ယူနန္ျပည္နယ္တြင္ ဇန္နဝါရီလမွ ဩဂုတ္လအတြင္း ႏိုင္ငံျခားကုန္သြယ္မႈ ျမင့္တက္

တရုတ်နိုင်ငံ အနောက်တောင်ပိုင်း ယူနန်ပြည်နယ်သည် ယခုနှစ် ပထမရှစ်လတွင် ကုန်သွယ်ရေး တိုးတက်မှု အားကောင်းခဲ့ကြောင်း သိရသည်။

ယူနန်ပြည်နယ်၏ နိုင်ငံခြားကုန်သွယ်မှု စုစုပေါင်းသည် ဇန်နဝါရီလမှ ဩဂုတ်လအထိ ယွမ် ၁၉၉.၀၈ ဘီလီယံ (အမေရိကန်ဒေါ်လာ ၃၀.၈ ဘီလီယံခန့်) ရှိခဲ့ရာ နှစ်အလိုက်တိုးတက်မှု ၅၁.၁ ရာခိုင်နှုန်း မြင့်တက်ခဲ့ကြောင်း ကူမင်း အကောက်ခွန်ဌာနက ပြောခဲ့သည်။

ယူနန်ပြည်နယ်၏ ပို့ကုန်သည်လည်း နှစ်အလိုက်တိုးတက်မှု ၈၂.၁ ရာခိုင်နှုန်းမြင့်တက်ခဲ့ပြီး ယွမ် ၁၀၆.၀၆ ဘီလီယံရှိခဲ့ကြောင်း၊ သွင်းကုန်မှာမူ ၂၆.၅ ရာခိုင်နှုန်းနှင့် ယွမ် ၉၃.၀၂ ဘီလီယံ ရရှိခဲ့ကြောင်း သိရသည်။

အဆိုပါ ရှစ်လတာကာလအတွင်း အရှေ့တောင်အာရှနိုင်ငံများအသင်း (ASEAN) သည် ယူနန်ပြည်နယ်၏ အကြီးဆုံး ကုန်သွယ်မှုမိတ်ဖက်အဖြစ် ဆက်လက်ရှိနေပြီး ကုန်သွယ်မှုအနေဖြင့် နှစ်အလိုက်တိုးတက်မှု၂၄.၅ ရာခိုင်နှုန်း၊ ယွမ် ၈၂.၄၅ ဘီလီယံ မြင့်တက်ခဲ့ကြောင်း အေဂျင်စီက ဆိုသည်။

ရပ်ဝန်းနှင့် ပိုးလမ်းမအဆိုပြုချက်တွင် ပါဝင်သော နိုင်ငံနှင့် ဒေသများနှင့် ကုန်သွယ်ရေး၊ ဒေသတွင်း ဘက်စုံစီးပွားရေးမိတ်ဖက်ဆက်ဆံရေး (RCEP) အဖွဲ့ဝင်နိုင်ငံများနှင့် ကုန်သွယ်ရေးမှာ ၂၄.၉ ရာခိုင်နှုန်းနှင့် ၃၀.၇ ရာခိုင်နှုန်း အသီးအသီး မြင့်တက်ခဲ့ကြောင်း သိရသည်။ (Xinhua)