ယခုနှစ် ဇန်နဝါရီလမှ မေလအထိ တရုတ်-မြန်မာနယ်စပ်ရှိ ရွှေလီနယ်စပ်ဂိတ်၏ သွင်းကုန် ပို့ကုန် ပို့ဆောင်ရေးပမာဏမှာ တန်ချိန် ၅ ဒသမ ၇၀၇ သန်းရှိ

စာရင်းဇယားများအရ ယခုနှစ် ဇန်နဝါရီလမှ မေလအထိ တရုတ်-မြန်မာနယ်စပ်ရှိ ရွှေလီနယ်စပ်ဂိတ်၏ သွင်းကုန်ပို့ကုန် ပို့ဆောင်ရေးပမာဏမှာ တန်ချိန် ၅ ဒသမ ၇၀၇ သန်းရှိပြီး ယမန်နှစ်အလားတူကာလထက် ၇ ဒသမ ၄ ရာခိုင်နှုန်း တိုးမြှင့်လာခဲ့သည်။သွင်းကုန်ပမာဏမှာ တန်ချိန် ၅ ဒသမ ၆၆၁ သန်း ရှိပြီး ယမန်နှစ်အလားတူကာလထက် ၆ ဒသမ ၅ ရာခိုင်နှုန်း မြင့်တက်လာသကဲ့သို့ ပို့ကုန်ပမာဏမှာ တန်ချိန် ၄၆၀၀၀ ရှိပြီး ၁၅၈ ဒသမ ၅ ဆ တိုးမြှင့်ခဲ့သည်။ သွင်းကုန်ပို့ကုန် ကုန်သွယ်မှု ငွေပမာဏမှာ ယွမ် ၂၃ ဒသမ ၆၁ ဘီလီယံရှိပြီး ၂ ဒသမ ၄ ရာခိုင်နှုန်း တိုးမြှင့်လာပါသည်။ ၎င်းအနက်၊ သွင်းကုန်ကုန်သွယ်မှု ငွေပမာဏမှာ ယွမ် ၂၂ ဒသမ ၆၉ ဘီလီယံရှိပြီး ၁ ဒသမ ၄ ရာခိုင်နှုန်း ကျဆင်းသွားသည်။ ပို့ကုန် ကုန်သွယ်မှု ငွေပမာဏမှာ ယွမ် သန်း ၉၂၀ ရှိပြီး ၂၁ ဒသမ ၁ ဆ တိုးမြှင့်ခဲ့သည်။

ရွှေလီနယ်စပ်ဂိတ်မှတစ်ဆင့် သွင်းကုန်ပို့ကုန်ကုန်သွယ်မှုမှာ ယခုနှစ် ပထမငါးလအတွင်း ပြန်လည် ကောင်းမွန်လာကြောင်း၊ ပို့ကုန်အမျိုးအစားများမှာ ယမန်နှစ် အလားတူကာလတွင် ၁၈၄ မျိုးမှ ယခုနှစ်တွင် ၁၆၉၈ မျိုးအထိ မြင့်တက်လာကြောင်း၊ သွင်းကုန်ပို့ကုန် ကုန်သွယ်မှုငွေပမာဏ ရရှိသော နိုင်ငံခြားကုန်သွယ်မှုလုပ်ငန်းအဖွဲ့၏ အရေအတွက်သည် ယမန်နှစ်က ၂၉ ခုမှ ယခုနှစ်က ၅၄၅ ခုအထိ တိုးများလာကြောင်း ရွှေလီ အကောက်ခွန်ဌာနမှ သက်ဆိုင်ရာ တာဝန်ရှိသူ တစ်ဦးက ပြောသည်။ (ဆောင်းပါးအရင်းအမြစ် - တယ်ဟုန်ပြည်နယ်ခွဲ မီဒီယာစင်တာ။ ဘာသာပြန် - Yunnan gateway)