တ႐ုတ္ႏိုင္ငံ CPC ျပတိုက္ ဖြင့္လွစ္မည္

တရုတ်ကွန်မြူနစ်ပါတီ (CPC) ပြတိုက်ကို ပေကျင်းမြို့၌ မကြာမီဖွင့်လှစ်သွားမည်ဖြစ်ကြောင်း အမျိုးသား ယဉ်ကျေးမှု အမွေအနှစ် စီမံခန့်ခွဲမှုဦးစီးဌာန (NCHA) က မေ ၁၉ ရက်တွင် ပြောကြားခဲ့သည်။

အဆိုပါ ပြတိုက်အသစ်တွင် ဇွန်လမှစ၍ CPC သမိုင်းကြောင်းဆိုင်ရာ ပြပွဲတစ်ခုကို ထည့်သွင်းကျင်းပ သွားမည်ဖြစ်ကြောင်း NCHA သတင်းထုတ်ပြန်ချက်၌ ဖော်ပြထားသည်။

ရှန်ဟိုင်းမြို့ရှိ ပထမဆုံး CPC ၏ အမျိုးသားကွန်ဂရက် အထိမ်းအမှတ်ကိုလည်း ပြပွဲခန်းမတွင် ဧည့်သည်များ ကြည့်ရှုနိုင်ရန် ဖွင့်လှစ်သွားမည်ဖြစ်ကြောင်း NCHA ၏ ဒုတိယ ညွှန်ကြားရေးမှူး Gu Yucai က ပေကျင်းမြို့၌ ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

ယခုအခါ တရုတ်နိုင်ငံတွင် နိုင်ငံ၏ တော်လှန်ရေးသမိုင်းကြောင်း ခေါင်းစဉ်ဖြင့် ပြတိုက်နှင့် အထိမ်းအမှတ်နေရာ ၁,၆၀၀ ကျော်ရှိပြီဖြစ်သည်။ ၂၀၁၈ ခုနှစ်မှ ၂၀၂၀ ပြည့်နှစ်အထိ အဆိုပါ အဖွဲ့အစည်းများက ပြပွဲပေါင်း ၄,၀၀၀ ကျော် ပြုလုပ်ခဲ့ကြောင်း NCHA အရ သိရသည်။

ထို့ပြင် တရုတ်နိုင်ငံတွင် တော်လှန်ရေးအမွေအနှစ်နေရာပေါင်း ၃၆,၀၀၀ ကျော် မှတ်ပုံတင်ထားပြီး ဆက်စပ်သော ရှေးဟောင်းပစ္စည်း စုစည်းမှု ၁ သန်းကျော် ပိုင်ဆိုင်ကြောင်း သိရသည်။

၂၀၁၆ ခုနှစ်မှာ ၂၀၂၀ ပြည့်နှစ်အထိ NCHA အနေဖြင့် တော်လှန်ရေး ယဉ်ကျေးမှုအမွေအနှစ်နှင့် ဆက်စပ်သော ထိန်းသိမ်းစောင့်ရှောက်မှု စီမံကိန်း ၄၀၀ နီးပါးကို ခွင့်ပြုပေးခဲ့ကြောင်း Gu က ဆိုသည်။
CPC တည်ထောင်ခြင်း နှစ် ၁၀၀ ပြည့်ကျင်းပရန် နိုင်ငံတစ်ဝန်း အရည်အသွေးမြင့် ပြပွဲပေါင်း ၁၀၉ ခု ကျင်းပရန် NCHA က အကြံပြုထားကြောင်း သိရသည်။ (Xinhua)