တရုတ်-မြန်မာ နယ်စပ်ရှိ မွန်တင့် ချင်ရွှေဟော် အမျိုးသားအဆင့်နယ်စပ်ဂိတ်တွင် ခရီးသည်များအကောက်ခွန်ရှင်းလင်းမှု အပြည့်အဝ ပြန်လည်စတင်လိုက်ပြီဖြစ်
ဖေဖော်ဝါရီလ ၂၃ ရက်နေ့တွင် တရုတ်နိုင်ငံ ယူနန်ပြည်နယ်သည် မြန်မာနိုင်ငံသို့ အရေးပါသော နယ်စပ်ဂိတ်ဖြစ်သည့် မွန်တင့် ချင်ရွှေဟော် နယ်စပ်ဂိတ်တွင် ခရီးသည်များအကောက်ခွန်ရှင်းလင်းမှု အပြည့်အဝ ပြန်လည်စတင်ခဲ့ကြောင်း သိရပါသည်။
မွန်တင့် ချင်ရွှေဟော် နယ်စပ်ဂိတ်သည် တရုတ်နိုင်ငံ အမျိုးသားပထမအဆင့် တံခါးဖွင့် နယ်စပ်ဂိတ်ဖြစ်သကဲ့သို့ တရုတ်-မြန်မာ နှစ်နိုင်ငံအကြား ကုန်သွယ်ရေး လုပ်ကိုင်သော အဓိက ကုန်းတွင်းနယ်စပ်ဂိတ်တစ်ခုနှင့် တရုတ်-မြန်မာ အပြည်ပြည်ဆိုင်ရာ လမ်းမကြီး၏ အရေးကြီးသော အချက်အချာနေရာလည်းဖြစ်ပါသည်။ ခရီးသည်များအကောက်ခွန်ရှင်းလင်းမှု ပြန်လည်စတင်သည့်နေ့တွင် မွန်တင့် ချင်ရွှေဟော် နယ်စပ်ဂိတ် ခရီးသည်အကောက်ခွန်ရှင်းလင်းမှုအလုပ်ရုံ၌ အကောက်ခွန်လုပ်ထုံးလုပ်နည်းများ လာရောက်ဆောင်ရွက်သည့် ခရီးသည်များသည် အဆုံးမရှိ စီးဆင်းနေပါသည်။ ဝန်ထမ်းများသည် အဝင်အထွက်ခရီးသည်များအတွက် အကောက်ခွန်ရှင်းလင်းရေးလုပ်ထုံးလုပ်နည်းအမျိုးမျိုးကို စိတ်အားထက်သန်စွာ ကိုင်တွယ်ဆောင်ရွက်ပြီး အဝင်အထွက်ခရီးသည်များ၏ ဘေးကင်းမှု၊ စနစ်တကျရှိမှုနှင့် မြန်ဆန်မှုရှိသော အကောက်ခွန်ရှင်းလင်းမှုကို အပြည့်အဝအာမခံဆောင်ရွက်ပါသည်။
“မွန်တင့် ချင်ရွှေဟော် နယ်စပ်ဂိတ်မှာ အကောက်ခွန်ရှင်းလင်းရေး ပြန်လည်စတင်လာတဲ့အတွက် ကျွန်တော်တို့အဖို့ အရမ်းကောင်းပါတယ်။ အရင်တုန်းက ကိုဗစ်-၁၉ ကပ်ရောဂါကြောင့် ကျွန်တော်တို့ရဲ့ လုပ်ငန်းကို ထိခိုက်ခဲ့ပါတယ်။ အခုအချိန်မှာတော့ မြန်မာနိုင်ငံသို့ စိုက်ပျိုးရေးနဲ့ ဘေးထွက်ပစ္စည်းတွေကို သွားရောက်ဝယ်ယူဖို့ အဆင်ပြေသွားပါပြီ။ လင်ချန်းနယ်စပ်ဒေသပူးပေါင်းဆောင်ရွက်မှုဇုန် စီမံအုပ်ချုပ်ကော်မတီနဲ့ ဌာနအသီးသီးတို့ဟာ ကျွန်တော်တို့ ပို့ကုန်သွင်းကုန် အကောက်ခွန်ရှင်းလင်းရေးအတွက် အလွန်လျင်မြန်ပြီး ထောက်ထားစာနာတဲ့ ဝန်ဆောင်မှုတွေကို ပေးဆောင်နေပါတယ်။ ကျေးဇူးအထူးတင်ရှိပါတယ်”ဟု ကုန်တင်ကားမောင်းသူ ယီချုံကျုံက ပြောပါသည်။ (ဆောင်းပါးအရင်းအမြစ် - လင်ချန်းမြို့ မီဒီယာစင်တာ။ ဘာသာပြန် - Yunnan gateway)