တရုတ်နိုင်ငံက ရင်းနှီးမြှုပ်နှံသူများဗဟိုပြု အရင်းအနှီးဈေးကွက်တစ်ခု ထူထောင်မည်

တရုတ်နိုင်ငံသည် ရင်းနှီးမြှုပ်နှံသူများဗဟိုပြုအရင်းအနှီးဈေးကွက် ထူထောင်ရန် ကြိုးပမ်းအားထုတ်မှုများ ပိုမိုဆောင်ရွက်မည်ဖြစ်ကြောင်း တရုတ်နိုင်ငံ အစုရှယ်ယာလက်မှတ်များကြီးကြပ်ရေး၏ အဆင့်မြင့်တာဝန်ရှိသူက ဇန်နဝါရီ ၂၄ ရက်၌ ပြောကြားခဲ့သည်။

“ရင်းနှီးမြှုပ်နှံသူတွေကို ကောင်းမွန်စွာ ကာကွယ်ပေးထားခြင်းကသာလျှင် အလားအလာရှိတဲ့ ဈေးကွက်အတွက် ခိုင်မာတဲ့ အုတ်မြစ်တစ်ခုရှိလာစေမှာဖြစ်ပါတယ်” ဟု တရုတ်နိုင်ငံ အစုရှယ်ယာလက်မှတ်များ ကြီးကြပ်ရေးကော်မရှင် ဒုတိယဥက္ကဋ္ဌ Wang Jianjun က ပြောခဲ့သည်။

ရင်းနှီးမြှုပ်နှံသူများဗဟိုပြုသည့် အတွေးအခေါ်ကို ဈေးကွက်စနစ်အစီအစဉ်ရေးဆွဲခြင်းမှ ကြီးကြပ်ခြင်းနှင့် ဥပဒေစိုးမိုးခြင်းအထိ ကော်မရှင်၏ လုပ်ငန်းအသီးသီး၌ ကျင့်သုံးရန်၊ ရင်းနှီးမြှုပ်နှံသူများကာကွယ်မှုစနစ် တိုးတက်ရေး အရှိန်မြှင့်တင်ရန် Wang က ကတိပြုခဲ့သည်။

ရင်းနှီးမြှုပ်နှံသူများကို ကောင်းမွန်စွာကာကွယ်ခြင်းနှင့်အတူ “ဈေးကွက်က ရေတိုအဟန့်အတားတွေကနေ သေသေချာချာ လွတ်မြောက်နိုင်ပြီး တည်ငြိမ် ခိုင်ခံ့တဲ့လမ်းကြောင်းဆီ ပြန်ရောက်လာနိုင်မှာဖြစ်ပါတယ်။ ကျွန်တော်တို့နိုင်ငံရဲ့ စီးပွားရေးအနာဂတ်က တောက်ပလာသလို စတော့ခ်ရှယ်ယာဈေးကွက်ရဲ့ အနာဂတ်ကလည်း အလားအလာကောင်းလာမယ်လို့ အခိုင်အမာယုံကြည်ပါတယ်” ဟု Wang က ပြောခဲ့သည်။ (Xinhua)