ပေကျင်းနှင့် ထျန်ကျင်းမြို့အကြားပြေးဆွဲနေသည့် ကျည်ဆံရထား တစ်နာရီ ၃၅ဝ ကီလိုမီတာထိ မြန်နှုန်း တိုးမြှင့် ပြေးဆွဲ
တရုတ်နိုင်ငံ ပေကျင်းမြို့ နှင့် ထျန်ကျင်းမြို့ (Tianjin) ကိုပြေးဆွဲပေးနေသည့် ကျည်ဆံရထားမြန်နှုန်းအား တစ်နာရီ ၃၅ဝ ကီလိုမီတာထိ အမြင့်ဆုံး မြန်နှုန်းဖြင့် တိုးမြှင့်ပြေးဆွဲပေးခဲ့ရာ မြို့ နှစ်မြို့ အကြား ရထားပြေးဆွဲမှုကြာချိန်ကို ၅ မိနစ်ထိ လျှော့ချပေးနိုင်ခဲ့ကြောင်း သိရသည်။
အဆိုပါခရီးစဉ်တွင် အသုံးပြုမည့် ကျည်ဆံရထားကို တရုတ်နိုင်ငံမှ တီထွင်ထုတ်လုပ်ခဲ့ခြင်းဖြစ်ပြီး Fuxing( ပြန်လည်တီထွင်ဆန်းသစ်မှု) ဟု အမည်ပေးထားကြောင်း သိရသည်။
ထိုသို့ ရထားမြန်နှုန်းတိုးမြှင့်လိုက်ခြင်းဖြင့် ပေကျင်းတောင်ပိုင်းရထားဘူတာနှင့် ထျန်ကျင်းရထားဘူတာအကြား လမ်းခရီးကြာချိန် ၃၅ မိနစ်ကို ၃ဝ မိနစ်သို့  လျှော့ချပေးနိုင်ခဲ့ကြောင်း နှင့် ရထားလက်မှတ်ဈေးနှုန်းမှာ ပြောင်းလဲခြင်းမရှိကြောင်း သိရသည်။
“ အချိန် ၅ မိနစ်ပဲ လျော့သွားတယ်ဆိုပေမယ့် တစ်နာရီ ၃၅ဝ ကီလိုမီတာနှုန်းနဲ့ ပြေးဆွဲမယ့် ခရီးစဉ်အတွက် ကျွန်တော်စိတ်လှုပ်ရှားမိပါတယ်” ဟု သြဂုတ် ၈ ရက်က ခရီးစဉ်အမှတ် C2002 ဖြင့် ထျန်ကျင်းမြို့ မှ လိုက်ပါလာသော ခရီးသည် Zheng Yi က ဆိုသည်။
ပေကျင်းမြို့  နှင့် ထျန်ကျင်းမြို့ အကြား ရထားခရီးစဉ်အသစ်ကို သြဂုတ် ၈ ရက်တွင် စတင်ခဲ့ကြောင်း တရုတ်နိုင်ငံမီးရထားလမ်းပိုင်း ပေကျင်းအုပ်စု၏ ပြောကြားချက်အရ သိရသည်။
(Xinhua)