တ႐ုတ္ႏိုင္ငံတြင္ 5G အေျခစိုက္စခန္းေပါင္း (၉၁၆,၀၀၀) တည္ေဆာက္ၿပီးျဖစ္ရာ ကမာၻ႔ (၇၀)ရာခိုင္ႏႈန္းရွိ

တရုတ်နိုင်ငံတွင် ကမ္ဘာ့အကြီးဆုံး fiber optic network၊ 4G နှင့် 5G independent networkများ တည်ဆောက်ပြီးစီးပြီ ဖြစ်ကြောင်း ၂၀၂၁ ခုနှစ် (၁၂)ကြိမ်မြောက် တရုတ်နိုင်ငံအင်တာနက်ကွန်ဖရင့် ဇူလိုင် ၁၃ ရက်သတင်းများအရ သိရသည်။လက်ရှိ တရုတ်နိုင်ငံတွင် 5G အခြေစိုက်စခန်း (၉၁၆,၀၀၀)တည်ဆောက်ပြီးဖြစ်ရာ တစ်ကမ္ဘာလုံး၏ (၇၀)ရာခိုင်နှုန်း ရှိသလို 5G အင်တာနက်ဆက်သွယ်မှု အရေအတွက် (၃၆၅)သန်းကျော်ဖြင့် ကမ္ဘာ့ (၈၀)ရာခိုင်နှုန်းရှိကြောင်း သိရသည်။ နောက်ထပ်ခြေလှမ်းတစ်ရပ်အနေဖြင့် 5G ၊ Big Data၊ Basic software၊ Industrial software၊ AI စသည့် နည်းပညာများ၏အားပေးမှုနှင့်ရင်းနှီးမြုပ်နှံမှုများကို အရှိန်မြင့်တင်ဆောင်ရွက်သွားမည်ဖြစ်ပြီး စက်မှုအခြေခံ အဆင့်မြင့်တင်ရေးနှင့် စက်မှုလုပ်ငန်းကွင်းဆက် ခေတ်မီရေးကို တွန်းအားပေး၍ စက်မှုကဏ္ဍဖွံ့ဖြိုးတိုးတက်ရေးအခြေခံကို တစ်ဆင့်တိုးအကောင်အထည်ဖော်သွားမည် ဖြစ်ကြောင်း သိရသည်။

 

တရုတ်နိုင်ငံအင်တာနက်ကွန်ရက်အသင်း(ISC) ဥက္ကဋ္ဌ စန့်ပင်းက 5G ၊ gigabit optical networksစသည့် မျိုးဆက်သစ် သတင်းအချက်အလက်နှင့်ဆက်သွယ်ရေးအခြေခံအဆောက်အအုံတည်ဆောက်မှုများကို အင်တိုက်အားတိုက် တွန်းအားပေးဆောင်ရွက်သွားရန် လိုအပ်ကြောင်း ၊ 6Gစသည့် ကွန်ရက်နည်းပညာသစ်များ၏ သုတေသနနှင့် စက်မှုလုပ်ငန်းအတွက် ကြိုတင်အစီအမံချထားရမည်ဖြစ်ကြောင်း အကြုံပြု ပြောကြားခဲ့သည်။ တစ်ချိန်တည်းမှာပင် နည်းပညာဆန်းသစ်တီထွင်နိုင်စွမ်းကို မြှင့်တင်ရမည်ဖြစ်သလို chips ၊ network slice၊ basic softwareစသည့် အရေးကြီးနည်းပညာများကို အပြောင်းအလဲဖြစ်နိုင်အောင် အရှိန်မြှင့်တင်ဆောင်ရွက်ရမည် ဖြစ်ကြောင်း ဆိုသည်။

လက်တွေ့စီးပွားရေး ဒစ်ဂျစ်တယ်အသွင်ကူးပြောင်းနိုင်ရန်အတွက် နည်းပညာ၊ စီးပွားရေးလုပ်ငန်းပုံစံ ဆန်းသစ်တီထွင်မှုများကို အရှိန်မြှင့်တင်ဆောင်ရွက်ရမည်ဖြစ်ကြောင်း၊ ၎င်းမှရရှိသည့်ရလဒ်များကို ဈေးကွက်တွင်အသုံးပြုနိုင်ရန်၊ စက်မှုလုပ်ငန်း ကွင်းဆက်များတွင် ဟန်ချက်ညီညီ ဆန်းသစ်ဖွံ့ဖြိုးလာစေရန် ဆောင်ရွက်ရမည်ဖြစ်ကြောင်း၊ ယှဉ်ပြိုင်မှုရှိသည့်စက်မှုလုပ်ငန်းအစုအဖွဲ့များကို အရှိန်မြှင့်တင်တည်ဆောက်ပြီး စက်မှုလုပ်ငန်းပံ့ပိုးမှုကွင်းဆက်တည်ငြိမ်ရေးနှင့်ယှဉ်ပြိုင်မှုရှိရေးအတွက် အားထား ဆောင်ရွက်ရမည်ဖြစ်ကြောင်း ၎င်းက ပြောကြားခဲ့သည်။ (Xinhua)