ပြည်သူများ၏ သာယာချမ်းမြေ့သော နေထိုင်မှုဘဝအတွက် မျက်မှောက်ခေတ် တရုတ် လူ့အခွင့်အရေးအမြင် စူးစမ်းလေ့လာခြင်းဆိုင်ရာ Think Tank အစီရင်ခံစာကို တရုတ်-အင်္ဂလိပ် နှစ်ဘာသာဖြင့် ထုတ်ပြန် - 新闻

《ပြည်သူများ၏သာယာချမ်းမြေ့သောနေထိုင်မှုဘဝအတွက်--မျက်မှောက်ခေတ် တရုတ် လူ့အခွင့်အရေးအတွေးအမြင်၏ လက်တွေ့နှင့်သီအိုရီအား စူးစမ်းလေ့လာခြင်း》 ဟူသော Think Tank အစီရင်ခံစာကို ဒီဇင်ဘာ ၅ ရက်က တရုတ်နိုင်ငံ လူ့အခွင့်အရေး ဖွံ့ဖြိုးတိုးတက်ရေး ဖောင်ဒေးရှင်း၊ ဆင်ဟွာသတင်းအေဂျင်စီ New China Research (NCR) တို့မှ ပူးတွဲ ထုတ်ပြန်ခဲ့သည်။

တရုတ်နိုင်ငံ၏ မျက်မှောက်ခေတ် လူ့အခွင့်အရေး အတွေးအမြင်ကို ဗဟိုပြုပြီး အစီရင်ခံစာကို တရုတ်လူ့အခွင့်အရေးလမ်းကြောင်း၏ သီအိုရီယုတ္တိ၊ သမိုင်းယုတ္တိနှင့် လက်တွေ့ဖော်ဆောင်မှု ယုတ္တိဗေဒ ဟူ၍ အပိုင်း ၃ ပိုင်းခွဲကာ နက်ရှိုင်းစွာ ရှင်းလင်းဖော်ပြထားသည်။ ၎င်းမှာ တရုတ်နိုင်ငံ၏ အာမခံချက်နှင့် လူ့အခွင့်အရေး ဖွံ့ဖြိုးတိုးတက်ရေး လက်တွေ့ဖော်ဆောင်ချက်များက ကမ္ဘာလုံးဆိုင်ရာ လူ့အခွင့်အရေး စီမံခန့်ခွဲမှု၊ လူ့အခွင့်အရေးလုပ်ငန်းများ ဘက်စုံ ဖွံ့ဖြိုးတိုးတက်ရေးအပေါ် တွန်းအားဖြစ်စေသည့် လေးနက်မှုအား ထဲထဲဝင်ဝင် ရှင်းလင်းဖော်ပြထားသည်။

ဆင်းရဲနွမ်းပါးမှု လွတ်မြောက်ရေး ရည်မှန်းချက် ရောက်ရှိခြင်း၊ ဘက်စုံ အတော်အသင့်ပြည့်စုံသော လူမှုအသိုက်အဝန်းအား ဖော်ဆောင်ခြင်းမှအစ တရုတ်ပြည်သူများ လူမှု၊ စီးပွား၊ ယဉ်ကျေးမှု အခွင့်အရေးများ ထိရောက်စွာ အာမခံချက်ရှိခြင်းအထိ စသည်တို့သည် မျက်မှောက်ခေတ် တရုတ်လူ့အခွင့်အရေး အတွေးအမြင် “လက်တွေ့ဖော်ဆောင်မှုအခြေခံ” တွင် အုတ်မြစ်ထားတည်ခြင်း ဖြစ်သည်။
လူ့အခွင့်အရေးအာမခံချက်၌ တရုတ်နိုင်ငံက အပြောသာမဟုတ်ဘဲ၊ လူမှုဘဝ လက်တွေ့နေထိုင်မှုများ၏ ကိစ္စရပ်တိုင်းကို အကောင်အထည်ဖော်ဆောင်ရွက်ပေးခြင်း ဖြစ်ကြောင်း အစီရင်ခံစာတွင် ဖော်ပြထားသည်။

တရုတ်ကွန်မြူနစ်ပါတီသည် လူ့အခွင့်အရေးလုပ်ငန်း၏ တက်ကြွစွာ တွန်းအားပေးသူနှင့် ခိုင်မာစွာ ကာကွယ်စောင့်ရှောက်သူ ဖြစ်ရာ နိုင်ငံ၏လူ့အခွင့်အရေးဆိုင်ရာလုပ်ငန်းစီမံချက်နှင့်အခြားသော သီးခြားစီမံချက်များကို စဉ်ဆက်မပြတ် ရေးဆွဲခဲ့ကြောင်း အစီရင်ခံစာ၌ ရေးသားထားသည်။ အာမခံမှုရှိခြင်းဖြင့် ဖွံ့ဖြိုးတိုးတက်ရေးကို တွန်းအားပေးပြီး ဖွံ့ဖြိုးတိုးတက်ရေးဖြင့် လူ့အခွင့်အရေးကို မြှင့်တင်ခဲ့ရာတွင် ဆင်းရဲနွမ်းပါးခြင်းမှ စားဝတ်နေရေးပြည့်စုံခြင်း၊ ယေဘုယျအားဖြင့် အတော်အသင့် ပြည့်စုံလာခြင်းမှ ဘက်စုံ အတော်အသင့် ကြွယ်ဝလာခြင်းအထိ အဆင့်ဆင့် တိုးတက်မှု ရှိလာခဲ့သည့်အပြင် အတူတကွ ချမ်းသာကြွယ်ဝခြင်း၏အဆင့်မြင့် ရည်မှန်းချက်ကို အတူဖွင့်လှစ်ပြီး ကမ္ဘာ့လူဦးရေ ၅ ပုံ ၁ ပုံ နီးပါးကို သာယာချမ်းမြေ့၍ ဂုဏ်သိက္ခာရှိသောလူနေမှုဘဝရရှိရေးအတွက် ကြိုးပမ်းဆောင်ရွက်လျက်ရှိကြောင်း အစီရင်ခံစာတွင် ဖော်ပြထားသည်။

“ပြည်သူများ၏သာယာချမ်းမြေ့သောဘဝသည် အကြီးမားဆုံးသော လူ့အခွင့်အရေး ဖြစ်သည်” မှာ မျက်မှောက်ခေတ် တရုတ်နိုင်ငံလူ့အခွင့်အရေးအတွေးအမြင်၏ မြင့်မားသောစုစည်းမှု ဖြစ်သည်။ အစီရင်ခံစာသည် သီအိုရီပိုင်းရ စနစ်တကျ အနှစ်ချုပ်ဖော်ပြထားရာ ပြည်သူကို ဗဟိုပြုခြင်းက မျက်မှောက်ခေတ် တရုတ်လူ့အခွင့်အရေးအတွေးအမြင်၏ ပင်မအတွေးအခေါ်၊ ပြည်သူ၏ကိုယ်ပိုင်စီမံဆုံးဖြတ်မှုက မျက်မှောက်ခေတ် တရုတ်လူ့အခွင့်အရေးအတွေးအမြင်၏ ဒီမိုကရေစီ အနှစ်သာရ ၊ လူနေမှုဘဝအား လူ့အခွင့်အရေးဖွံ့ဖြိုးတိုးတက်မှု၏ အခြေခံအဖြစ် ထားရှိခြင်းက မျက်မှောက်ခေတ် တရုတ်လူ့အခွင့်အရေး အတွေးအမြင်၏ လူနေမှုဘဝ မျှော်မှန်းချက်အဖြစ် ခိုင်မာစွာ ထားရှိကြောင်း အဆိုပြုထားသည်။

တစ်ချိန်တည်းတွင်ပင် အစီရင်ခံစာ၌ မျက်မှောက်ခေတ် တရုတ်လူ့အခွင့်အရေး၏ အသိအမြင်၊ လက်တွေ့ဖော်ဆောင်မှု၊ ဝေခွဲနည်းများကို အနှစ်ချုပ် ဖော်ပြထားသည်။ ၎င်းတို့မှာ လူ့အခွင့်အရေးကို ခိုင်မာစွာ လက်ကိုင်ထားခြင်းသည် သမိုင်း၊ လက်တွေ့၊ တိကျမှုရှိကြောင်းကို ဖော်ပြခြင်း ဖြစ်ပြီး ဖွံ့ဖြိုးတိုးတက်ရေးဖြင့် လူ့အခွင့်အရေးကို မြှင့်တင်ခြင်း၊ တစ်ဦးချင်းအခွင့်အရေးနှင့် လူအများစုအခွင့်အရေးကို သက်ဝင်ပေါင်းစည်းထားခြင်း ဖြစ်သည်။ လူသားများ၏ လွတ်လပ်မှု ဘက်စုံဖွံ့ဖြိုးတိုးတက်စေရေး၊ လူမှုအသိုက်အဝန်း တရားမျှတရေးနှင့် ပြည်သူများ သာယာချမ်းမြေ့ရေး၊ လုံခြုံရေးကို ကာကွယ်ထိန်းသိမ်းခြင်းအား မျက်မှောက်ခေတ် တရုတ်လူ့အခွင့်အရေး အတွေးအမြင်၏ ရည်မှန်းချက်မှတ်တိုင်၊ တရားဥပဒေစိုးမိုးရေးလမ်းစဉ်နှင့် ဝေဖန်သုံးသပ်သောစံချိန်စံညွှန်းအဖြစ် ထားရှိကြောင်း အစီရင်ခံစာတွင် ဖော်ပြထားသည်။

တရုတ်နိုင်ငံ၏ လူ့အခွင့်အရေးကဏ္ဍအပေါ် လေးစားခြင်းနှင့်အာမခံချက်ရှိခြင်း အတွေးအခေါ်အသစ်၊ နည်းလမ်းသစ်များက ကမ္ဘာ့လူ့အခွင့်အရေးလုပ်ငန်းနှင့်လူသားမျိုးနွယ်တို့၏ ယဉ်ကျေးမှုဟူသော ပန်းချီကားကို ရေးဆွဲရာတွင် အရောင်အသွေးသစ် ပို၍ ပြည့်စုံစေသလို နိုင်ငံအသီးသီး အထူးသဖြင့် ဖွံ့ဖြိုးဆဲနိုင်ငံများအတွက် အကျိုးရှိသော မှီငြမ်းစရာဖြစ်စေကြောင်း အစီရင်ခံစာက ယူဆသည်။

ထိုအစီရင်ခံစာတွင် တရုတ်နိုင်ငံ၏ လူ့အခွင့်အရေးအာမခံချက်အတွေ့အကြုံများကို ခိုင်မာသော ဦးဆောင်မှု၊ လက်တွေ့တွင် အခြေတည်မှု၊ ဖွံ့ဖြိုးတိုးတက်ရေးတွန်းအား၊ တရားဥပဒေစိုးမိုးရေး အာမခံချက်၊ အပြန်အလှန်လေ့လာ လက်ခံမှု ဟူ၍ အပိုင်း ၅ ပိုင်း ခြုံငုံဖော်ပြထားသည်။ မတူညီသော ယဉ်ကျေးမှုများ အပြန်အလှန် နှီးနွယ်ဖလှယ်လေ့လာသင်မှုအား တိုးမြှင့်ရန်၊ ကမ္ဘာ့လူ့အခွင့်အရေး “စီမံခန့်ခွဲမှု လိုအပ်ချက်” အား ဖြေရှင်းရန်၊ ပို၍ တရားမျှတမှုရှိသော၊ သင့်လျော်သော အများလက်ခံနိုင်သော ကမ္ဘာလုံးဆိုင်ရာ လူ့အခွင့်အရေး စီမံခန့်ခွဲမှုစနစ်ကို တွန်းအားပေး၍ လူသားမျိုးနွယ် အေးအတူ ပူအမျှ အသိုက်အဝန်းအတူတကွ တည်ဆောက်ရေးအတွက် အစီရင်ခံစာတွင် အဆိုပြု ရေးသားထားကြောင်း သိရသည်။ （Xinhua）