“မင်္ဂလာ”မျှော်လင့်ခြင်းလယ်ယာမြေ ။ ။  "ဟန်ကျိုးငရုတ်သီး" အဘယ်ကြောင့် ရေပန်းစားသနည်း

၁၉၈၀ ပြည့်လွန်နှစ်များတွင် တရုတ်နိုင်ငံ ဟန်ကျိုးမြို့ရှိ စိုက်ပျိုးရေးသုတေသနအဖွဲ့အစည်းတစ်ခုမှ မွေးထုတ်စိုက်ပျိုးခဲ့သော "ဟန်ကျိုးငရုတ်သီး" သည် သာမန်ငရုတ်သီးများထက် နှစ်ဆစျေးကြီးသည်။ ဟန်ကျိုးငရုတ်သီး၏ ရောင်းအားပမာဏသည် ထုတ်လုပ်မှုနှင့် ရောင်းချမှု အမြင့်ဆုံးရာသီအတွင်းတွင် တစ်ရက်လျှင် ၇၅၀၀၀ ကီလိုဂရမ် အထိရောက်ရှိနိုင်ပြီး ပေကျင်း၊ ရှန်ဟိုင်း၊ နန်ကျင်း၊ ဟန်ကျိုး၊ ဝူဟန်နှင့် အခြားသောဒေသများသို့ အဓိကထားရောင်းချကြောင်း သိရှိရပါသည်။ ၎င်းအနက် ရှန်ဟိုင်း၊ ကျန်းစူး နှင့် ကျဲ့ကျန်းစသည့်ဒေသများရှိ အရောင်းပမာဏသည် တစ်ရက်လျှင် တန်ချိန် ၅၀ အထိရောက်ရှိနိုင်ပြီး နှစ်စဉ်ရောင်းချမှုပမာဏမှာ တန်ချိန် ၇၅၀၀ အထိရောက်ရှိကာ ဒေသတွင်းစျေးကွက်ဝေစု၏ ၇၀% ခန့်ရှိသည်။

၂၀၂၃ ခုနှစ်မှစ၍ ကိုဗစ်-၁၉ ကပ်ရောဂါပြီးနောက် စီးပွားရေးပြန်လည်နာလန်ထူခြင်းနှင့် အစားအစာစားသုံးမှုဝယ်လိုအား တိုးများလာသောကြောင့် ဟန်ကျိုးငရုတ်သီး လက်ကားစျေးနှုန်းမြင့်တက်ခဲ့သည်။ လက်ရှိတွင် အရည်အသွေးမြင့် ဟန်ကျိုးငရုတ်သီး လက်ကားဈေးသည် ၅၀၀ ဂရမ်လျှင် ၁၀ ယွမ်ထက် ကျော်လွန်နေပြီး ယမန်နှစ် အလားတူကာလနှင့် နှိုင်းယှဉ်ပါက ၁၀၀ % တိုးလာကာ စီးပွားရေးအကျိုးအမြတ်များ ဆက်လက်ကြီးထွားလာစေသဖြင့် ထုတ်လုပ်မှုစျေးကွက်အဖွဲ့အစည်းများ၏ ဆန္ဒကို တိုးမြှင့်လာစေပါသည်။

ဟန်ကျိုးမြို့နှင့် ကီလိုမီတာ ၄၀၀ ကျော်ကွာဝေးသော ဖေးတုန်းခရိုင်သည် ယနေ့တွင် တရုတ်နိုင်ငံ၏ အကြီးဆုံး ဟန်ကျိုးငရုတ်သီးထုတ်လုပ်မှု အခြေစိုက်စိုက်ပျိုးရေးစခန်း (၃)ခုထဲမှ တစ်ခုဖြစ်သည်။ ဖေးတုန်းနယ်သူနယ်သား များသည် ဟန်ကျိုးငရုတ်သီးစိုက်ပျိုးရေးလုပ်ငန်းကို မြှင့်တင်ရာတွင် ဦးဆောင်သူများဖြစ်သည်။ တောင်မှမြောက်သို့ ၎င်းတို့သည် ဟိုင်နန်၊ ဖူကျန့်၊ ကွမ်တုံ၊ ကွမ်ရှီး၊ ဟယ်ပေ၊ ဟူပေနှင့် အခြားသော နေရာများတွင် ပူးပေါင်းဆောင်ရွက်မှုအခြေစိုက်စခန်းများ ထူထောင်ကာ ဟန်ကျိုးငရုတ်သီး၏ လွှမ်းခြုံမှုနှင့် စျေးကွက်ဝင်ရောက်ခြင်းကာလကို တိုးချဲ့ကာ စားသုံးသူများကို တစ်နှစ်ပတ်လုံး လူတိုင်း ဟန်ကျိုးငရုတ်သီးကို စားနိုင်စေခဲ့ပါသည်။

ဖေးတုန်းခရိုင် ဟန်ကျိုးငရုတ်သီးစိုက်ပျိုးရေးလုပ်ငန်း၏ ဖွံ့ဖြိုးတိုးတက်မှုသမိုင်းကို ပြန်ကြည့်ပါက ကျန်းရှီကျန့် နှင့် ကျန်းဟူတို့မှ ကိုယ်စားပြုသော စွန့်ဦးတီထွင်လုပ်ငန်းရှင်များသည် အရေးကြီးသောအခန်းကဏ္ဍမှ ပါဝင်ခဲ့ပါသည်။ ၎င်းတို့၏ စဉ်ဆက်မပြတ် ကြိုးပမ်းအားထုတ်မှုများကြောင့် ဖေးတုန်းခရိုင်မှ စိုက်ပျိုးရေးသော ဟန်ကျိုးငရုတ်သီးအား နိုင်ငံတစ်ဝှမ်းတွင် ရေပန်းစားလာခဲ့သည်။ ကျန်းဟူ၏ ဖခင်ဖြစ်သူ ကျန်းရှီကျန့်သည် အကျိုးအမြတ် ပထမဆုံး ရရှိသူဖြစ်သည်။ သူသည် အစိုးရ၏ တောင်းဆိုမှုကို တုံ့ပြန်ရန် ရွာသားများကို စုစည်းကာ ဖန်လုံအိမ်များတွင် ဟင်းသီးဟင်းရွက်များ စိုက်ပျိုးခြင်းဖြင့် စတင်ခဲ့သည်။ စျေးကွက်မှ ရွေးချယ်ခံရပြီးနောက် ဟန်ကျိုးငရုတ်သီးများကို တဖြည်းဖြည်း စိုက်ပျိုးလာခဲ့သည်။

ဤငရုတ်သီးများသည် လူအများစုက ထင်မြင်သည့် ငရုတ်သီးမဟုတ်ဘဲ ဟန်ကျိုးငရုတ်သီးများ ဖြစ်သည်။ ဟန်ကျိုးငရုတ်သီးသည် အထူးအမျိုးအစားတစ်မျိုးဖြစ်သည်။ ၎င်း၏ ရောင်းချမှုပမာဏမှာ အနည်းငယ် နည်းပါးသော်လည်း တရုတ်နိုင်ငံတွင်း၌ အတိုင်းအတာဖြင့် စိုက်ပျိုးမှုလည်း နည်းပါးနေပါသည်။ ထို့ကြောင့် စတင်စိုက်ပျိုးပြီးနောက် စိုက်ပျိုးမှုထိရောက်မှုနှင့် ဧရိယာသည် တစ်နှစ်ထက်တစ်နှစ် ပိုမိုမြင့်မားလာမည်ဖြစ်သည်။ ထိုအချိန်မှစ၍ ဒေသခံမဟုတ်သော စိုက်ပျိုးသူ အများအပြားသည် ဖိုက်ဖုန်းကျေးရွာတွင် ဟန်ကျိုးငရုတ်သီးကို စိုက်ပျိုးကြပြီး စိုက်ပျိုးဧရိယာသည် တစ်နှစ်ထက်တစ်နှစ် တိုးလာကာ အထွက်နှုန်းလည်း မြင့်တက်လာခဲ့သည်။

ဆောင်းပါးအရင်းအမြစ် ။ ။ တရုတ်လူငယ်သတင်းစာ၊ ဟိုဖေး နေထိုင်မှုဘဝကွန်ရက်
ဘာသာပြန် ။ ။ Zhang Yinglin