“တရုတ်နိုင်ငံတကာသွင်းကုန်ကုန်စည်ပြပွဲ ယူနန်သို့ လှမ်းချီ”လှုပ်ရှားမှုသည် နိုင်ငံပေါင်း ၂၉ နိုင်ငံမှ နိုင်ငံတကာလုပ်ငန်းရှင်များ ပါဝင်တက်ရောက်ရန် ဆွဲဆောင်

“တရုတ်နိုင်ငံတကာသွင်းကုန်ကုန်စည်ပြပွဲ ယူနန်သို့ လှမ်းချီ”လှုပ်ရှားမှုသည် ဇွန်လ ၁၉ ရက်နေ့မှ ၂၁ ရက်နေ့အထိ ကူမင်းမြို့၌ ကျင်းပမည်ဖြစ်ပါသည်။ လှုပ်ရှားမှုကျင်းပသည့် ကာလအတွင်း ယူနန်ပြည်နယ် စီးပွားရေးနှင့် ကုန်သွယ်မှု ပူးပေါင်းဆောင်ရွက်မှု မြှင့်တင်ရေး အစည်းအဝေး၊ အွန်လိုင်း၊ အော့ဖ်လိုင်း စက်မှုလုပ်ငန်း ကုန်သွယ်မှုနှင့် ရင်းနှီးမြှုပ်နှံမှု ညှိနှိုင်းဆွေးနွေးပွဲများနှင့် သက်ဆိုင်ရာ စက်မှုလုပ်ငန်းဥယျာဥ်များသို့ ကွင်းဆင်းကြည့်ရှုလေ့လာခြင်း စသည့် အစီအစဥ်များ ပါဝင်မည်ဖြစ်သည်။ အော့ဖ်လိုင်း စက်မှုလုပ်ငန်း ကုန်သွယ်မှုနှင့် ရင်းနှီးမြှုပ်နှံမှု ညှိနှိုင်းဆွေးနွေးပွဲတွင် ဆေးဘက်ဆိုင်ရာပစ္စည်းများနှင့် ကျန်းမာရေးဆေးဝါးထုတ်ကုန်များ၊ အစားအသောက်နှင့် စိုက်ပျိုးရေးထွက်ကုန်များ၊ မော်တော်ယာဉ်နှင့် ဝန်ဆောင်မှုရောင်းဝယ်ရေး၊ နည်းပညာဆိုင်ရာ စက်ကိရိယာများနှင့် လူသုံးကုန်ပစ္စည်းများ အပါအဝင် ယှဉ်ပြိုင်မှုနယ်ပယ် ၅ ခု ကို တည်ထောင်ထားသည်။

အဆိုပါလှုပ်ရှားမှုသည် နိုင်ငံနှင့်ဒေသ ၂၉ ခုမှ နိုင်ငံတကာလုပ်ငန်းရှင်နှင့် ရင်းနှီးမြှုပ်နှံမှု မြှင့်တင်ရေး အေဂျင်စီ ၁၆၅ ဦးအား အွန်လိုင်းနှင့် အော့ဖ်လိုင်းမှတစ်ဆင့် ပါဝင်တက်ရောက်ရန် ဆွဲဆောင်ခဲ့သည်။ ၎င်းတို့အနက် အော့ဖ်လိုင်းမှတစ်ဆင့် ပါဝင်တက်ရောက်သည့် ကမ္ဘာ့အင်အားအကြီးဆုံး လုပ်ငန်းအဖွဲ့ ၅၀၀ မှ လုပ်ငန်းအဖွဲ့များနှင့် လုပ်ငန်းတွင် ဦးဆောင်သည့် လုပ်ငန်းအဖွဲ့များ ၇၇ ခု ရှိပြီး အချို့သော ကုမ္ပဏီများသည် ကနဦး ရင်းနှီးမြှုပ်နှံမှု ရည်ရွယ်ချက်များကို ဖော်ပြခဲ့ကြသည်။ (ဆောင်းပါးအရင်းအမြစ် - ယူနန်နေ့စဥ်သတင်းစာ။ ဘာသာပြန် - Yunnan gateway)