တရုတ်-မြန်မာနယ်စပ်ရှိ လီဆူးတိုင်းရင်းသားလူမျိုးများ ချမ်းသာသော ဘဝတွင် နေထိုင်နိုင်ရန် ပျားမွေးမြူရေးလုပ်ငန်း လုပ်ကိုင်ဖြစ်ထွန်းလျက်ရှိ
"မင်း မှာထားတဲ့ ပျားအိမ်က နောက် ၃ ရက် ၄ ရက်လောက်ဆို အဆင်သင့်ဖြစ်ပြီ။ မင်းဆီကို ငါပို့ပေးမယ်။ မင်းအတွက် ချိတ်ဆွဲပြီး စီမံခန့်ခွဲနည်းကို သင်ပေးမယ်"ဟု တရုတ်-မြန်မာနယ်စပ်ရှိ လင်ချန်းမြို့ ကျူဝကျေးရွာရှိ ပျားမွေးမြူရေး အခြေစိုက်စခန်းမှ ပိုင်ရှင် ရန်ရှီယွမ်သည် ဖုန်းဖြင့် ပြောဆိုလိုက်ပါပြီး ပျားမွေးမြူရေးအလုပ်ကို ဆက်လက် လုပ်ကိုင်ခဲ့သည်။
ပျား ကောင်းမွန်စွာ မွေးမြူပြီး မွေးမြူရေးလုပ်ငန်းကို ချဲ့ထွင်ရန်အတွက် ရန်ရှီယွမ်သည် ကျူဝကျေးရွာတွင် လယ်သမား အစားထိုး မွေးမြူမှုပုံစံကို ဆောင်ရွက်ခြင်းဖြင့် ပျားမွေးမြူရေးလုပ်ငန်းကို တွန်းအားပေးရန် လယ်သမားများအား အမြတ်ဝေစုကို ပိုမိုမျှဝေနိုင်စေခဲ့သည်။
“လယ်သမားတွေဟာ အစားထိုး မွေးမြူနိုင်ဖို့ ကျွန်တော်တို့က ပျားအိမ်တွေကို အခမဲ့ ပေးတယ်။ အစားထိုး မွေးမြူတဲ့ လုပ်ငန်းစဉ်မှာ နည်းပညာတွေကိုလည်း လမ်းညွှန်ပေးပါတယ်။ ပျားပိုးတုံးကို မွေးမြူတဲ့အခါ လယ်သမားတွေအတွက် အမြတ်ဝေစု ၄၀ % နဲ့ မွေးမြူရေးအခြေစိုက်စခန်းအတွက် ၆၀ % ဖြင့် အသီးသီး ခွဲဝေပေးပါတယ်။ လယ်သမားတွေဟာ အရောင်းလမ်းကြောင်းတွေ မရှိရင်လည်း ပျားတွေကို ကျွန်တော်တို့က ပြန်လည်ဝယ်ယူပေးနိုင်ပါတယ်” ဟု ရန်ရှီယွမ်က အဆိုပါမွေးမြူရေးအခြေစိုက်စခန်း၏ လည်ပတ်မှုပုံစံကို မိတ်ဆက်ပါသည်။
"ရင်းနှီးမြှုပ်နှံငွေ မလိုဘဲ နည်းပညာတွေကိုလည်း လမ်းညွှန်ပေးနိုင်ပါတယ်။ ဒီမွေးမြူရေးအခြေစိုက်စခန်းက ဝန်ထမ်းတွေဟာ ကျွန်တော်တို့အိမ်ကို လာရောက် လမ်းညွှန်ပေးမှာ ဖြစ်တဲ့အတွက် အရမ်းကောင်းပါတယ်" ဟု ဒေသခံ ရွာသား ယွီရှန်လွေက ပြောဆိုပါသည်။ ထို့ကြောင့် သူသည် ပျားများကို မွေးမြူရန် ရွေးချယ်ခဲ့သည်။ ယမန်နှစ်တွင် ပျားအိမ် ၁၀ ခုကျော် မွေးမြူခဲ့ပြီး ဝင်ငွေ အလွန်များပြားသည့်အတွက် ယခုနှစ်တွင် ပျားအိမ် ၁၀၀ ခုကျော် မွေးမြူရန် စီစဥ်ထားကြောင်း ယွီရှန်လွေက ဆက်လက်ပြောဆိုပါသည်။ လက်ရှိအချိန်တွင် ပျားများကို အစားထိုး မွေးမြူသော ကျူဝကျေးရွာမှ ရွာသူရွာသားများ ပို၍ များပြားလာနေပါသည်။ (ဆောင်းပါးအရင်းအမြစ် - ကိန့်ခန်ခရိုင်မီဒီယာစင်တာ။ ဘာသာပြန် - Yunnan gateway)