယားနိုင်ငံနှင့်အတူလုပ်ဆောင်ရန် တရုတ်နိုင်ငံက ဆန္ဒရှိကြောင်း ပြောကြားခဲ့သည်။
ရင်းနှီးသောမဟာဗျူဟာမိတ်ဖက်အဖြစ် တရုတ်နိုင်ငံအနေဖြင့် ကမ္ဘောဒီးယားနိုင်ငံနှင့်အတူ ခိုင်ခိုင်မာမာ ဆက်လက်ရပ်တည်သွားမည် ဖြစ်ကာ နိုင်ငံရေးတည်ငြိမ်မှု နှင့် စီးပွားရေးဖွံ့ဖြိုးတိုးတက်မှုကို အားပေးထောက်ခံသွားမည် ဖြစ်ကြောင်း ဝမ်ရိက ပြောကြားခဲ့သည်။
ကမ္ဘောဒီးယား နိုင်ငံခြားရေးဝန်ကြီး ပရက်ဆော့ခွန်းက ကမ္ဘာဒီးယားနိုင်ငံအနေဖြင့် တရုတ်နိုင်ငံက အဆိုပြုသည့် ကမ္ဘာလုံးဆိုင်ရာ ဖွံ့ဖြိုးတိုးတက်မှုအဆိုပြုချက်(GDI) နှင့် ကမ္ဘာလုံးဆိုင်ရာလုံခြုံရေးအဆိုပြုချက်(GSI)သည် ကမ္ဘာလုံးဆိုင်ရာငြိမ်းချမ်းရေး နှင့် ဖွံ့ဖြိုးတိုးတက်မှုအား အရေးပါသည့်ပံ့ပိုးကူညီမှုများ ပြုလုပ်ပေးလိမ့်မည်ဟု ယုံကြည်ကြောင်း ပြောကြားခဲ့သည်။
ပရက်ဆော့ခွန်းက နှစ်နိုင်ငံဘက်စုံမဟာဗျူဟာပူးပေါင်းဆောင်ရွက်ရေး မိတ်ဖက်ဆက်ဆံရေးသည် ခိုင်မာကြောင်း ထုတ်ဖော်ပြောဆိုကာ ကမ္ဘောဒီးယားနိုင်ငံသည် တရုတ်တစ်နိုင်ငံတည်း မူဝါဒအား အခိုင်အမာဆက်လက်လိုက်နာသွားမည် ဖြစ်ကြောင်း နှင့် ထိုင်ဝမ် ၊ ဟောင်ကောင် ၊ တိဗက် နှင့် ရှင်းကျန်းနှင့် ပတ်သက်၍ ကိစ္စရပ်များအပေါ် တရုတ်နိုင်ငံ၏ ရပ်တည်ချက်ကို အားပေးထောက်ခံကြောင်း ပြောကြားခဲ့သည်။
ကမ္ဘောဒီးယားနိုင်ငံအနေဖြင့် တရုတ်နိုင်ငံ နှင့် မဟာဗျူဟာမြောက်ဆက်ဆံရေးခိုင်မာအားကောင်းလာရေး နှင့် အဆင့်မြင့်ဖလှယ်မှုများအား ထိန်းသိမ်းသွားရန် မျှော်လင့်ကြောင်း ၊ ၂၀၂၃ ခုနှစ်တွင် နှစ်နိုင်ငံသံတမန်ဆက်ဆံရေး ၆၅ နှစ်မြောက် နှစ်ပတ်လည်အား ပိုမိုပူးပေါင်းဆောင်ရွက်မှုအောင်မြင်မှုများနှင့်အတူ ချီးကျူးဂုဏ်ပြုကြောင်း ၎င်းက ပြောကြားခဲ့သည်။
အဆိုပါ တွေ့ဆုံမှုအတွင်း နှစ်ဖက်လုံးက ရပ်ဝန်း နှင့် ပိုးလမ်းမအဆိုပြုချက်(BRI) နှင့် ကမ္ဘောဒီးယားနိုင်ငံ၏ ဖွံ့ဖြိုးတိုးတက်မှုဗျူဟာအကြား စုပေါင်းညှိနှိုင်းဆောင်ရွက်မှု အကျိုးရလဒ်အား စဉ်ဆက်မပြတ်တိုးတက်စေရန် ဆက်စပ်စီးပွားရေး နှင့် အခြေခံအဆောက်အအုံ စီမံကိန်းများတွင် တိုးတက်မှုများ ရရှိရေးအတွက် ကတိပြုခဲ့ကြောင်း သိရသည်။
ကပ်ရောဂါတိုက်ဖျက်ရေး ၊ စိုက်ပျိုးရေး ၊ သဘာဝပတ်ဝန်းကျင်ကာကွယ်ရေး ၊ နည်းပညာ ၊ ယဉ်ကျေးမှု နှင့် ပြည်သူအချင်းချင်း ဖလှယ်မှုများ အပါအဝင် နယ်ပယ်များတွင် ဆက်လက်ပူးပေါင်းဆောင်ရွက်သွားရန် သဘောတူခဲ့ကြကြောင်းလည်း သိရသည်။
ဝမ်ရိက တရုတ်နိုင်ငံအနေဖြင့် ကမ္ဘောဒီးယားဘက်က လိုအပ်ချက်အရ ကျန်ရှိနေသည့် COVID-19 ကာကွယ်ဆေး အကြိမ်ရေ ၁၅ သန်းစာအား အချိန်မီ ပို့ဆောင်သွားမည် ဖြစ်ကြောင်း ၊ အစောပိုင်းအချိန်တွင် အခြားကပ်ရောဂါတိုက်ဖျက်ရေးပစ္စည်းများ ထောက်ပံ့ခဲ့ပြီး တရုတ်နိုင်ငံသို့ ကမ္ဘောဒီးယားဆန်တင်ပို့မှုများ တိုးချဲ့ကာ နှစ်နိုင်ငံအကြား တိုက်ရိုက်လေကြောင်းခရီးစဉ်များ တိုးလာခဲ့ကြောင်း ပြောကြားခဲ့သည်။
နှစ်ဘက်လုံးက အရှေ့တောင်အာရှနိုင်ငံများအသင်း(အာဆီယံ) နှင့်အတူ တရုတ်နိုင်ငံ၏ ဆက်ဆံရေးအပေါ် နက်နက်ရှိုင်းရှိုင်း ဆွေးနွေးမှုများအား ပြုလုပ်ခဲ့ကြောင်း သိရသည်။
ဝမ်ရိက ၂၀၂၂ အာဆီယံဥက္ကဋ္ဌအဖြစ် ကမ္ဘောဒီးယားနိုင်ငံ၏ အရေးကြီးသောအခန်းကဏ္ဍအား အပြည့်အဝ ထောက်ခံကြောင်း နှင့် အတည်ပြုထိန်းသိမ်းချက်သုံးရပ်အား လိုက်နာစောင့်ထိန်းရန် အာဆီယံနှင့်အတူလုပ်ဆောင်ရန် အဆင်သင့်ရှိကြောင်း ပြောကြားခဲ့သည်။
ယင်းတို့မှာ မဟာဗျူဟာမြောက်လွတ်လပ်ခြင်းအား ထိန်းသိမ်းစောင့်ရှောက်ရန် ၊ နိုင်ငံစုံပါဝင်မှုအား ထိန်းသိမ်းရန် နှင့် ဒေသတွင်းလုံခြုံမှုအပေါ် ဦးဆောင်နေသည့်အင်အား ထိန်းထားရန် အာဆီယံ ဗဟိုပြုမှုအား အတည်ပြုထိန်းသိမ်းခြင်း ၊ ဒေသတွင်းဘက်စုံစီးပွားရေး ပူးပေါင်းဆောင်ရွက်မှုသဘောတူစာချုပ်(RCEP)အား အပြည့်အဝအကောင်အထည်ဖော်ရန် ၊ အစောပိုင်း၌ တည်ဆောက်ထားသည့် တရုတ်-အာဆီယံ လွတ်လပ်သော ကုန်သွယ်မှုဧရိယာ ဗားရှင်း 3.0 အား စတင်ရန် နှင့် ဒေသတွင်း ငြိမ်းချမ်းရေး ၊ တည်ငြိမ်ရေး နှင့် ဖွံ့ဖြိုးတိုးတက်မှုအတွက် ပိုမိုသေချာမှု နှင့် အပြုသဘောဆောင်သည့်အားထုတ်မှုများ ပေါင်းထည့်ရန် အပြန်အလှန် အကျိုးဖြစ်ထွန်းစေမှုအား ဖော်ထုတ်ခြင်းကို အတည်ပြုထိန်းသိမ်းခြင်း ၊ အပြန်အလှန်အကျိုးရှိသည့် ပူးပေါင်းဆောင်ရွက်မှု၏ အဓိကအချက်အား ဆက်လက်ထိန်းသိမ်းရန် ၊ ဒေသတွင်း အုပ်စုများ နှင့် ကွဲပြားမှု ပဋိပက္ခစတင်ခြင်းအား ဆန့်ကျင်ရန် နှင့် အရှေ့အာရှ ပူးပေါင်းဆောင်ရွက်မှုစင်မြင့်အား အဓိက-နိုင်ငံပြိုင်ဘက်များအတွက် “နပန်းမြေ” အဖြစ် ပြောင်းလဲရန် ကြိုးပမ်းမှုမှန်သမျှကို တွန်းလှန်ရန် ထိခိုက်လွယ်သောကိစ္စရပ်များအား မှန်မှန်ကန်ကန် ကိုင်တွယ်ခြင်းဆိုင်ရာမူအား အတည်ပြုထိန်းသိမ်းခြင်းတို့ ဖြစ်သည်။
အကျိုးအမြတ်လုံးဝမရှိသော စိတ်နေသဘောထား နှင့် ပထဝီနိုင်ငံရေးပြိုင်ဆိုင်မှုများအတွက် တွန်းနေပြီး ဘက်လိုက်ရန် ဒေသတွင်းနိုင်ငံများအား အတင်းအကြပ်ပြုနေသည့် မည်သည့်ပြင်ပအင်အားစုမျိုးကိုမဆို ကမ္ဘောဒီးယားနိုင်ငံက ဆန့်ကျင်ကြောင်း ပရက်ဆော့ခွန်းက ပြောကြားခဲ့သည်။
ကမ္ဘောဒီးယားနိုင်ငံအနေဖြင့် ဒေသတွင်း ငြိမ်းချမ်းရေး ၊ တည်ငြိမ်ရေး နှင့် ချမ်းသာကြွယ်ဝရေးအား ကာကွယ်ရန် တရုတ်နိုင်ငံနှင့်အတူ လုပ်ဆောင်ရန် ဆန္ဒရှိကြောင်း ၎င်းက ပြောကြားခဲ့သည်။
နှစ်ဖက်လုံးက မြန်မာနိုင်ငံ ၊ တောင်တရုတ်ပင်လယ် နှင့် လန်ချန်း-မဲခေါင်ပူးပေါင်းဆောင်ရွက်မှုနှင့် ပတ်သက်သော ကိစ္စရပ်များအပေါ် အမြင်ချင်းဖလှယ်ခဲ့ကြောင်းလည်း သိရသည်။(Xinhua)