BYD လျှပ်စစ်ဘတ်စ်ကားများ ဂျပန်နိုင်ငံ ဟော့ကိုင်းဒိုးသို့ ရောက်ရှိလာ

ဂျပန်နိုင်ငံ ဟော့ကိုင်းဒိုးစီရင်စု၊ ခီတာဟီရိုရှီးမား မြို့၏ လျှပ်စစ်အသွင်ကူးပြောင်းခြင်းနှင့် ကာဗွန်လျှော့ချခြင်း ကြိုးပမ်းအားထုတ်မှုများ ဆောင်ရွက်နေစဉ်အတွင်း တရုတ်မော်တော်ကားထုတ်လုပ်သူ BYD က လျှပ်စစ်ဘတ်ကားများကို လွှဲပြောင်းပေးအပ်ခဲ့ကြောင်း သိရသည်။

စုစုပေါင်း ဘတ်စ်ကားအစီးရေ ၅ စီးကို ဒေသခံအားကစားနှင့် နားနေစခန်းနေရာဖြစ်သော Hokkaido Ballpark F Village နှင့် ဂျပန်နိုင်ငံ ရထားလုပ်ငန်း၏ ခီတာဟီရိုရှီးမားဘူတာရုံကြား လွန်ပြန်ပြေးဆွဲပေးမည်ဖြစ်သည်။ ယခုရောက်ရှိလာသော ဘတ်စ်ကားများသည် BYD JAPAN ကုမ္ပဏီလီမိတက်မှ ဟော့ကိုင်းဒိုးသို့ တင်ပို့သော လျှပ်စစ်ဘတ်စ်ကား ပထမအသုတ်ဖြစ်သည်။

အဆိုပါ ဘတ်စ်ကားများ လွန်းပြန်ပြေးဆွဲမှုများကို အားကစားပွဲများ ဖွင့်လှစ်ကျင်းပမည့် မတ် ၁၄ ရက်တွင် စတင်မည်ဖြစ်ပြီး ဘူတာရုံနှင့် အားကစားကျေးရွာ၏ အဓိကနေရာဖြစ်သော Es Con Field Hokkaido ကြား ခရီးသွားလာမည့် ခရီးသည်များအတွက်ဖြစ်ကြောင်း သိရသည်။ (Xinhua)