ဘန်ကီမွန်းက “ပြည်ထောင်စုအစိုးရ နဲ့ တိုင်းရင်းသားလက်နက်ကိုင်တွေကြား နှစ်ပေါင်း ၇၀ ကြာဖြစ်ပွားခဲ့သည့် ပဋိပက္ခ နဲ့ ကွဲလွဲမှုသမိုင်းမှာ အခုလိုငြိမ်းချမ်းရေး လုပ်ငန်းစဉ် တစ်ခုအဖြစ် အစပြု လုပ်ဆောင်ခဲ့ခြင်းက အခုအကြိမ်က ပထမဆုံး အကြိမ် ဖြစ်ပါတယ်။ ဒီနေ့ အစည်းအဝေးက အရေးပါတဲ့ မှတ်တမ်းတင်ကျန်ရစ်မယ့် အစည်းအဝေးတစ်ခု ဖြစ်ပါတယ်’’ ဟုပြောသည်။
ဤငြိမ်းချမ်းရေး လုပ်ငန်းစဉ်သည် တစ်ဆထက်တစ်ဆ နက်ရှိုင်းလာသည့် နှင့်အမျှ ကုလသမဂ္ဂသည် မြန်မာနိုင်ငံအပေါ်လေးစားမှုရှိသည့် မိတ်ဖက်အဖွဲ့အစည်းတစ်ခုအဖြစ် ဆက်လက်တည်ရှိသွားမည် ဖြစ်ကြောင်း ပြောကြားခဲ့သည်။
လွန်ခဲ့သည့် ၆ နှစ် ယခင်သမ္မတ ဦးသိန်းစိန်မှ ဒီမိုကရေစီ ပြုပြင်ပြောင်းလဲရေး တံခါးများ ဖွင့်ပေးခဲ့သည့် အချိန်မှစ၍ မြန်မာနိုင်ငံသည် သမိုင်းတွင်ရစ်မည့် ပြောင်းလဲမှု တစ်ရပ်ကို ဆောင်ရွက်ခဲ့ကြောင်း ဆိုသည်။
ကုလသမဂ္ဂ အထွေထွေ အတွင်းရေးမှူးချုပ် အနေဖြင့် မြန်မာနိုင်ငံသို့ လာရောက်သည်မှာ ယခုအကြိမ်သည် ပဉ္စမ အကြိမ် ဖြစ်သည်။ ၎င်းက မြန်မာနိုင်ငံအတွင်း ပြုပြင်ပြောင်းလဲမှုများ ဖြစ်ပေါ်နေသည့် အချိန်တွင် ပဉ္စမအကြိမ် ရောက်ရှိခဲ့ခြင်း ဖြစ်ကြောင်း၊ ဤကာလ တလျှောက်လုံး ကုလသမဂ္ဂ ယန္တယားကြီး တစ်ခုလုံးမှ မြန်မာနိုင်ငံအား ပံ့ပိုး ကူညီနိုင်ရန် ၎င်းအနေဖြင့် တစ်တပ်တအား ကြိုးစားခဲ့ကြောင်း ဆိုသည်။
ဘန်ကီမွန်းက “ အစိုးရအာဏာပိုင်များရော၊ အမျိုးမျိုးသော မြန်မာပြည်သူတို့ကို ကိုယ်စားပြုသည့် ကိုယ်စားလှယ်များ နှင့် တွေ့ဆုံတဲ့နေရာမှာ သူတို့တွေရဲ့ ပြုပြင်ပြောင်းလဲရေး၊ ငြိမ်းချမ်းရေးနဲ့ တည်ငြိမ်အေးချမ်းရေး အတွက် သန္နိဌာန်ချ လုပ်ဆောင်နေတာကို ကြားရတဲ့အတွက် ကျွန်တော့် အနေနဲ့ မျှော်လင့် ခွန်အား ဖြစ်စေပါတယ်’’ ဟု ပြောသည်။
ဒေါ်အောင်ဆန်းစုကြည် အနေဖြင့် ဤငြိမ်းချမ်းရေး လမ်းစဉ်တလျှောက် လျှောက်လှမ်းစဉ် မဖြေရှင်းရသေးသည့် ကိစ္စရပ်များအား ကိုင်တွယ်ရာတွင်၎င်း၊ နက်နဲသော၊ထိရှလွယ်သောကိစ္စများအား ဖြေရှင်းရာတွင်၎င်း၊ လိုအပ်သော ပညာဥာဏ်များ နှင့် အကျိုးစီးပွားများကို ထည့်သွင်းကာ လူထုအားလုံး ပါဝင်သည့် တစ်ခုတည်းသော ညှိနှိုင်းရေး လမ်းကြောင်းပေါ်ပေါက်စေရန် တိုက်တွန်းကြောင်း ပြောကြားသည်။ (Xinhua)