အာဖရိကပြည်သူများ အကျိုးစီးပွားအတွက် မည်သူက စစ်မှန်စွာ ရှေ့ရှုသလဲဆိုသည်မှာ အာဖရိကပြည်သူများ၏စိတ်ထဲတွင် ချိန်ခွင်လျှာရှိကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ပြောကြား - 新闻

နိုင်ဂျီးရီးယားနိုင်ငံ Lagos ရှိ Lagos-Ibadan ရထားလမ်း Mobolaji Johnson ရထားဘူတာတွင် ရပ်ထားသော ရထားများအား ၂၀၂၁ ခုနှစ် ဇွန် ၁၀ ရက်က တွေ့ရစဉ်(ဆင်ဟွာ)

အာဖရိကတိုက် နိုင်ငံ ၂၅ နိုင်ငံမှ မူဝါဒချမှတ်သူ ၁,၀၀၀ ကျော်အား ဆန္ဒမဲကောက်ယူရာတွင် အာဖရိကနိုင်ငံများ၌ အခြေခံအဆောက်အအုံ စသည့် စီမံကိန်းများ မွမ်းမံတည်ဆောက်သည့် လျင်မြန်မှုနှင့်ယုံကြည်မှုက ယေဘုယျအားဖြင့် တရုတ်နိုင်ငံသည် ဥရောပသမဂ္ဂနိုင်ငံများထက် များပြားမှုရှိနေသည်ဟု ကင်ညာပညာရှင်အဖွဲ့ “ဒေသဖြတ်ကျော်စီးပွားရေးကွန်ရက်ဝက်ဘ်ဆိုက်”၏ ဇူလိုင် ၁၉ ရက် ထုတ်ပြန်သည့် အစီရင်ခံစာက ဖော်ပြထားကြောင်း သတင်းများက ဖော်ပြထားသည်။

ထို့အပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက မည်သည်မှာ စစ်မှန်သော အရည်အသွေးမြင့် ဖြစ်သည်၊ မည်သူသည် အာဖရိကပြည်သူများ၏အကျိုးစီးပွားကို တိုးပွားအောင် စစ်မှန်စွာ အားထုတ်ခြင်း ဖြစ်သည်ဆိုခြင်းမှာ အာဖရိကပြည်သူများ၏ စိတ်ထဲ၌ ချိန်ခွင်လျှာရှိကြောင်း ဇူလိုင် ၂၂ ရက် ပုံမှန်သတင်းစာရှင်းလင်းပွဲတွင် မှတ်ချက်ပြု ပြောကြားခဲ့သည်။

အခြေခံအဆောက်အအုံ ခေတ်နောက်ကျခြင်းသည် အာဖရိက ဖွံ့ဖြိုးတိုးတက်ရေး အကျပ်အတည်း၏အကြောင်းရင်းတစ်ခု ဖြစ်ကြောင်း၊ တရုတ်နိုင်ငံသည် အစဉ်အမြဲ တတ်နိုင်သည့်အတိုင်းအတာအတွင်းတွင် အာဖရိကနိုင်ငံများနှင့်နည်းလမ်းအသွယ်သွယ် ပူးပေါင်းဆောင်ရွက်လျက်ရှိရာ အာဖရိကနိုင်ငံများက အခြေခံအဆောက်အအုံအဆင့်မြှင့်တင်ရေး၊ အာဖရိက ကိုယ်တိုင်စဉ်ဆက်မပြတ်ဖွံ့ဖြိုးတိုးတက်ရေးအတွက် ပံ့ပိုးကူညီဖော်ဆောင်ပေးလျက်ရှိကြောင်း ဝမ်က ပြောကြားခဲ့သည်။

အချို့အင်အားစုများက တရုတ်-အာဖရိက ပူးပေါင်းဆောင်ရွက်မှုကို အပုပ်ချရန် “အရည်အသွေးမြင့် အခြေခံအဆောက်အအုံ” အနက်ကို အသွင်ပြောင်းနေသော်လည်း မည်သည်က စစ်မှန်သော အရည်အသွေးမြင့်မှု၊ မည်သူသည် အာဖရိကပြည်သူများ၏ အကျိုးစီးပွားကို စစ်မှန်စွာ ရှေ့ရှုသလဲဆိုသည်မှာ အာဖရိက ပြည်သူများ၏စိတ်ထဲ၌ ချိန်ခွင်လျှာရှိပြီးဖြစ်ကြောင်း ပြောကြားခဲ့သည်။

“အာဖရိကသည် နိုင်ငံတကာပူးပေါင်းဆောင်ရွက်မှုရဲ့ဇာတ်ခုံကြီး ဖြစ်သင့်တယ်၊ နိုင်ငံအသီးသီးက အာဖရိကရဲ့ အချုပ်အခြာအာဏာကို လေးစားသင့်ပြီး အာဖရိအသံကို နားထောင်ကာ မိမိရဲ့အားသာချက်တွေနဲ့ အာဖရိကပြည်သူတွေအတွက် လက်တွေ့ကျပြီးကောင်းမွန်တဲ့ ကိစ္စတွေ လုပ်ပေးသင့်တယ်လို့ တရုတ်နိုင်ငံအနေနဲ့ အစဉ်အမြဲ ယူဆပါတယ်”ဟု ဝမ်ဝန်ပင်းက ပြောကြားခဲ့သည်။ (Xinhua)