တရုတ်နိုင်ငံသမ္မတ ရှီကျင့်ဖိန်နှင့် နီပေါနိုင်ငံသမ္မတ ဘီဒီယာ ဒေဗီ ဘန်ဒါရီ တို့ ဝမ်းမြောက်ကြောင်း ဂုဏ်ပြုသဝဏ်လွှာအပြန်အလှန်ပေးပို့ပြီး ဧဝရတ်တောင်ထိပ်အမြင့်ကို အတူတကွ ထုတ်ဖော်ကြေညာ

တရုတ်ပြည်သူ့သမ္မတနိုင်ငံ သမ္မတ ရှီကျင့်ဖိန်နှင့် နီပေါနိုင်ငံ သမ္မတ ဘီဒီယာ ဒေဗီ ဘန်ဒါရီတို့သည် ဒီဇင်ဘာ ၈ ရက် က ဝမ်းမြောက်ကြောင်း ဂုဏ်ပြုသဝဏ်လွှာများ အပြန်အလှန်ပေးပို့ခဲ့ကြပြီးနောက် ဧဝရတ်တောင်ထိပ်(ချိုမိုလန်းမားတောင်ထိပ်)၏ အမြင့်ကို အတူတကွ ပူးတွဲ ထုတ်ဖော် ကြေညာခဲ့ကြောင်း သိရသည်။

သမ္မတရှီက ပြီးခဲ့သည့်နှစ်တွင် တရုတ်နိုင်ငံနှင့် နီပေါနိုင်ငံ တို့သည် ဧဝရတ်တောင်ထိပ်၏ နောက်ဆုံးအမြင့် တိုင်းတာချက်ကို အတူတကွကြေညာကြရန် သဘောတူညီမှုရရှိခဲ့ကြောင်း ၊ ၁ နှစ်ကျော် ကြာကာလတွင် နှစ်နိုင်ငံ အဖွဲ့က အခက်အခဲအမျိုးမျိုးကို ကျော်လွှားကာ အပတ်တကုတ်ကြိုးပမ်းအားထုတ်များမှုကြောင့်‌ နောက်ဆုံးတွင် တစ်ကမ္ဘာလုံးအမြင့်၏ အခြေခံစံနှုန်းဖြစ်သည့် ဧဝရတ်တောင်ထိပ်၏အမြင့်ကို အတည်ပြုနိုင်ခဲ့ပြီဖြစ်ရာ ယနေ့တွင် တရုတ်-နီပေါ နှစ်နိုင်ငံ ကိုယ်စား မစ္စစ် ဘန်ဒါရီနှင့်အတူ ဧဝရတ်တောင်ထိပ်၏ နောက်ဆုံး အမြင့်မှာ ၈၈၄၈.၈၆ မီတာ ဖြစ်သည်ကို တစ်ကမ္ဘာလုံးသို့ တရားဝင်ကြေညာအပ်ပါကြောင်း ပြောကြားခဲ့သည်။

ဧဝရတ်တောင်ထိပ်သည် နှစ်နိုင်ငံ ခေတ်အဆက်ဆက် ချစ်ကြည်ရင်းနှီးမှု၏ အရေးကြီးသည့် အမှတ်လက္ခဏာဖြစ်ကြောင်း ၊ ဤကမ္ဘာ့အမြင့်ဆုံးတောင်ထိပ်ကို တရုတ်-နီပေါ နှစ်နိုင်ငံကြားက တောင်ထိပ်နှင့် တရုတ်-နီပေါ ချစ်ကြည်ရေး အထွဋ်အထိတ်အဖြစ် နှစ်နိုင်ငံအနေဖြင့် ထားရှိသွားမည်ဖြစ်ကြောင်း သမ္မတရှီက ဆိုသည်။

သမ္မတရှီက ယနေ့ အဆွေတော်နှင့်အတူ ဧဝရတ်တောင်ထိပ်၏ နောက်ဆုံးအမြင့်ကို အတူတကွကြေညာခြင်းတွင် ရှေးအစဉ်အလာ ဆက်ခံ၍အနာဂတ်လမ်း သစ်ဖွင့်လှစ်ကြမည့် ခေတ်ကာလ၏အနက်အဓိပ္ပါယ်များ တည်ရှိရာ တရုတ်-နီပေါ နှစ်နိုင်ငံဆက်ဆံရေး အဆင့်မြင့် ဆက်လက်ဖွံ့ဖြိုးတိုးတက်နေသည်ကို အပြည့်အဝ ထင်ရှားပေါ်လွင် စေကြောင်း၊ တရုတ်နိုင်ငံအနေဖြင့် နီပေါနိုင်ငံနှင့်အတူ ဧဝရတ်တောင်၏ ဂေဟစနစ်ထိန်းသိမ်းစောင့်ရှောက်မှု၊ သိပ္ပံသုတေသနဆိုင်ရာ ပူးပေါင်းဆောင်ရွက်မှုများကို တက်ကြွစွာ တွန်းအားပေးဆောင်ရွက်သွားကာ နှစ်နိုင်ငံပြည်သူများ အတူရှိနေသည့် အဖိုးတန်မိသားစုဥယျာဉ်ကြီးကို ကာကွယ်ထိန်းသိမ်းစောင့်ရှောက်သွားလိုကြောင်း ပြောကြားခဲ့သည်။

ယခုနှစ်သည် တရုတ်-နီပေါ နှစ်နိုင်ငံ သံတမန်ဆက်ဆံရေး ထူထောင်သည့် ၆၅ နှစ်မြောက် နှစ်ပတ်လည်အခါသမယဖြစ်ကြောင်း သမ္မတရှီက ဆိုသည်။
နှစ်ဖက်အတူ ကြိုးပမ်းဆောင်ရွက်မှုဖြင့် နှစ်နိုင်ငံအကြား နိုင်ငံရေး အပြန်အလှန် ယုံကြည်မှုများ တိုးပွားခိုင်မာလာသလို ရပ်ဝန်းနှင့်ပိုးလမ်းမ အတူလက်တွဲတည်ဆောက်ရေးသည်လည်း တည်ငြိမ်စွာ ရှေ့တိုးဆောင်ရွက်လျက်ရှိရာ ဟိမဝန္တာဖြတ်ကျော် အပြန်အလှန်ဆက်သွယ်မှုကွန်ရက်သည် မျှော်မှန်းရာမှ လက်တွေ့သို့ ပြောင်းလဲလာနေပြီဖြစ်ကြောင်း၊ တရုတ်နိုင်ငံနှင့် နီပေါနိုင်ငံသည် နှစ်နိုင်ငံ ဖွံ့ဖြိုးတိုးတက် စည်ပင်သာယာဝပျောရေးကို မျက်နှာမူသည့် ခေတ်အဆက်ဆက်ချစ်ကြည်ရင်းနှီးမှု မဟာဗျူဟာမြောက် မိတ်ဖက်ဆက်ဆံရေးကို အဆက်မပြတ်ရှေ့တိုးဖွံ့ဖြိုးအောင် တွန်းအားပေး ဆောင်ရွက်သွားကာ ပို၍ နီးကပ်သော အေးအတူပူအမျှအသိုက်အဝန်းကို တည်ဆောက်ပြီး နှစ်နိုင်ငံနှင့် နှစ်နိုင်ငံပြည်သူများ၏ အကျိုးကို သယ်ပိုးကြရမည်ဖြစ်ကြောင်း သမ္မတရှီ၏ ဝမ်းမြောက်ကြောင်း သဝဏ်လွှာတွင် ဖော်ပြထားသည်။

နီပေါနိုင်ငံ သမ္မတ ဘီဒီယာ ဒေဗီ ဘန်ဒါရီက နီပေါနိုင်ငံနှင့် တရုတ်နိုင်ငံသည် အစဉ် အိမ်နီးချင်း ကောင်း၊ မိတ်ဆွေကောင်း၊ မိတ်ဖက်ကောင်းဖြစ်ပြီး စီးပွားရေးဖွံ့ဖြိုးတိုးတက်ရေး၊ အပြန်အလှန်ဆက်သွယ်ရေး၊ လူမှုယဉ်ကျေးမှုစသည့် ကဏ္ဍများ၏ ပူးပေါင်းဆောင်ရွက်မှုများသည် နှစ်နိုင်ငံ၏ အကျိုးစီးပွားနှင့် ကိုက်ညီကြောင်း ၎င်း၏ ဂုဏ်ပြုသဝဏ်လွှာထဲတွင် ထည့်သွင်း ဖော်ပြထားသည်။
ဧဝရတ်တောင်သည် နီပေါ-တရုတ် အစဉ်အလာချစ်ကြည်ရေး အစဉ်အမြဲကာလရှည်ကြာတည်ရှိမှု၏ အမှတ်သင်္ကေတ ဖြစ်ပြီး အဆွေတော်နှင့်အတူ ဧဝရတ်တောင်ထိပ်၏ နောက်ဆုံးအမြင့် ၈၈၄၈.၈၆ မီတာ ဖြစ်ကြောင်းကို ကြေညာနိုင်သည့်အတွက် အထူးဝမ်းမြောက်ကြောင်း သမ္မတ ဘီဒီယာ ဒေဗီ ဘန်ဒါရီက ဆိုသည်။

ယနေ့ နှစ်ဖက်အတူ ဧဝရတ်တောင်ထိပ်၏ နောက်ဆုံးအမြင့်ကို အတူတကွကြေညာခြင်းသည် သမိုင်း၏အနက်အဓိပ္ပါယ်ကို ဖော်ဆောင်ကြောင်း၊ သမ္မတရှီကျင့်ဖိန် ပြီးခဲ့သည့်နှစ်က နီပေါနိုင်ငံသို့ နိုင်ငံတော် အလည်အပတ်ခရီးစဉ်လာရောက်ခဲ့ရာ နှစ်နိုင်ငံဆက်ဆံရေးနှင့် နှစ်ဖက်ပူးပေါင်း ဆောင်ရွက်မှု၏ ခေတ်ကာလသစ်ကို လျှောက်လှမ်းရန် တွန်းအားဖြစ်စေခဲ့ကြောင်း ၊ နှစ်နိုင်ငံ အစိုးရများအနေဖြင့် အလည်အပတ်ခရီးစဉ်အတွင်း ရရှိခဲ့ပြီးဖြစ်သော သဘောတူညီချက်များကို အာရုံစိုက် လက်တွေ့အကောင်အထည်ဖော်ဆောင်ရွက်သွားမည်ဖြစ်ပြီး လူမှုစီးပွားဖွံဖြိုးစည်ပင်ရန် အတူ အကောင်အထည်ဖော်ဆောင်သွားမည် ဖြစ်ကြောင်း သမ္မတ ဘီဒီယာ ဒေဗီ ဘန်ဒါရီ၏ သဝဏ်လွှာတွင် ဖြည့်စွက် ဖော်ပြထားသည်။(Xinhua)