တရုတ်နိုင်ငံ၏ နိုင်ငံခြား ကုန်သွယ်မှု ပြန်လည်ကောင်းမွန်လာပြီး နိုင်ငံခြား ကုန်သွယ်မှု ကုမ္ပဏီများသည် ယုံကြည်မှု အပြည့်ရှိသည်

မတ်လ မှစတင်၍ တရုတ်နိုင်ငံ၏ နိုင်ငံခြားကုန်သွယ်မှုသည် ပြန်လည်ဦးမော့လာသည့် လက္ခဏာများပြသပြီး နိုင်ငံခြားကုန်သွယ်မှုကုမ္ပဏီများသည် ယခုနှစ်အတွင်း ၎င်းတို့၏ လုပ်ငန်းဖွံ့ဖြိုးတိုးတက်မှုအတွက် ယုံကြည်မှု အပြည့်ရှိကြပါသည်။ ယိဝူနိုင်ငံတကာကုန်သွယ်ရေးမြို့ကို "ကမ္ဘာ့စူပါမားကတ်" ဟု ခေါ်ကြပါသည်။ ဤနေရာတွင် ဆိုင်ပေါင်း ၇၅၀၀၀ ရှိပြီး ကမ္ဘာတစ်ဝန်းမှ ဝယ်ယူသူများကို ကုန်ပစ္စည်း ၂ သန်း ၁ သိန်းကျော်ကို ရောင်းချပေးနိုင်ပါသည်။ မကြာသေးမီက ပိုမိုများပြားသော နိုင်ငံခြားကုန်သည်များသည် ဤနေရာသို့ လာရောက်ကာ ကုန်စည်များကြည့်ရှု ညှိနှိုင်းဆွေးနွေးပြီး အော့ဖ်လိုင်းကုန်သွယ်မှု ပြန်လည်နာလန်ထူလာသည့် လက္ခဏာများတွေ့ရပါသည်။