အဆိုပါ ဆွေးနွေးပွဲတွင် ၀န်ထမ်းများနှင့် ပြည်သူများအတွက် တပ်မတော်နှင့် မြန်မာနိုင်ငံ ရဲတပ်ဖွဲ့တို့မှ အပြည့်အဝ လုံခြုံရေး တာဝန်ယူ ဆောင်ရွက်ပေးမည့် အခြေအနေများ၊ ပြည်သူများ ၎င်းတို့နေရပ် ပြန်လည်နေထိုင်ပြီးချိန်တွင် လုပ်ကိုင် စားသောက်နိုင်ရန် အတွက် ကူညီပံ့ပိုးပေးမည့်အစီအစဉ်များ၊ ပြည်သူများ နေရပ်မှ ခေတ္တစွန့်ခွာလာ သောကြောင့် နေရပ်သို့ ပြန်နိုင်ရေး အတွက် ပြည်နယ်အစိုးရမှ တာဝန်ယူ စီစဉ်ဆောင်ရွက်နေမှု အခြေအနေ များနှင့် ပြည်ထောင်စု အစိုးရမှ ပံ့ပိုးကူညီ ဆောင်ရွက်ပေးသွားမည့် အစီအမံများကို ဆွေးနွေး ခဲ့ကြသည်။
ဒေသခံ ပြည်သူများ၏ လူမှုစီးပွားဘဝ ဖွံ့ဖြိုးတိုးတက်စေရေးနှင့် နယ်မြေဒေသ အေးချမ်းလုံခြုံရေး တို့အတွက် တိုင်းရင်းသား ဒေသခံများ နေထိုင်သည့် ကျေးရွာချင်းဆက် လမ်းများအား ဘဏ္ဍာနှစ် အလိုက် စီမံချက်ချ ဖောက်လုပ် ဆောင်ရွက်ပေးရေး၊ အသေးစား ရေအားလျှပ်စစ် စီမံကိန်းများ အကောင်အထည်ဖော် ဆောင်ရွက်ပေးရေးနှင့် ရေရှည် အသက်မွေးဝမ်းကျောင်းမှု ပညာရပ်များ ကျွမ်းကျင် တတ်မြောက်စေရေး အတွက် သက်မွေး ပညာသင်ကျောင်းများ ဖွင့်လှစ် ဆောင်ရွက်ရေး စသည့် ရေတိုရေရှည် ဆောင်ရွက်သွား ရမည့်ကိစ္စရပ်များကိုလည်း ဆွေးနွေး ခဲ့ကြသည်။
ယင်းဆွေးနွေးပွဲသို့ ပြည်ထဲရေး ဝန်ကြီးဌာန ပြည်ထောင်စု ဝန်ကြီး ဒုတိယ ဗိုလ်ချုပ်ကြီး ကျော်ဆွေ၊ နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး ရဲအောင်၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေး၊ ရခိုင်ပြည်နယ် ဝန်ကြီးချုပ် ဦးညီပု၊ ပြည်နယ်အစိုးရ အဖွဲ့ဝင် ဝန်ကြီးများနှင့် ဌာနဆိုင်ရာ တာဝန်ရှိသူများ တက်ရောက်ကြသည်။(Xinhua)