ရထားလမ်းကြောင်းသစ်က တရုတ်နိုင်ငံ အနောက်မြောက်ပိုင်း ဆန်ရှီးပြည်နယ်နှင့် ဗီယက်နမ်နိုင်ငံကို ချိတ်ဆက်ပေးလျက်ရှိ
တရုတ်နိုင်ငံ အနောက်မြောက်ပိုင်း ဆန်ရှီးပြည်နယ် ရှီးအန်းနိုင်ငံတကာ ဆိပ်ကမ်းအား ဇူလိုင် ၂၉ ရက်က တွေ့ရစဉ် (ဆင်ဟွာ)
ဗီယက်နမ်နိုင်ငံ ဟနွိုင်းမြို့သို့ ထွက်ခွာမည့် ကုန်တင်ရထားတစ်စီးသည် တရုတ်နိုင်ငံ အနောက်မြောက်ပိုင်း ဆန်ရှီးပြည်နယ် ရှီးအန်းနိုင်ငံတကာ ဆိပ်ကမ်းမှ ဩဂုတ် ၂၃ ရက်က စတင်ထွက်ခွာသွားပြီဖြစ်ရာ ၎င်းမှာ ဆန်ရှီးပြည်နယ်နှင့် ဗီယက်နမ်နိုင်ငံကို ချိတ်ဆက်သည့် ပထမဆုံး တရုတ်-ဗီယက်နမ် ကုန်တင်ရထားလမ်းကြောင်း ဖြစ်သည်။
ကျောက်ဂွမ်းများတင်ဆောင်ထားသော ရထားတွဲ ၄၁ တွဲပါရှိသည့် အဆိုပါရထားသည် တရုတ်-ဥရောပ ကုန်တင်ရထားဝန်ဆောင်မှုဖြင့် ကာဇက်စတန်နိုင်ငံမှ ရှီအန်းသို့ သယ်ယူပို့ဆောင်လာခြင်းဖြစ်သည်။
ယခင်က သမားရိုးကျ ရထားလမ်း-ပင်လယ်ရေကြောင်းလမ်းမှတစ်ဆင့် ရှီးအန်းမှ ဗီယက်နမ်သို့ သယ်ယူပို့ဆောင်မည်ဆိုလျှင် ရက်ပေါင်း ၂၀ ခန့် ကြာမြင့်မည် ဖြစ်သည်။
တရုတ်-ဗီယက်နမ် ကုန်ရထားလမ်းကြောင်းသည် ကွမ်ရှီးရှိ ဖိန်ရှန်းဆိပ်ကမ်းကို ဖြတ်သန်းသွားခြင်းကြောင့် ခရီးကြာမြင့်ချိန်သည် ၈ ရက်ထိ တိုတောင်းသွားပြီး ခရီးအကွာအဝေး စုစုပေါင်းအရှည် ၂,၃၈၄ ကီလိုမီတာ ရှိကြောင်း သိရသည်။
ယခုနှစ် ပထမ ၇ လတာကာလအတွင်း တရုတ်-အာဆီယံကြား ကုန်သွယ်မှု စုစုပေါင်း ပမာဏသည် ယွမ် ၃.၅၃ ထရီလီယံ(ကန်ဒေါ်လာ ၅၁၄.၃ ဘီလီယံခန့်) ရှိကြောင်း သိရသည်။
သယ်ယူပို့ဆောင်ရေးကြာမြင့်ချိန် လျော့လာသည်နှင့်အမျှ ကုန်တင်ရထားဝန်ဆောင်မှုသစ်များက အာဆီယံဈေးကွက်တွင် တရုတ်စီးပွားရေးလုပ်ငန်းများတိုးချဲ့ခြင်းကို အထောက်အကူပြုမည်ဖြစ်သည်။ (Xinhua)