ဖုချွင်းကျေးရွာရှိ ဝဥကြောင့် အိမ်ရှေ့၌ပင် လုပ်ငန်းခွင်ရှိလာ
ဝဥလုပ်ငန်း အင်တိုက်အားတိုက် ဖွံ့ဖြိုးလျက်ရှိရာ လက်ရှိအချိန်တွင် ယူနန်ပြည်နယ် ချူကျင့်မြို့ ဖူဟုန်ကျေးရွာသည် ဝဥစိုက်ပျိုးရေးအခြေစိုက်စခန်း စတင်ဖြစ်ပေါ်လာသည်။ ရွာသူရွာသားများသည် မြေယာအသုံးပြုခွင့် လွှဲပြောင်းခြင်းဖြင့် ငှားရမ်းခရရှိပြီး အခြေစိုက်စခန်းတွင် အလုပ်လုပ်နိုင်သောကြောင့် အိမ်ရှေ့၌ပင် လုပ်ငန်းခွင်ရှိလာပါသည်။
တရုတ်ဧက ၃၀ ဧက (၂ ဟက်တာ)ကျော်ရှိသော ဖုချွင်းဝဥနှင့် လယ်မြေထွက်ကုန် ရောင်းဝယ်ရေး စင်တာတွင် နှစ်စဉ်နှစ်တိုင်း တန်ချိန် ၄ သောင်းဝန်းကျင် ရောင်းဝယ်နေရပြီး ရွာသူရွာသားများသည် သတ်မှတ်ချက်အလိုက် ဝဥကို အရည်အသွေးအရ အဆင့်ခွဲခြားကာ ကားများဖြင့် သီးခြားစီ တင်ပို့ရောင်းချပါသည်။ “အရည်အသွေးအဆင့်ခွဲခြားရာမှာ ၁ တန်ကို တရုတ်ယွမ်ငွေ ၁၂၀ ရှင်းပေးတယ်။ အလုပ်သမား ၁ ဦးက တစ်ရက်ကို ၁ တန်သို့ ၂ တန်လောက် ခွဲနိုင်ပါတယ်။” ဟု ရောင်းဝယ်ရေးစင်တာမှ တာဝန်ခံ ချောင်ရွှံခွင်းက မိတ်ဆက်ပေးပြီး ရောင်းဝယ်ရေးအတိုင်းအတာ ကြီးမားသောကြောင့် နေ့စဉ်တွင် လုပ်ငန်းခွင် ၇၀၀ ကျော်ရှိနေပါသည်။
ထို့အပြင် ချောင်ရွှံခွင်းတွင် ဝဥအချောကိုင်စက်ရုံ ၂ ခုရှိပြီး ဝဥအမှုန့်၊ ဝဥခြောက် စသည့် ကုန်စည်များကို ထုတ်လုပ်နေပြီး ဖုချွင်းဒေသခံ အလုပ်သမား ၁၆၀ ဦး ခန့်ထားပါသည်။ ရောင်းဝယ်ရေးစင်တာနှင့် စက်ရုံ ၂ ခုသည် ဒေသခံ ၈၆၀ ဦးအတွက် အိမ်ရှေ့မှာပင် လုပ်ငန်းခွင် ရရှိစေခဲ့သည်။
သတင်းထောက် ။ ။ လျန့်ရှင်းဟုန်၊ ကျောင့်ဖူဖန် (ဆင်ဟွာသတင်းဌာန)