တ႐ုတ္ႏိုင္ငံ ႏိုင္ငံျခားေရးဝန္ႀကီးႏွင့္ ကုလသမဂၢ အေထြေထြညီလာခံ ဥကၠ႒တို႔ေတြ႕ဆုံ

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် ၇၆ ကြိမ်မြောက် ကုလသမဂ္ဂအထွေထွေညီလာခံ (UNGA) ဥက္ကဋ္ဌ အဗ္ဗဒူလာ ရှာဟစ် (Abdulla Shahid) နှင့် စက်တင်ဘာ ၂၃ ရက်က ဗီဒီယိုလင့်ခ်မှတစ်ဆင့် တွေ့ဆုံခဲ့ကြောင်း သိရသည်။UNGA အနေဖြင့် ကပ်ရောဂါတိုက်ဖျက်ရေး ပူးပေါင်းဆောင်ရွက်မှု နှင့် ကာကွယ်ဆေးဖြန့်ဖြူးမှု မျှတရေး မြှင့်တင်ရာတွင် ပို၍ကြီးမားသော အခန်းကဏ္ဍမှ ပါဝင်ရန်၊ ရာသီဥတုပြောင်းလဲမှု ကိုင်တွယ်ဖြေရှင်းရေး နှင့် ဇီဝမျိုးစုံမျိုးကွဲများအား ကာကွယ်ရေးနှင့် ရေရှည်တည်တံ့သော ဖွံ့ဖြိုးတိုးတက်မှု တိုးမြှင့်ရေး ကြိုးပမ်းအားထုတ်မှုများ ပံ့ပိုးရန် ဝမ်က တိုက်တွန်းပြောကြားခဲ့သည်။

ယခုနှစ်သည် ကုလသမဂ္ဂတွင် တရုတ်ပြည်သူ့သမ္မတနိုင်ငံ (PRC) ၏ တရားဝင်နေရာ ပြန်လည်ရရှိခြင်း နှစ် ၅၀ ပြည့်မြောက်သည့် အခါသမယလည်းဖြစ်ကြောင်း၊ တရုတ်နိုင်ငံ၏ မဲဆန္ဒသည် အမြဲတစေပင် ဖွံ့ဖြိုးဆဲနိုင်ငံများက ပိုင်ဆိုင်သွားမည်ဖြစ်ကြောင်းနှင့် နိုင်ငံတကာ တရားမျှတမှုနှင့် ကောင်းမွန်မျှတမှု ပံ့ပိုးရာတွင် အစဉ်ထားရှိမည်ဖြစ်ကြောင်း ဝမ်က ပြောခဲ့သည်။

ရှာဟစ်ကလည်း တရုတ်ကွန်မြူနစ်ပါတီ တည်ထောင်ခြင်း နှစ် ၁၀၀ ပြည့်နှင့် ကုလသမဂ္ဂတွင် PRC ၏ တရားဝင်နေရာ ပြန်လည်ရောက်ရှိခြင်း နှစ် ၅၀ ပြည့်အထိမ်းအမှတ်အပေါ် ဝမ်းမြောက်ကြောင်းသဝဏ်လွှာကို ပေးအပ်ခဲ့ပြီး UNGA ၏ ယခုအစည်းအဝေး၏ အဓိကအစီအစဉ်အား ပူးတွဲအဆင့်မြှင့်တင်ရန် တရုတ်နိုင်ငံနှင့်အတူ အနီးကပ်လုပ်ဆောင်သွားနိုင်ရန် မျှော်လင့်ကြောင်း ဖော်ပြခဲ့သည်။

ထို့ပြင် ပေကျင်း ဆောင်းရာသီအိုလံပစ် (Beijing Winter Olympics) အား အောင်မြင်စွာကျင်းပပြီးစီးနိုင်ရန် ဆန္ဒပြုကြောင်း ၎င်းက ပြောကြားခဲ့သည်။ (Xinhua)