Multispectral နည်းပညာသုံး ဒရုန်းယာဉ်များက တရုတ်နိုင်ငံ၏နွေဦးရာသီ စိုက်ပျိုးရေးကို ပိုမို ထိရောက်မှု ရှိစေ

နွေဦးရာသီကာလတွင် စိမ်းလန်းစိုပြေနေသော ဂျုံစိုက်ခင်းများကို မျက်စိတဆုံးရှုမြင်နိုင်သည်။ လယ်ယာသိပ္ပံနည်းပညာ ဖွံ့ဖြိုးတိုးတက်လာသည်နှင့်အမျှ နွေဦးရာသီ စိုက်ပျိုးထွန်ယက်မှုများ စီမံခန့်ခွဲရာ၌ မောင်းသူမဲ့ ဒရုန်းယာဉ် အသုံးပြုမှုများပြားလာသည်။

တရုတ်နိုင်ငံ ဟဲနန်ပြည်နယ် အန်းယန်မြို့ ဟွာခရိုင်တွင် Multispectralနည်းပညာသုံး ဒရုန်းယာဉ်အသစ်များက ယင်းဒေသ နွေဦးရာသီ လယ်ယာကဏ္ဍ စီမံခန့်ခွဲမှုတွင် ပွဲဦးထွက် အသုံးပြုပြီး စိုက်ပျိုးထုတ်လုပ်မှုလုပ်ငန်းများကို ပံ့ပိုးခဲ့သည်။ နည်းပညာအသစ်ဖြစ်သော Multispectral နည်းပညာသုံး မောင်းသူမဲ့ဒရုန်းယာဉ်များက နွေဦးရာသီ စိုက်ပျိုးထုတ်လုပ်မှုလုပ်ငန်းများအတွက် ပိုမို တိကျ၊ ထိရောက်မှုရှိစေရာ စားနပ်ရိက္ခာ ထပ်တိုးထုတ်လုပ်မှုနှင့် စိုက်ပျိုးရေးထိရောက်မှုကို မြှင့်တင်ခဲ့သည်။

ဟဲနန်ပြည်နယ် အန်းယန်မြို့ ဟွာခရိုင် လျိုကူမြို့နယ်တွင် ဂျုံပင်များ ရွက်နုထွက်ချိန်ဖြစ်ရာ ဂျုံပင်လေးများ၏ ပိုးမွှားအန္တရာယ် ကာကွယ်ရန်နှင့် အပင်ကျန်းမာသန်စွမ်းရန် စိုက်ပျိုးရေးသမားများက ဒရုန်းယာဉ်များ သုံးပြီး ဂျုံခင်းများတွင် ပိုးသတ်ဆေးဖျန်းခြင်း၊ မြေဩဇာကျွေးခြင်းများ ပြုလုပ်ကြသည်။

ယခင်ဒရုန်းယာဉ်အသုံးပြုမှုနှင့်ကွာခြားမှုမှာ ယင်းဒေသ၌ Multispectralနည်းပညာ ဒရုန်းယာဉ်များကို ပထမဆုံး သုံးစွဲခြင်း ဖြစ်သည်။ (Xinhua)