တရုတ်နှင့် အလယ်အာရှ နီးကပ်သောဆက်ဆံရေးတည်ဆောက်ရန် သမိုင်းဝင်ထိပ်သီးအစည်းအဝေးအတွက် အသင့်ဖြစ်နေ
သမိုင်းဝင်ထိပ်သီးအစည်းအဝေးကို ဖွင့်လှစ်တော့မည်ဖြစ်သဖြင့် တရုတ်နိုင်ငံနှင့် အလယ်အာရှနိုင်ငံများအနေဖြင့် ကံကြမ္မာအကျိုးတူ နီးကပ်သောအသိုက်အဝန်းတစ်ခု တည်ဆောက်ရန်နှင့် တည်ငြိမ်မှုမရှိသော ကမ္ဘာကြီးတွင် စည်းလုံးမှု၊ ငြိမ်းချမ်းမှုနှင့် ဖွံ့ဖြိုးတိုးတက်မှုအတွက် သတင်းစကား ပေးပို့ရန် ဆောင်ရွက်လျက်ရှိကြောင်း သိရသည်။တရုတ်နိုင်ငံ အနောက်မြောက်ပိုင်း ဆန်ရှီးပြည်နယ် ရှီးအန်းမြို့တွင် မေ ၁၈ ရက်မှ ၁၉ ရက်အထိ ကျင်းပမည့် အဆိုပါ တရုတ်-အလယ်အာရှ ထိပ်သီးအစည်းအဝေး၌ တရုတ်နိုင်ငံ သမ္မတ ရှီကျင့်ဖိန်က သဘာပတိအဖြစ် ဆောင်ရွက်မည်ဖြစ်သည်။ ယင်းထိပ်သီးအစည်းအဝေးသည် တရုတ်နှင့် အလယ်အာရှ နိုင်ငံများမှ ခေါင်းဆောင်များအကြား ပထမဆုံး လူကိုယ်တိုင်တက်ရောက်သည့် ထိပ်သီးအစည်းအဝေးဖြစ်ကြောင်း သိရသည်။ အစည်းအဝေး၌ တရုတ်-အလယ်အာရှ ပူးပေါင်းဆောင်ရွက်မှုအတွက် စီမံကိန်းအသစ်များ ရေးဆွဲနိုင်မည်ဟု မျှော်မှန်းထားသည်။
ထို့ပြင် ထိပ်သီးအစည်းအဝေးက တရုတ်နိုင်ငံနှင့် အလယ်အာရှဒေသနိုင်ငံများကြား အဆင့်မြင့်ချိတ်ဆက်ဆောင်ရွက်မှုများ၊ စီးပွားရေးပူးပေါင်းဆောင်ရွက်မှုနှင့် ပြည်သူအချင်းချင်းဖလှယ်မှုများ၌ နောက်ဆုံး အထင်ကရလည်းဖြစ်သည်။ (Xinhua)