တရုတ်နိုင်ငံက အာဖရိကနိုင်ငံများအတွက် “ကြွေးမြီထောင်ချောက်” အရင်းအမြစ်မဟုတ်ဟု တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူပြော

2023-04-11 15:43:27
အရင်းအမြစ်:新华社

တရုတ်နိုင်ငံသည် အာဖရိကနိုင်ငံများအတွက် “ကြွေးမြီထောင်ချောက်” အရင်းအမြစ်မဟုတ်ကြောင်း၊ အာဖရိကနှင့် အခြားဖွံ့ဖြိုးဆဲနိုင်ငံများကို “ဆင်းရဲနွမ်းပါးမှု ထောင်ချောက်” မှ လွတ်မြောက်စေရန် ကူညီပေးသော မိတ်ဖက်သာဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဧပြီ ၁၀ ရက်၌ ပြောကြားခဲ့သည်။

အာဖရိက၏ ကြွေးမြီအရေးနှင့်ပတ်သက်၍ အမေရိကန်နိုင်ငံ အဆင့်မြင့်တာဝန်ရှိသူအချို့နှင့် ကမ္ဘာ့ဘဏ်တာဝန်ရှိသူအချို့က တရုတ်နိုင်ငံအပေါ် စွပ်စွဲချက်များကို ပြန်လည်တုံ့ပြန်ရာ၌ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဝမ်ဝန်ပင်းက အထက်ပါအတိုင်း မှတ်ချက်ပြုခဲ့ခြင်းဖြစ်သည်။

“ဒီလိုစွပ်စွဲချက်တွေက အဖြစ်မှန်ကိုအခြေခံထားတာမဟုတ်ပါဘူး”ဟု ဝမ်က ဆိုသည်။ “တရုတ်နိုင်ငံအနေနဲ့ အာဖရိကရဲ့ ကြွေးမြီကိစ္စက အရေးကြီးတယ်လို့ သဘောထားပြီး ဒါကိုဖြေရှင်းဖို့ အာဖရိကနိုင်ငံတွေကို အကူအညီပေးနေပါတယ်။ တရုတ်က ကြွေးမြီဆိုင်းငံ့ခြင်းအစီအစဉ် (DSSI) ကို အခြား G20 အဖွဲ့ဝင်နိုင်ငံတွေထက် ပိုပြီးတော့ ပံ့ပိုးပေးထားပါတယ်”
တရုတ်နိုင်ငံသည် အာဖရိကနိုင်ငံများ အပါအဝင် ဖွံ့ဖြိုးဆဲနိုင်ငံများ၏ စီးပွားရေးနှင့် လူမှုရေး ဖွံ့ဖြိုးတိုးတက်မှုအတွက် ကူညီပံ့ပိုးမှုများပေးရန် အစဉ်အမြဲကတိပြုထားကြောင်း ဝမ်က ဆိုသည်။ (Xinhua)

တရုတ်နိုင်ငံက အာဖရိကနိုင်ငံများအတွက် “ကြွေးမြီထောင်ချောက်” အရင်းအမြစ်မဟုတ်ဟု တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူပြော