အနာဂတ်တွင် အာဆီယံ အသိုင်းအဝိုင်းနှင့် အနီးကပ်လက်တွဲ၍ အတူတကွ မျှဝေခံစားသွားမည်ဟု - 新闻

ဗီယင်ကျန်း ၊ စက်တင်ဘာ ၈ ရက် (ဆင်ဟွာ)

တရုတ် - အာဆီယံ ဆက်ဆံရေး တည်ထောင်ခြင်း ၂၅ နှစ်မြောက် အခါသမယတွင် တရုတ်နိုင်ငံအနေဖြင့် အနာဂတ်တွင် အာဆီယံ အသိုင်းအဝိုင်း နှင့် အနီးကပ် လက်တွဲ၍ အတူတကွ မျှဝေခံစားသွားမည်ဖြစ်ကြောင်း တရုတ်နိုင်ငံဝန်ကြီးချုပ် လီခဲ့ချန်က စက်တင်ဘာလ ၇ ရက်တွင် ကတိပြုပြောကြားလိုက်သည်။

“ ပြီးခဲ့တဲ့ ၂၅ နှစ်တာကာလအတွင်း တရုတ်-အာဆီယံဆက်ဆံရေးဟာ များစွာ တိုးတက်ခဲ့ပါတယ်။ လာမယ့် ၂၅ နှစ်မှာတော့ နှစ်ဖက်ဆက်ဆံရေးဟာ ပိုမိုရင့်ကျက် ခိုင်မာလာမှာဖြစ်သလို စိန် ခေါ်မှုအသစ်တွေ နဲ့ အတူ အခွင့်အရေးအသစ်တွေလည်း ကြုံတွေ့ ရမှာပါ” ဟု လာအိုနိုင်ငံ ဗီယင်ကျန်းမြို့ ၌ ကျင်းပသည့် ၁၉ ကြိမ်မြောက် တရုတ်-အာဆီယံ(၁ဝ+၁) ဆွေးနွေးပွဲတွင် တရုတ်နိုင်ငံဝန်ကြီးချုပ် လီခဲ့ချန်က ပြောကြားသည်။
တရုတ်နိုင်ငံသည် အာဆီယံနှင့် ဆွေးနွေးဖက်ဆက်ဆံရေးကို ၁၉၉၁ ခုနှစ်တွင် စတင်ဆောင်ရွက်ခဲ့သည်။ တရုတ်နိုင်ငံသည် အရှေ့တောင်အာရှနိုင်ငံများအဖွဲ့ (အာဆီယံ) နှင့် ပထမဆုံး ချစ်ကြည်ရင်းနှီးမှု နှင့် ပူးပေါင်းဆောင်ရွက်မှု ပြုလုပ်ခဲ့သည့် နိုင်ငံဖြစ်သလို အာဆီယံအဖွဲ့ ၏ မဟာဗျူဟာမြောက် မိတ်ဖက် နိုင်ငံတစ်နိုင်ငံဖြစ်ခဲ့သည်။

ထို့ ပြင် တရုတ်နိုင်ငံသည် အာဆီယံဒေသတွင်း၌ နျူကလီးယားကင်းစင်ရေးစာချုပ်ကို လက်မှတ်ရေးထိုးရန် ပထမဆုံး ထောက်ခံအားပေးခဲ့သည့် နိုင်ငံတစ်နိုင်ငံဖြစ်သလို အာဆီယံနိုင်ငံများနှင့် လွတ်လပ်သောကုန်သွယ်ခွင့်နယ်မြေ ( Free trade area) တည်ထောင်ရန် ပထမဆုံး ညှိနှိုင်းဆွေးနွေးမှုပြုလုပ်ခဲ့သော နိုင်ငံဖြစ်သည်။
“ ဒီအချက်တွေအားလုံးဟာ အာဆီယံနဲ့ ဆက်ဆံရေး တိုးတက် ခိုင်မာအောင် ဆောင်ရွက်ခဲ့တဲ့ တရုတ်နိုင်ငံရဲ့ ကြိုးပမ်းချက်တွေပါပဲ ။ ဒေသတွင်း ပူးပေါင်းဆောင်ရွက်မှုမှာ ဦးဆောင်ဦးရွက်ပြုရမယ်ဆိုတဲ့ မျှော်မှန်းချက် နဲ့  နှစ်ဖက်စလုံးကလည်း ပြင်းပြတဲ့ ပူးပေါင်းဆောင်ရွက်လို စိတ်ရှိတာကို ပြသရာရောက်ပါတယ်’’ ဟု လီက ဆိုသည်။
ထို့ ပြင် တရုတ်-အာဆီယံ ဆက်ဆံရေး ၂၅ နှစ် ပြည့်မြောက်ခဲ့ခြင်းကို လည်း ဝန်ကြီးချုပ် လီက ချီးကျူးဂုဏ်ပြုခဲ့သည်။
ဖွံ့ ဖြိုးတိုးတက်ရေးအတွက် နှစ်ဖက်အပြန်အလှန် လေးစားရန် ၊ အဓိကစိုးရိမ်မကင်းဖြစ်နေသော အရေးကိစ္စရပ်များကို နှစ်ဖက်စလုံး ထည့်သွင်းစဉ်စားရန် ၊ စိန်ခေါ်မှုများ နှင့် အခက်အခဲများကို ပူးပေါင်းဖြေရှင်းသွားရန် ၊ အပြန်အလှန်ကုန်သွယ်မှု ဆက်ဆံရေးတည်ဆောက်ရန် ၊ အငြင်းပွားမှုများကို တွေ့ ဆုံဆွေးနွေးအဖြေရှာရေး နှင့် အားလုံးပါဝင်လက်ခံနိုင်သည့် စည်းမျဉ်းစည်းကမ်းများပြဌာန်းရန် ၊ နှစ်ဖက်အပြန်အလှန် ချစ်ကြည်ရင်းနှီးစွာဖြင့် ရှေ့ ဆက်၍ အနာဂတ်ကို အတူတကွ ဆက်လက်ချီတက်သွားကြရန် တရုတ်ဝန်ကြီးချုပ်လီက တိုက်တွန်းပြောကြားခဲ့သည်။(Xinhua)