အစိုးရ အနေဖြင့် ငြိမ်းချမ်းရေး နှင့် တည်ငြိမ်မှု ရရှိရေးအတွက် အကောင်းဆုံး လုပ်ဆောင်လျက် ရှိကြောင်း နိုင်ငံတော်၏ အတိုင်ပင်ခံ ပုဂ္ဂိုလ်က ပြောကြားခဲ့သည်။ထို့အတူ အကြမ်းဖက် ပဋိပက္ခများ ဖြစ်ပွားရသည့် ဇစ်မြစ်များကို ရှင်းရှင်းလင်းလင်း မသိရသေးသဖြင့် မည်သူ့ကိုမျှ စွပ်စွဲသွားမည် မဟုတ်ကြောင်း၊ အထောက်အထား ခိုင်လုံမှသာ စွဲချက်တင်သင့်လျှင် တင်မည်ဖြစ်ကြောင်း၊ လူ့အခွင့် အရေးနှင့်ပတ်သက် ၍ မြန်မာ အစိုးရ အနေဖြင့် အကောင်းဆုံးကြိုးစား ဖြေရှင်းနေကြောင်း၊ လူ့အခွင့်အရေး ချိုးဖောက်မှု တိုင်ကြားချက်များအပေါ် စုံစမ်း စစ်ဆေးမှုများ စနစ်တကျ ပြုလုပ်နေကြောင်း၊ ထိုအခြေအနေများမှာ နှစ်ပေါင်းများစွာအမြစ် တွယ်လာသည့် အတွက် နေ့ချင်းညချင်းဖြေရှင်း၍ ရနိုင်မည်မဟုတ်ကြောင်း၊ လူ့အခွင့်အရေး အဓိပ္ပာယ်မှာ ကျယ်ပြန့်သည် ဆိုသည်ကို အားလုံးနားလည် သဘောပေါက်ရန် လိုအပ်ကြောင်း၊ လူ့အခွင့် အရေးပြဿ
နာကိုအစိုးရတစ်ခုတည်း ကိုင်တွယ်ဖြေရှင်း၍ မရဘဲ ပြည်သူ လူထု၏ ပူးပေါင်းဆောင်ရွက်မှု လိုအပ် ပါကြောင်း ထည့်သွင်း ပြောကြားခဲ့သည်။နိုင်ငံတော်၏ အတိုင်ပင်ခံပုဂ္ဂိုလ် ၊ နိုင်ငံခြားရေး ၀န်ကြီးဌာန ပြည်ထောင်စု ၀န်ကြီး ဒေါ်အောင်ဆန်းစုကြည်သည် နယ်သာလန်နိုင်ငံ၊ နိုင်ငံခြားရေးဝန်ကြီး Mr. Bert Koenders နှင့်အဖွဲ့အား ယနေ့ နံနက်ပိုင်းတွင် နိုင်ငံခြားရေး ၀န်ကြီးဌာန၌ တွေ့ဆုံပြီးနောက် ပူးတွဲသတင်းစာ ရှင်းလင်းပွဲ ပြုလုပ်ရာတွင် ထိုကဲ့သို့ ထည့်သွင်း ပြောကြားခဲ့ခြင်း ဖြစ်သည်။(Xinhua)