မြန်မာဖရဲသီးဖြင့်လက်ဆင့်ကမ်းဖော်ပြသည့် ဆွေမျိုးပေါက်ဖော်ချစ်ကြည်ရေး --သွင်းကုန်တိုးချဲ့နေသည့် ယူနန်ဈေးကွက်
တရုတ်-မြန်မာ ဖရဲသီး၊ သခွာမွှေးသီး၊ သရက်သီး ထုတ်လုပ်သူများနှင့် ကုန်သည်များ ကုန်သွယ်ရေးညှိနှိုင်းဆွေးနွေးပွဲကို သြဂုတ်လ(၁၀)ရက်နေ့က ရွှေလီမြို့ဝမ်တိန်မြို့နယ်တွင် ကျင်းပခဲ့သည်။ တရုတ်သစ်သီးဝလံသွင်းကုန်ကုမ္ပဏီနှင့် မြန်မာနိုင်ငံ(၁၀၅)မိုင် သစ်သီးဝလံအသင်း၊ မြန်မာဟင်းသီးဟင်းရွက်နှင့်ပန်းမန်အသင်း စသည့်ဌာနတို့သည် မြန်မာနိုင်ငံ၏ သစ်သီးဝလံအရည်အသွေး မြှင့်တင်မှု မည်သို့ဆောင်ရွက်ရန်နှင့် မြန်မာနိုင်ငံသစ်သီးဝလံပို့ကုန်၏ နိုင်ငံတကာဈေးကွက် တိုးချဲ့ဖွံ့ဖြိုးမှု ကိစ္စများအပေါ် ညှိနှိုင်းဆွေးနွေးကြပါသည်။
“တရုတ်နိုင်ငံက မြန်မာနိုင်ငံသစ်သီးဝလံ တင်သွင်းတဲ့အတိုင်းအတာပမာဏ ကြီးမားလာနေတယ်။ ကျွန်မတို့ ဒီအခွင့်ကောင်းကိုယူပြီး ပူးပေါင်းဆောင်ရွက်မှုမှာ နှစ်ဦးနှစ်ဖက်တို့ အကျိုးအမြတ်ကောင်းကို ရရှိနိုင်ဖို့ ကြိုးစားဆောင်ရွက်ရမယ်။”ဟု ဤဆွေးနွေးပွဲကို ဦးစီးကျင်းပသူတစ်ဦးဖြစ်သည့် ရွှေလီမြို့ဝမ်တိန်ချန်ဟော်လီမိတက်ကုမ္ပဏီ (အောက်တွင် ချန်ဟော်ကုမ္ပဏီဟု အတိုချုံးခေါ်ဝေါ်မည်) အထွေထွေဖွံ့ဖြိုးတိုးတက်မှုဌာန မန်နေဂျာ လျူဟုန်ဖန်က ပြောကြားသည်။ မြန်မာနိုင်ငံသစ်သီးဝလံသည် ယူနန်ပြည်နယ်မှတစ်ဆင့် တရုတ်ပြည်သူလူထုတို့အား တင်ပို့ရောင်းချလျက်ရှိသည့်အတွက် တရုတ်-မြန်မာ ကုန်သွယ်ရေး ပူးပေါင်းဆောင်ရွက်မှု၏ ရရှိသောအောင်သီးအောင်နှံဖြစ်သည့်အပြင် တရုတ်-မြန်မာ ဆွေမျိုးပေါက်ဖော်ချစ်ကြည်ရေးကိုလည်း လက်ဆင့်ကမ်းခြင်းဖြစ်သည်ဟု သူက ဆက်လက်ပြောကြားသည်။
နှစ်စဉ်နှစ်တိုင်း အောက်တိုဘာလမှ လာမည့်နှစ် မေလထိ တရုတ်နိုင်ငံ ဒေသအသီးသီးမှ သစ်သီးဝလံပွဲစားကုန်သည်တို့သည် ၀မ်တိန်တွင် ဆုံဆည်းပြီး ၀မ်တိန်မှတစ်ဆင့် မြန်မာနိုင်ငံ(၁၀၅)မိုင်ကုန်သွယ်ရေးဇုန်သို့ ဖရဲသီးများ ရွေးချယ်ဝယ်ယူပြီး မြန်မာနိုင်ငံသစ်သီးဝလံကုန်သည်များနှင့် ဈေးစကားညှိနှိုင်းပြောဆိုကြပါသည်။ နှစ်ဦးနှစ်ဖက်တို့ သဘောတူညီပြီးပါက ဖရဲသီးတင်ထားသော ကုန်တင်ကားများသည် ၀မ်တိန်နယ်စပ်ဂိတ်မှနေ၍ ယူနန်သို့ တစ်စီးပြီးတစ်စီး ၀င်ရောက်ကြပြီးနောက် တရုတ်နိုင်ငံ၏ ဈေးကွက်အသီးသီးသို့ တင်ပို့ရောင်းချတော့သည်။
“ဆောင်းရာသီမှာ မြန်မာဖရဲသီး စားလို့ရတဲ့အတွက် တရုတ်လူမျိုးများစွာအဖို့ ခံစားချက်တွေ ကိုယ်စီရှိနိုင်ပါတယ်။ ဟောပေါ့စားရင်းနဲ့ မြန်မာဖရဲသီးကို စားနိုင်ပါတယ်။” ဟု ၀ယ်သူ မစ္စတာဖန်က ပြောကြားပါသည်။
တရုတ်ဈေးကွက်တွင် ရောင်းချသည့် ရာသီအလိုက် ဖရဲသီး၏အရေအတွက်အားဖြင့် မြန်မာဖရဲသီးမှာ (၈၀%) ပါဝင်လျက်ရှိပါသည်။ “ပူနွေးခြောက်သွေ့တဲ့ရာသီမှာ ဖရဲသီးရှင်သန်ဖို့ လွယ်တယ်။ နေညအပူချိန်လည်း တော်တော်ကွာခြားချက်ရှိတယ်။ တရုတ်ဆောင်းရာသီမှာ မြန်မာနိုင်ငံမှာလည်း အေးမြတဲ့ရာသီဖြစ်တယ်။ ဖရဲသီးရှင်သန်ဖို့အတွက် သဘာဝပေးစွမ်းတဲ့ အားသာချက်ရှိပါတယ်။”ဟု လျူဟုန်ဖန်က မိတ်ဆက်ပြောကြားပါသည်။ မြန်မာဖရဲသီးသည် တရုတ်ဈေးကွက်သို့ ၀င်ရောက်သည့်သက်တမ်းမှာ ကြာရှည်လှပြီဖြစ်ပါသည်။ ယခုနှစ်ပိုင်း ဖရဲသီးရောင်းဝယ်ရေးလည်း ကောင်းသထက်ကောင်းလာပါသည်။
ချန်ဟော်ကုမ္ပဏီသည် ၀မ်တိန်လယ်ယာထွက်ကုန် ကုန်လှောင်ရုံ၊ အမြန်ချောပို့အီလက်ထရွန်နစ် အရောင်းအ၀ယ်စင်တာကို တည်ထောင်ပြီး ကုန်သည်ပေါင်း(၁၀၀၀)ကျော်တို့သည် ၎င်းစင်တာကို အခြေစိုက်လုပ်ကိုင်နေပြီဖြစ်သည်။ သူတို့သည် ဖရဲသီးစိုက်ပျိုးရေးနှင့် တင်သွင်းခြင်းကိစ္စတွင် ပေါများကြွယ်ဝသော အတွေ့အကြုံ ရှိပါသည်။ အတိုင်းအတာကြီးမားသော ချန်ဟော်ကုမ္ပဏီအပြင် ပုဂ္ဂလိကပိုင်လုပ်ငန်းရှင်များလည်း မြန်မာဖရဲသီးတင်သွင်းခြင်းလုပ်ငန်း လုပ်နေကြပါသည်။
“အခု တရုတ်လုပ်ငန်းရှင်တစ်ချို့ဟာ မြန်မာနိုင်ငံမန္တလေးအနီးတစ်ဝိုက်နဲ့ (၁၀၅)မိုင်ကုန်သွယ်ရေးဇုန်မှာ ဒေသခံလယ်သမားတွေနဲ့ ပူးပေါင်းဆောင်ရွက်ကြပါတယ်။ လယ်သမားရဲ့ မြေကို ငှမ်းရမ်းပြီး ဒီလုပ်ငန်းရှင်တို့ရဲ့ ရင်းနှီးငွေ၊ နည်းပညာ ထောက်ပံ့မှုနဲ့ ဖရဲသီးတွေ စိုက်ထားပါတယ်။”ဟု လျူဟုန်ဖန်က ပြောပြသည်။ “ကုမ္ပဏီနဲ့ လယ်သမား”ဟူသော ပူးပေါင်းဆောင်ရွက်မှုပုံစံမှာ မြန်မာလယ်သမားများအတွက် အလုပ်အကိုင်အခွင့်အလမ်းနှင့် သိပ္ပံနည်းကျသော စိုက်ပျိုးရေးနည်းလမ်းကို ဆောင်ကြဉ်းပေးခဲ့သည်။ စိုက်ပျိုးထားသည့် ဖရဲသီးများသည် အရည်အသွေးပိုမိုကောင်းမွန်လာပြီး လယ်သမားတို့၏ ၀င်ငွေလည်း တိုးများလာပါသည်။ ကုမ္ပဏီ၏ ထုတ်လုပ်မှုရင်းနှီးငွေလည်း လျော့နည်းစေပါသည်။ “ဘ၀ကို ဖရဲသီးလို ချိုအောင် ကြိုးစားဖော်ဆောင်ပါ ဆိုတာ ကျွန်မတို့ရည်ရွယ်ချက်ပါ။ မြန်မာလယ်သမားတို့ရဲ့ မျှော်လင့်ချက်လည်းဖြစ်ပါတယ်။”ဟု သူက ဆက်လက်ပြောပြသည်။
(သတင်းထောက်--Cao Yunbo၊ Liu Ziyu ပုံ--Zhou Yanxin)