【2022CITM】၂၀၂၂ ခုနှစ် တရုတ်နိုင်ငံအပြည်ပြည်ဆိုင်ရာခရီးသွားပြပွဲ။ ။ ပေါက်စန်းတွင် ကျေးရွာခရီးသွားလာရေးသည် “သာယာသောနေရာ”ကို ပို၍သာယာစေသည်

ဇူလိုင်လ(၉)ရက်နေ့တွင် ထိန်ချုံးမြို့ ချင်းရွှေရွာ စန်းကြားရွာ ကျုံးကျိုက်စစ်မော်လှရွာသူရွာသားများ အဖွဲ့သည် ရွာအဝင်ဝတွင် ပြင်ပမှလာသောခရီးသည်များကို ကြိုဆိုနေပါသည်။ စစ်မော်လှသည် ဝ ဘာသာစကားဖြင့် “သာယာသောနေရာ”ဟု အဓိပ္ပာယ်ရပါသည်။

ရွာအတွင်း၌ သစ်တောများဖုံးလွှမ်းနေပြီး စိမ်းစိုလျက်ရှိသည်။ ပြင်ပမှလာသောဧည့်သည်များကို မိတ်ဆက်တိုင်း ချင်းရွှေရွာဒုရွာသူကြီး၊ စမ်းကြားရွာပါတီအတွင်းရေးမှူးချုပ် ကျောက်ကျားချင်းသည် “အစိမ်းရောင်”ဟူသောစကားလုံးကို ပထမဆုံးအသုံးပြုလေ့ရှိသည်။ အဝေးတွင်ရှိသော ညောင်ပင်ကြီးကို လက်ညိုးထိုးပြီး “ဒီအပင်တွေဆိုရင် နှစ်(၅၀၀)ကျော်သမိုင်းရှိနေပါပြီ။ ကျွန်တော်တို့ဘိုးဘေးခေတ် ကတည်းက စိုက်ပျိုးထားတာဖြစ်ပါတယ်။ အားလုံးအတူထိန်းသိမ်းကာကွယ်ကြတယ်”ဟု ဂုဏ်ယူစွာ ပြောလေ့ရှိသည်။

“ဒီနေရာမှာ တောင်တန်းတွေ၊ ရေတွေ၊ လွမ်းဆွတ်စရာတွေကို တွေ့နိုင်တယ်” ဟု စစ်မော်လှရွာသူရွာသားများက အမြဲပြောလေ့ရှိသည်။ သူတို့အတွက် သဘာဝပတ်ဝန်းကျင်ထိန်းသိမ်းမှုနှင့် လေးစားမှုသည် အလွန်အရေးပါလှသည်။ “လာရောက်လည်ပတ်တဲ့ ခရီးသည်တွေကို ရိုးရှင်းသောကျေးလက်ဓလေ့ခံစားနိုင်ပြီး စစ်မော်လှရဲ့ ‘သာယာမှု’ကိုလည်း ခံစားစေလိုပါတယ်။” ပြီးခဲ့သောနှစ်များတွင် ကျောက်ရိန်ရှင်းသည် ကျေးရွာသို့ ပြန်ရောက်လာပြီး “မြေစောင့်သူ”ဟုအမည်ရှိသော စိုက်ပျိုးရေးထုတ်ကုန်ပစ္စည်းဆိုင် ဖွင့်လှစ်ခဲ့သည်။

ယခင်က ကျေးရွာလူငယ်များသည် ရွာပြင်ပသို့သွားရောက်ကာ အလုပ်လုပ်ကြပြီး ကျေးရွာခရီးသွားလုပ်ငန်း စတင်ဖွံ့ဖြိုးတိုးတက်လာချိန်တွင် သူကဲ့သို့ပြန်လာခြင်းအား ရွေးချယ်သူ ပိုမိုများပြားလာသည်ကို ကျောက်ရိန်ရှင်းက နက်နဲစွာ သဘောကျခဲ့ပါသည်။

မူရင်း - ယူနန်နေ့စဉ်သတင်းစာ