ဂျပန် ဝန်ကြီးချုပ်ဟောင်း ရှင်ဇိုအာဘေး သေနတ်ပစ်ခတ်ခံရ၍ ဆေးရုံသို့ပို့ဆောင်ထားရ
ဂျပန်နိုင်ငံ ဝန်ကြီးချုပ်ဟောင်း ရှင်ဇိုအာဘေးအား တွေ့ရစဉ် (ဆင်ဟွာ)
ဂျပန်ဝန်ကြီးချုပ်ဟောင်းရှင်ဇိုအာဘေးသည် ဇူလိုင် ၈ရက် နံနက်ပိုင်း Nara မြို့တွင် ဟောပြောပွဲပြုလုပ်နေစဉ် ရင်ဘတ်ကိုသေနတ်ထိမှန်ခဲ့ခြင်းဖြစ်ကြောင်း ဂျပန်မီဒီယာများ၏ ယင်းနေ့၌ ဖော်ပြချက်များအရ သိရသည်။ လက်ရှိတွင် ရှင်ဇိုအာဘေး၏ နှလုံး၊အဆုတ်အလုပ်မလုပ်တော့ကြောင်း သိရသည်။
ဒေသစံတော်ချိန် ၁၁ နာရီ ၃၀ မိနစ်ခန့်တွင် ရှင်ဇိုအာဘေးသည် ဘူတာတစ်ခုအနီး၌ ဟောပြောပွဲပြုလုပ်နေစဉ် သေနတ်ထိမှန်လဲကျခဲ့ခြင်း ဖြစ်သည်။ လက်ရှိ ရှင်ဇိုအာဘေး၏ နှလုံး၊အဆုတ်က ရပ်တန့်သည့်အနေအထားတွင်ရှိကြောင်း သိရသည်။ အချင်းဖြစ်ပွားမှုနှင့်စပ်လျဉ်း၍ သံသယရှိသူကို ဖမ်းဆီးပြီးဖြစ်ကြောင်း သိရသည်။
နှလုံး၊အဆုတ် ရပ်တန့်သွားသည် ဆိုသည်မှာ နှလုံးခုန်နှုန်းရပ်တန့်၍ အသက်မရှူတော့ခြင်းကို ရည်ညွှန်းခြင်း ဖြစ်သည်။ ဂျပန်တွင် ဒဏ်ရာရသူ၏ နှလုံးနှင့်အဆုတ်အလုပ်မလုပ်တော့ပါက ဆရာဝန်အတည်ပြုမှုမရှိသေးလျှင် “သေဆုံး”သည်ဟု အတည်ပြု၍မရကြောင်း သိရသည်။ （Xinhua）