G7 အနေဖြင့် အခြားနိုင်ငံများ၏ ပြည်တွင်းရေးကို ဝင်ရောက်စွက်ဖက်မှုကို ရပ်တန့်ရန် တရုတ်နိုင်ငံ တိုက်တွန်း

G7 အနေဖြင့် ၎င်းတို့၏ ပြဿနာများကိုသာ အလေးအနက်ထားစဉ်းစားရန်၊ စစ်အေးခေတ်သဘောထားနှင့် အတွေးအမြင်ဆိုင်ရာဘက်လိုက်မှုကို စွန့်လွှတ်ရန်နှင့် အခြားနိုင်ငံများ၏ ပြည်တွင်းရေးကို ဝင်ရောက်စွက်ဖက်မှု ရပ်တန့်ရန် တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက ဧပြီ ၁၈ ရက်က တိုက်တွန်းခဲ့သည်။

ထိုင်ဝမ်၊ အရှေ့တရုတ်ပင်လယ်၊ တောင်တရုတ်ပင်လယ်၊ ရှင်းကျန်းနှင့် တိဗက် စသည့်အရေးကိစ္စများနှင့် ပတ်သက်၍ ဂျပန်နိုင်ငံတွင်G7 နိုင်ငံခြားရေးဝန်ကြီးများအစည်းအဝေးပြီးနောက် ပူးတွဲကြေညာချက် ထုတ်ပြန်ခဲ့မှုအပေါ် နေ့စဉ်သတင်းစာရှင်းလင်းပွဲ၌ မေးမြန်းခဲ့ရာ ဝမ်က အထက်ပါအတိုင်း မှတ်ချက်ပြုခဲ့ခြင်း ဖြစ်သည်။

G7 နိုင်ငံခြားရေးဝန်ကြီးများ အစည်းအဝေးက တရုတ်နိုင်ငံ၏ ခိုင်မာသောရပ်တည်ချက်နှင့် ရှိနှင့်ပြီးသောအမှန်တရားများကို လျစ်လျူရှုလျက် တရုတ်နိုင်ငံ၏ ပြည်တွင်းရေးကို အလွန်အကျွံ ဝင်ရောက်စွက်ဖက်ခဲ့ကြောင်းနှင့် မလိုမုန်းထားမှုရှိစွာ အသရေဖျက်၍ ဂုဏ်သိက္ခာချခဲ့ခြင်းဖြစ်ကြောင်း ဝမ်က ပြောခဲ့သည်။

တရုတ်နိုင်ငံသည် တာဝန်ယူမှု၊ တာဝန်ခံမှုရှိသည့်အားလျော်စွာ ကုလသမဂ္ဂ ပဋိညာဉ်စာတမ်းနှင့် နိုင်ငံတကာဥပဒေ၏ အခြေခံစည်းမျဉ်းများအတိုင်း အခိုင်အမာပြုမူလျက်ရှိကြောင်းနှင့် လူသားမျိုးနွယ်အတွက် အေးအတူ၊ ပူအမျှ အသိုက်အဝန်းတစ်ရပ် တည်ဆောက်ရေးအတွက်လည်း ကတိပြုထားခဲ့ကြောင်း ပြောရေးဆိုခွင့်ရှိသူ ဝမ်က ဆိုသည်။ (Xinhua)