ေပက်င္းၿမိဳ႕တြင္ ေမာင္းသူမဲ့ကား စမ္းသပ္ေမာင္းႏွင္သည့္ ခရီးမိုင္ေပါင္း ကီလိုမီတာ ၃ သန္းအထိရွိလာ

တရုတ်နိုင်ငံ ပေကျင်းမြို့တော်တွင် မောင်းသူမဲ့ကား၏ လုံခြုံရေးစမ်းသပ်မောင်းနှင်မှု ခရီးမိုင်ပေါင်း ကီလိုမီတာ ၃ သန်းကျော်အထိ ရောက်ရှိလာပြီဖြစ်ကြောင်း သိရသည်။

လက်ရှိတွင် ပေကျင်းမြို့၌ မောင်းသူမဲ့မော်တော်ယာဉ် စမ်းသပ်မောင်းနှင်မှုလမ်းကြောင်း ၂၂၆ ခုရှိပြီး စုစုပေါင်း ၇၅၂.၄ ကီလိုမီတာခန့်ရှိလာပြီဖြစ်ကြောင်း Beijing Innovation Center for Mobility Intelligent (BICMI) ကုမ္ပဏီလီမိတက်က ပြောခဲ့သည်။

ပေကျင်းမြို့တွင် ပြည်တွင်း အင်တာနက်ကုမ္ပဏီကြီးဖြစ်သော Baidu နှင့် တရုတ် ကားအငှားပလက်ဖောင်း DiDi Chuxing အပါအဝင် ကုမ္ပဏီ ၁၅ ခုမှ မော်တော်ယာဉ် ၉၉ စီးအား ယာယီကားနံပါတ်ပြားများကို ထုတ်ပေးထားကြောင်း၊ ယင်းကုမ္ပဏီများအနက် တရုတ်နိုင်ငံ မောင်းသူမဲ့မော်တော်ယာဉ် လုပ်ငန်း Pony.ai နှင့် Baidu တို့သည် ၎င်းတို့၏ မောင်းသူမဲ့ကားများအား ခရီးသည်များဖြင့် စမ်းသပ်မောင်းနှင်ရန် ခွင့်ပြုချက်များ ရရှိထားပြီးဖြစ်ကြောင်း သိရသည်။
လမ်းမများတွင် မောင်းသူမဲ့ကားများ စမ်းသပ်မောင်းနှင်မှုများအတွက် လျှောက်ထားသည့် ကုမ္ပဏီအရေအတွက်၊ မောင်းသူမဲ့ကားစုစုပေါင်းနှင့် လမ်းမပေါ်တွင် စမ်းသပ်မောင်းနှင်သော ခရီးမိုင်အကွာအဝေးအားဖြင့် နှိုင်းယှဥ်ပါက တရုတ်နိုင်ငံ၌ ပေကျင်းမြို့က ပထမအဆင့်ရှိကြောင်း BICMI က ပြောကြားခဲ့သည်။ (Xinhua)