အရပ္ (၁၇၅)စင္တီမီတာရွိ ၾကည္းတပ္စစ္သမီး
ဤမိန်းကလေး(၁၀)ဦးသည် ကြည်းတပ်လေကြောင်းစစ်ရေးကျောင်းမှ အမျိုးသမီးလေယာဉ်မှူးသင်တန်းသူများ ဖြစ်ကြသည်။ ဇွန်လ(၂၀)ရက်နေ့တွင် ကျောင်းဆင်းပွဲစာမေးပွဲအားလုံးကို အောင်မြင်ခဲ့ကြပြီး ကျောင်းသူဘဝမှ တိုက်ပွဲဝင်ရဲဘော်အဖြစ်သို့ ပြောင်းလဲခဲ့ကြသည်။
၂၀၁၇ ခုနှစ်တွင် သူမတို့သည် နိုင်ငံအဝှမ်းရှိ (၁.၂)သိန်းသော အထက်တန်းအောင်များထဲမှ ထူးချွန်စွာ အရွေးချယ်ခံကြရသူများဖြစ်သည်။ အမျိုးသမီးလေယာဉ်မှူးရွေးချယ်ရာတွင် အလွန်တင်းကျပ်သော စည်းကမ်းများဖြင့် ရွေးချယ်ပါသည်။ အရပ်အမြင့်သည် (၁၆၅)မှ(၁၈၅)စင်တီမီတာအတွင်း ရှိရပြီး ကိုယ်အလေးချိန်သည် ပုံမှန်စံနှုန်းကိုယ်အလေးချိန်၏ (၈၅%)မှ(၁၂၀%)အတွင်းရှိရမည်ဖြစ်သည်။ မျက်စိနှစ်ဖက် အမြင်အာရုံသည် (၀.၈)အထက်ရှိရပြီး အရောင်မျက်စိကွယ်ခြင်း၊ အရောင်အားနည်းခြင်းမရှိရပါ။
စစ်ပညာသင်(၄)နှစ်တာကာလအတွင်း သူမတို့သည် ခက်ခဲသောလေ့ကျင့်မှုများစွာကို ဖြတ်သန်းခဲ့ကြရသည်။ ယခုအကြိမ်စာမေးပွဲတွင် ဘာသာရပ်(၁၃)ခုဖြေဆိုရာ စစ်ရေးအခြေခံ၊ လေယာဉ် ပျံသန်းကျွမ်းကျင်မှု၊ လေယာဉ်ပျံသန်းသီအိုရီ အစရှိသည်တို့ပါဝင်သည်။ ကျောင်းသူများသည် ဘာသာရပ်အားလုံးကို အောင်မြင်စွာဖြေဆိုနိုင်ခဲ့သည်။
မိမိတို့၏အိပ်မက်ကို ဖြစ်မြောက်အောင်လုပ်ဆောင်နေသည့် မိန်းကလေးများသည် ပိုမိုကျယ်ပြန့်သော မိုးကောင်းကင်ကြီးထဲသို့ ပျံသန်းတော့မည်ဖြစ်ရာ သူမတို့အတွက် ဆုမွန်ကောင်းတောင်းပေးလိုက်ပါသည်။