တ႐ုတ္ႏိုင္ငံ အေနာက္ေတာင္ပိုင္း စီခြၽမ္းျပည္နယ္တြင္ ျပင္းအား ၆.၀ ရွိေသာ ငလ်င္လႈပ္ခတ္မႈေၾကာင့္ လူ ၂ ဦးေသဆုံး၊ ၃ ဦးဒဏ္ရာရ

တရုတ်နိုင်ငံ အနောက်တောင်ပိုင်း စီချွမ်းပြည်နယ် လူကျိုးမြို့ လူရှန်းနယ်မြေတွင် စက်တင်ဘာ ၁၆ ရက် နံနက် ၅ နာရီအထိ ပြင်းအား ၆.၀ ပမာဏရှိသော ငလျင်လှုပ်ခတ်ပြီးနောက် လူ ၂ ဦးသေဆုံးကာ ၃ ဦး ဒဏ်ရာရရှိခဲ့ကြောင်း သိရသည်။သေဆုံးသူနှင့် ဒဏ်ရာရသူများမှာ လူရှန်းနယ်မြေ Fuji မြို့နယ် Caoba ကျေးရွာတွင်ဖြစ်ကြောင်း ဒေသခံအာဏာပိုင်များက ပြောခဲ့သည်။

နံနက် ၄:၃၃ နာရီတွင် လှုပ်ခတ်ခဲ့သော ငလျင်ကြောင့် နေအိမ်အချို့ ပြိုကျခဲ့သည်။တရုတ်နိုင်ငံ ငလျင်ကွန်ရက်များစင်တာအဆိုအရ ငလျင်ဗဟိုချက်မှာ မြောက်လတ္တီကျု ၂၉.၂ ဒီဂရီနှင့် အရှေ့လောင်ဂျီကျု ၁၀၅.၃၄ ဒီဂရီ၊ မြေအောက်အနက် ၁၀ ကီလိုမီတာဖြစ်ကြောင်း သိရသည်။

ပြည်နယ်အစိုးရ၏ ခွင့်ပြုချက်အရ စီချွမ်းပြည်နယ် ငလျင်အန္တရာယ်လျော့ပါးရေးဌာနချုပ်က တရုတ်နိုင်ငံ၏ အဆင့် ၄ ဆင့်ရှိသော ငလျင်အရေးပေါ်အခြေအနေတုံ့ပြန်ရေးစနစ်တွင် ဒုတိယအမြင့်ဆုံးဖြစ်သည့် တုံ့ပြန်မှု အဆင့် ၂ အဖြစ် သတ်မှတ်ခဲ့သည်။

ငလျင်လှုပ်ခတ်ပြီးနောက် လူကျိုးမြို့တွင် အရေးပေါ်အခြေအနေတုံ့ပြန်မှု အဆင့်-၁ ကြေညာခဲ့ကာ သဘာဝဘေးအန္တရာယ် စုံစမ်းစစ်ဆေးရေးနှင့် ကယ်ဆယ်ရေးအတွက် တပ်ဖွဲ့ဝင်များ စေလွှတ်ခဲ့ကြောင်း သိရသည်။ထပ်မံ၍ ကယ်ဆယ်ရေးလုပ်ငန်းများလည်း ဆောင်ရွက်နေဆဲဖြစ်ကြောင်း သိရသည်။ (Xinhua)