တရုတ်နိုင်ငံ၏ အာကာသစခန်းမှ ထျန်းကျိုး-၅ ကုန်တင်အာကာသယာဉ် ခွဲထွက်

Shenzhou-15 လူလိုက်ပါနိုင်သော အာကာသယာဉ်ကို ပံ့ပိုးခြင်း တာဝန်ထမ်းဆောင်နေသော တရုတ်နိုင်ငံ၏ ထျန်းကျိုး-၅ ကုန်တင်အာကာသယာဉ်သည် အာကာသစခန်းပေါင်းစည်းမှု ဂြိုဟ်ပတ်လမ်းကြောင်းမှ ပေကျင်းစံတော်ချိန် မေ ၅ ရက် မွန်းလွဲ ၃:၂၆ နာရီ၌ ခွဲထွက်ကာ သီးခြားပျံသန်းရန် ကူးပြောင်းသွားခဲ့ပြီဖြစ်ကြောင်း တရုတ်နိုင်ငံ လူလိုက်ပါနိုင်သောအာကာသအေဂျင်စီက ပြောကြားခဲ့သည်။

တရုတ်နိုင်ငံက ထျန်းကျိုး-၅ ကို နိုင်ငံတောင်ပိုင်း ဟိုင်နန်ပြည်နယ် ဝန်ချန်းအာကာသယာဉ်လွှတ်တင်ရေးနေရာမှ ၂၀၂၂ ခုနှစ် နိုဝင်ဘာ ၁၂ ရက်က လွှတ်တင်ခဲ့ခြင်းဖြစ်သည်။ အဆိုပါယာဉ်ပေါ်၌ Shenzhou-15 အာကာသယာဉ်မှူး သုံးဦးအတွက် ခြောက်လကြာအသုံးပြုရန် အထောက်အပံ့ပစ္စည်းများ၊ တွန်းကန်ပစ္စည်းနှင့် လက်တွေ့စမ်းသပ်မှုကိရိယာများ တင်ဆောင်သွားခဲ့သည်။

Shenzhou-15 လူလိုက်ပါသော အာကာသယာဉ်က အာကာသစခန်းပေါင်းစည်းမှုမှ ခွဲထွက်ပြီးနောက် ထျန်းကျိုး-၅ က ယင်းစခန်းရှိပေါင်းဆုံရာအခန်း၏ ရှေ့ဘက်ဝင်ပေါက်၌ ဆိုက်ကပ်မည်ဖြစ်ကြောင်း အေဂျင်စီက ထုတ်ပြန်ချက်၌ ပြောကြားခဲ့သည်။ (Xinhua)