ဖွံ့ဖြိုးဆဲနိုင်ငံများ အကြမ်းဖက်မှုတိုက်ဖျက်ရေး စွမ်းရည်မြှင့်တင်ရေးအတွက် ကူညီပေးရန် တရုတ်နိုင်ငံက တိုက်တွန်း
ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ကျန်းကျွင်းအား သြဂုတ် ၉ ရက်က နယူးယောက်မြို့ရှိ ကုလသမဂ္ဂရုံးချုပ်တွင် တွေ့ရစဉ် (ဆင်ဟွာ)
ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ကျန်းကျွင်းက ကမ္ဘာလုံးဆိုင်ရာ အကြမ်းဖက်ဝါဒ ခြိမ်းခြောက်မှုကို ထိရောက်စွာ တားဆီးနှိမ်နင်းရေးနှင့် ပတ်သက်၍ တရုတ်နိုင်ငံ၏ ရပ်တည်ချက်ကို ထုတ်ဖော်ပြောကြားရာတွင် ဖွံ့ဖြိုးဆဲနိုင်ငံများ အထူးသဖြင့် အာဖရိကနိုင်ငံများ၏ အကြမ်းဖက်မှု တိုက်ဖျက်ရေး စွမ်းရည်မြှင့်တင်ရေးအတွက် အဓိက အကူအညီပေးရန် တိုက်တွန်းကြောင်း သြဂုတ် ၉ ရက်၌ ပြုလုပ်သော လုံခြုံရေးကောင်စီ “အကြမ်းဖက်လုပ်ရပ်များက နိုင်ငံတကာငြိမ်းချမ်းရေးနှင့် လုံခြုံရေးအပေါ် ခြိမ်းခြောက်ခြင်း” အစည်းအဝေးတွင် ပြောကြားခဲ့သည်။
တရုတ်နိုင်ငံသည် လက်တွေ့ကျသော လုပ်ဆောင်ချက်များဖြင့် အာဖရိက၊ အလယ်အာရှ စသည့် အကြမ်းဖက်တိုက်ဖျက်ရေး ရှေ့တန်းမှ ဆောင်ရွက်နေသောနိုင်ငံများအတွက် အကြမ်းဖက်ခြိမ်းခြောက်မှုကို ထိထိရောက်ရောက် ကိုင်တွယ်နိုင်ရန် အကြမ်းဖက်တိုက်ဖျက်ရေးစွမ်းရည်ကို ဖြည့်ဆည်းပေးမည်ဖြစ်ပြီး ဒေသတွင်း ငြိမ်းချမ်းရေးနှင့် လုံခြုံရေးအတွက် ကူညီမှုများ ဆက်လက်ပံ့ပိုးပေးသွားမည်ဖြစ်ကြောင်း ကျန်းကျွင်းက ဆိုသည်။ (Xinhua)