စတုတၳအႀကိမ္ေျမာက္ CIIE တြင္ အေမရိကန္ေဒၚလာ ဘီလီယံ ၇၀ တန္ဖိုးရွိ ကမ္းလွမ္းမႈသေဘာတူညီခ်က္မ်ား လက္မွတ္ေရးထိုးႏိုင္

စတုတ္ထအကြိမ်မြောက် တရုတ် နိုင်ငံတကာသွင်းကုန်ပြပွဲ (CIIE) အား နိုဝင်ဘာ ၁၀ ရက်တွင် ပိတ်သိမ်းခဲ့ပြီး ကုန်စည်နှင့် ဝန်ဆောင်မှုလုပ်ငန်းများ တစ်နှစ်တာဝယ်ယူခြင်းအတွက် စုစုပေါင်း အမေရိကန်ဒေါ်လာ ၇၀.၇၂ ဘီလီယံ တန်ဖိုးရှိသော ကမ်းလှမ်းမှုသဘောတူညီချက်များ လက်မှတ်ရေးထိုးနိုင်ခဲ့ကြောင်း CIIE ဗျူရို လက်ထောက်ညွှန်ကြားရေးမှူး Sun Chenghai က သတင်းစာရှင်းလင်းပွဲ၌ ပြောကြားခဲ့သည်။ယခုနှစ်၏ CIIE သည် နိုင်ငံ ၅၈ နိုင်ငံနှင့် နိုင်ငံတကာအဖွဲ့အစည်း ၃ ခုမှ ဒစ်ဂျစ်တယ်ပြခန်းများ ဖွင့်လှစ်ပြသခြင်း ပါဝင်သည့် အွန်လိုင်းပြပွဲတစ်ခုကို ပထမဆုံး ထည့်သွင်းပြသခဲ့သည်။ အွန်လိုင်းပြပွဲသို့ ဝင်ရောက်လေ့လာသူ အရေအတွက် စုစုပေါင်း ၅၈ သန်းကျော်ရှိခဲ့ကြောင်း Sun က ဆိုသည်။

ပြခန်းဧရိယာ ၃၆၆,၀၀၀ စတုရန်းမီတာရှိသော ယခုနှစ်၏ စီးပွားရေးပြပွဲတွင် နိုင်ငံနှင့် ဒေသပေါင်း ၁၂၇ ခုမှ စီးပွားရေးလုပ်ငန်း ၂,၉၀၀ ကျော် ပါဝင်ခဲ့ကြောင်း သိရသည်။

ပြပွဲအတွင်း ထုတ်ကုန်သစ်များ၊ နည်းပညာများနှင့် ဝန်ဆောင်မှုလုပ်ငန်း စုစုပေါင်း ၄၂၂ ခု ထည့်သွင်းပြသခဲ့သည်။ထို့ပြင် Fortune 500 ကုမ္ပဏီများနှင့် ကော်ပိုရိတ် လုပ်ငန်းကြီး ၂၈၁ ခုလည်း တက်ရောက်ခဲ့ကာ ယင်းအနက် လုပ်ငန်း ၄၀ နီးပါးသည် CIIE တွင် ပထမဆုံး ဝင်ရောက်ပြသခဲ့ပြီး ၁၂၀ ကျော်မှာ လေးနှစ်ဆက်တိုက် ပါဝင်ပြသခြင်း ဖြစ်သည်။
ပဉ္စမအကြိမ်မြောက် CIIE ပြပွဲအတွက် မှတ်ပုံတင်ခြင်းကိုလည်း ဖွင့်လှစ်ထားပြီဖြစ်ကြောင်း ပြခန်းဧရိယာ ၁၅၀,၀၀၀ စတုရန်းမီတာကျော် ကြိုစာရင်းသွင်းထားပြီးဖြစ်ကြောင်း သိရသည်။ (Xinhua)