စက်တင်ဘာ ၁၆ ရက် ၌ ပြုလုပ်ခဲ့သည့် ပြည်ထောင်စု လွှတ်တော် ဒုတိယ ပုံမှန် အစည်းအဝေး (၁၂) ရက်မြောက်နေ့ တွင် လွှတ်တော် ကိုယ်စားလှယ်များက ဆွေးနွေးခဲ့ကြရာ ချေးငွေများကို အသုံးပြုရာတွင် တာဝန်ယူ တာဝန်ခံသည့် ပွင့်လင်း မြင်သာ ရှိမှု၊ လုပ်ငန်းတစ်ခုကို မဆောင်ရွက်မီ ကြိုတင်ပြီး စေ့စေ့ စပ်စပ် လေ့လာထားရန် လိုအပ်မှု၊ ဆောင်ရွက်ခဲ့သည့် ယခင် လုပ်ငန်းစဉ်အဆင့်ဆင့်၌ အားနည်းချက်များ ရှိခဲ့လျှင် အမှန်တကယ် အချိန်မီ ပြုပြင် ဆောင်ရွက်ရန် တိုက်တွန်းမှု၊ စီမံကိန်းများ ဆောင်၇ွက်ရာတွင် နိုင်ငံတော် အတွက် ၀န်ထုပ်ဝန်ပိုး မဖြစ်ရေးနှင့် ဒေသခံ ပြည်သူတို့ အမှန်တကယ် အကျိုးဖြစ်ထွန်းရေးကို တွက်ချက် ဆောင်ရွက်မှု၊ ချေးငွေဖြင့် ဆောင်၇ွက်မည့် စီမံကိန်းအတွက် အနှောင် အဖွဲ့ များ ကင်းရှင်းမှု၊ အတိုင်ပင်ခံ စရိတ်ပေးကမ်းရမှု စသည့် အချက်များကို လွှတ်တော် ကိုယ်စားလှယ်တို့ က ထောက်ပြ ဝေဖန်သည့် အချက်များလည်း ပါဝင်ခဲ့ကြသည်။
ထိုသို့ ဆွေးနွေးချက်များအား ယနေ့ ပြည်ထောင်စုလွှတ်တော် အစည်းအဝေးတွင် သက်ဆိုင်ရာ ၀န်ကြီးဌာန များမှ ပြန်လည် ရှင်းလင်း တင်ပြခဲ့ကြရာ --- စိုက်ပျိုးရေး၊ မွေးမြူရေးနျင့် ဆည်မြောင်း ၀န်ကြီးဌာန၏ ရေသွင်း စိုက်ပျိုးမှု ဧရိယာအပါအ၀င် လယ်ယာ ကဏ္ဍ ဘက်စုံ ဖွံ့ ဖြိုးတိုးတက်ရေးအတွက် ပြည်ထောင်စု ၀န်ကြီး ဒေါက်တာ အောင်သူကလည်းကောင်း၊ ပညာရေးဝန်ကြီးဌာန၏ ချေးငွေ အသုံးပြုမည့် စီမံကိန်းများနှင့် ပတ်သက်ပြီး ပြည်ထောင်စု ၀န်ကြီး ဒေါက်တာ မျိုးသိမ်းကြီးကလည်းကောင်း၊ စီမံကိန်းနှင့် ဘဏ္ဍာရေး ၀န်ကြီးဌာနအတွက် ဒုတိယ ၀န်ကြီး ဦးမောင်မောင်ဝင်းက လည်းကောင်း အသီးသီး ရှင်းလင်း တင်ပြခဲ့ကြ သည်။
ပညာရေးဝန်ကြီးဌာနအတွက် ဒေါ်လာ ၉၈ ဒသမ ၅ သန်းသည် စီမံကိန်းတစ်ခု ဖော်ပြပြီးမှ ချေးငွေချေးယူခြင်း မဟုတ်ဘဲ မြန်မာနိုင်ငံ၏ အမျိုးသားပညာရေး မဟာဗျူဟာ စီမံကိန်း ၂၀၁၆ - ၂၀၂၁၊ အလယ်တန်း အထက်တန်း ပညာရေး ကဏ္ဍနှင့် နည်းပညာနှင့် အသက်မွေးပညာရေး လေ့ကျင့်ရေး ကဏ္ဍတို့ အတွက် အလွန် အရေးကြီး စီမံကိန်းသာ ဖြစ်ကြောင်းလည်း ဒေါက်တာ မျိုးသိမ်းကြီးက လွှတ်တော်သို့ ရှင်းပြသည်။
ဘဏ္ဍာရေးဝန်ကြီးဌာနအတွက် ဒုတိယ ၀န်ကြီး ဦးမောင်မောင်ဝင်းက ချေးငွေများကို ယခင်က ပြည်ထောင်စု၏ ဘဏ္ဍာငွေ အရ အသုံး ဆိုင်ရာ ဥပဒေ တစ်ခုတည်းဖြင့် ဆောင်ရွက်ခဲ့ရပြီး ယခုအခါ ၂၀၁၆ ဇန်န၀ါရီလတွင် ပြဌာန်းခဲ့သည့် ပြည်သူ့ ချေးငွေ စီမံခန့် ခွဲမှု ဥပဒေနှင့်အညီ ဆောင်ရွက်ရခြင်းဖြစ်၍ ပိုမို ပြည့်စုံပါကြောင်း၊ အာရှ ဖွံ့ ဖြိုးရေးဘဏ်ကလည်း နိုင်ငံတကာ လုပ်ထုံး လုပ်နည်းများနှင့် အညီ စနစ်တကျ ဆောင်ရွက်ခြင်းဖြစ်ကြောင်း၊ ထိုချေးငွေများတွင် အနှောင်အဖွဲ့ များလည်း မရှိကြောင်း လွှတ်တော်သို့  ရှင်းပြခဲ့သည်။
ထိုသို့  ရှင်းလင်း တင်ပြအပြီး အဆိုပါ ချေးငွေ ရယူရေးကို ပြည်ထောင်စု လွှတ်တော်က အတည်ပြုခဲ့ခြင်း ဖြစ်သည်။ (Xinhua)